عملت حادثه او اتعمل فيه حادثه

**ahmed el-sawy** · 14-09-2008 12:26 PM

الحمد الله على كل شىء
امبارح كان عندى مشوار الساعه 9 الصبح ونزلت المشوار والحمد الله كل شىء تمام وبعد ما خلصت وماشى عادى فى حالى وكنت ماشى براحه كمان علشان مافى بنزين ولسه هحط بنزين فجاه سمعت حاجه بتتخبط عندى من اليمين ايه باه عربيه خنزيره ماشاء الله كانت ركنه وطلبت مع الجميل الى ركبها انه يطلع مره واحده وطبعا من غير ما يبص قدامه ولا فى مرايات وخبطلى الباب وطبقه
طبعا نزلت مش عارف اكلم رغم انى عصبى جدا بس لاول مره اققف بارد واسمع التعليقات ياعم دى بسيط الباب هيترد على البارد وخير ومش مشكله ياعنى
كان حوار ان الباب يترد على البارد ده عادى او انك عربيتك تكون مشرحه ده عادى متفكرش فيه
قعد نص ساعه واقف اتفرج وياسيدى العربيات كلها بتتخبط ودى خبطه بسيطه ومش مشكله وتمام ويلا ياعم حصل خير وكانت الحياه بمبى
وروحت سمكرة الباب واتردد على البارد رغم انى اقعد كذا شهر ببحث عن عربيه تكون كسر الزيرو وفى الاخر اتخبطت ههههههههههههه
الحمد الله
دى صور الباب

دى صورة دعامة الباب من الداخل

**tarekkasaby** · 14-09-2008 01:20 PM

ربنا يعوض عليك و ماتضايقش نفسك

**جمال** · 15-09-2008 02:48 AM

حصات معايا نفس الخبطة فى عربية زيرو و هى بتترخص !!!
قلبى معاك

**ahmed el-sawy** · 15-09-2008 12:46 PM

الحمد الله هى سليمه فعلا
شكرا ليكم اخوانى وهى دى مصر كلنا بنغلط ولا ايه

**دموع الثلج** · 15-09-2008 05:47 PM

معلشششششششش قدر الله وما شاء فعل ربنا يعوضك حصلت معايا بنفس الشكل الغلس ده وكان تاكسى حب يبارك لى على العربيه قبل مااركب النمر اصلا متزعلش نفسك الحمد لله انك سليم وده الاهم من مليون عربيه

**bassam nagy** · 15-09-2008 06:18 PM

الحمد الله بسيطة
وقدر الله وماشاء فعل

**hazem_khidr** · 15-09-2008 10:48 PM

قدر الله و ما شاء فعل
الحمد لله الخبطه بسيطه و ما تضايقش نفسك
مش مستاهله
انا اول رمضان بوكس شرطه دخل في اكصدام الياريس عصره
بس قولت الحمد لله انها جات علي كده
و صلحتها ولا باين فيها حاجه