شكرا يا استاذ اسامة على الرد بس انا شفت على موقع كونتاكت اسعار الرينو ميجان و كان فى حاجات كويسة بالسعر دا و الله اعلم برضو انا مشفتهمش بس قرأت المزايا اللى فيها و فى حاجات هاى لاين بانوراما ب 60 الف برضو بس عموما حضرتك بترشح الميجان
عرض للطباعة
شكرا يا استاذ اسامة على الرد بس انا شفت على موقع كونتاكت اسعار الرينو ميجان و كان فى حاجات كويسة بالسعر دا و الله اعلم برضو انا مشفتهمش بس قرأت المزايا اللى فيها و فى حاجات هاى لاين بانوراما ب 60 الف برضو بس عموما حضرتك بترشح الميجان
لو عايز تحس ب advance اركب الميجان طبعا ،،، انت راجل كنت راكب كليو لو ركبت لوجان هتحس باحساس مش لطيف ... هي عربيه لذيذه وعمليه بس مفيهاش دلع وراحة الميجان
شكرا يا كرياتيف على الرد و من الواضح ان الميجان احسن من اللوجان بكتير من حيث الراحة و المميزات و ياريت برضو اللى عندة رأى تانى يقولو ان لسة انشاء الله هنزل على يوم الجمعة السوق هتفرج و لو حاجة عجبتنى انشاء الله هشتريها
كنت هشتري ميجان وكنت هموووووووت عليها لما ركبتها وكنت هجيب الهاتش باك وكانت تحفه بس ناس كتير حظرتني منها بسبب عدم توافر قطع الغيار وان العربيه كلها فبر ومش صاج لكن الحقيقه مجربتهاش وممكن يكون كان ده مجرد اجتهادات وفتي من الناس !! اسأل حد جرب الميجان واللوجان افضل
الكلام كله غير صحيح فعلا
الميجان طبببببببعاااااااااااااا , مفيش مقارنة اساسا بين العربيتين
اللوجان خلاصتها انها ابسط فمفروض اعتماديتها اعلى شوية , غير كده مفيش , اركب دي مرة و دي مرة اصلا مش هاتحتاج تفكر
بص , عموما الميجان ملخصها , تكشف كويس جدا لما تكون بتشتري و لازم العربية تكون حالتها كويسة + انك تواظب على الصيانات و لازم تكون في التوكيل او عند صنايعي بتاع ميجان + انك تعاملها على انها عربية ب150 الف مش عربية جايبها ب70 الف
لو فقدت اي نقطة من دول يبقى بلاش الميجان
شكرا يا استاذ تامر بس فى الحقيقة موضوع التوكيل دا صعب بالنسبالى شوية لان انا من طنطا فا اكيد مش كل ما حاجة تحصل فى العربية هروح التوكيل بس انا من النوع الحمد لله اللى مش بستنا على الحاجة اللى بيظا يعنى ايدى فى العربية على طول مش بخليها محتاجة حاجة فا اية رأى حضرتك ابعد عن الميجان ولا اتوكل على الله و افكر فيها ؟؟؟
و بعد اذنك يا استاذ تامر برضو احب اعرف رأى وحوش الميجان فى الموضوع بيتاع التوكيل دا
و شكرا على الردود و منتظر المزيد
هو انا كنت باتكلم على الكشف في التوكيل قبل ما تشتري
بس بعد ما تشتري , بصراحة حتة طنطا دي هي اللي مشكلة شوية
يعني لو مفيش جنبك مكان فيه قطع غيار جديدة و استيراد للعربية و صنايعية بتوع ميجان , رأيي بلاش
لا فى واحد بيتاع قطع غيار رينو جديدة و فى واحد بتاع استيراد بس غالى شويتيين :] و حد بيفهم فى الرينو دى بقى مش عارف بس انا لما كان معايا الكليو كنت بصلحها عند الميكانيكى بتاعى عادى مفيش فيها مشكلة و كانت بتتصلح عادى مكنش فلا ازمة فيها فهل الرينو ميجان نفس الكلام و تختلف فى صيانتها عن الكليو بكتييييييييييير ؟؟