افضل مكان لشراء قطع غيار فيات القديم من حيث الجودة و السعر و المعاملة و متكونش مضروبة و تباع على انها اصلية و هكذا :
1- الكيلانى
2- فيات 2000
3- هشام لهيطة
4- محمد يوسف
عرض للطباعة
افضل مكان لشراء قطع غيار فيات القديم من حيث الجودة و السعر و المعاملة و متكونش مضروبة و تباع على انها اصلية و هكذا :
1- الكيلانى
2- فيات 2000
3- هشام لهيطة
4- محمد يوسف
على فكره فيه محل فى ارض شريف فى شارع عمودى على سور قصر عابدين مش متاكد من اسمه عنده حاجات الفيات القديم و ساعات تلاقى عنده حاجات عجيبه لعربيات فيات موديل الستينات و السبعينات
لا انا مش قصدى قديم اوى كده :)
قصدى على 128 و 127 و 131 و شاكلتهم
تحياتى
مفيش جديد اصلي !! المصانع وقفت انتاجها من زمان طبعا لتوقف انتاج العربيات دي
قطع الغيار الموجودة تركي واسباني وخلافة كلها صناعات اغلبها لمصانع معروفة زي ديبو التيواني
والباقي تحت السلم .. عايز اصلي يبقى استيراد وانسي محلات طقع الغيار .
فى رأيى أفضل مكان هو سعيد مهران فى شارع رمسيس عن تجربة مع الشاهين يليه قيات 2000 بجواره و إن كانوا ابتدوا يخرفوا و بعدهم الكيلانى، محمد يوسف مش قوى بصراحة و لا أعرف شئ عن هشام لهيطة، ده فين ده؟ بس قيه حاجات معينة الكيلانى يكتسح فيها مثل لوازم الفرامل و يعض القطع الداخلية للموتور فى حالة عمل عمرة.
موضوع جميل وفيه افاده فعلا
ومشاركتي ان الكيلاني بيهيس احيانا بالاسعار بمعني ان عندك مثلا بك السلانسيه الكهرباء بتاع الشاهين والتمبرا بيبيعوه ب60ج التركي وواحد زميل اشتراه من عنده
في حين انا جايبه هو هو ب 30ج يعني ضعف تمنه ... الكلام ده اسمه ايه :17:
بك السلانسيه الكهرباء ب30ج تركي
http://nileup.com/up/uploads/nilemotors_13835156531.jpg
http://nileup.com/up/uploads/nilemotors_13835156532.jpg
و فعلا ده اللى قصدى عليه ضرب الاسعار فى العالى او بيع قطع مضروبة على انها جيدة الصنع
في الصعيدي والموجي فى الحرفيين
والصعيدي أسعارة رخيصة ، أرخصهم تقريبا