الحمدلله رحت النهارده ورشه المتخصصون عشان اعالج الحراره عندى والى كنت فاكرها من المرواح

الاسطى خالد هناك راجل محترم وفاهم فتح الكابوت قلتله انا شاكك فى المراوح شرحتله المشكله وقلتله ممكن كنترول قالى ممكن بعدين قالى دور دورت بص شويه كده وقلتله كنترول او سنسور مراوح قالى مستحيل وفى الاخر كشف على الرادتير ولقاه بينقط من تحت خالص وفكلى الاربه ورانى اعبيها صح لغايه فين لانى كنت فاكرها بتتعبى زى قزازه الميه يعنى لغايه اول الرقيه قلتله هيتكلف كام قالى بس انا مش فنى رداتير عشان اعملهالك ووصلفلى واحد وانشاء الله بكره او بعده هرحله .
بعدين لقيته بيقولى مقاس الزيت بتاع الفتيس مكسور وفيه مسمار فى العلبه واقع زبطهملى
وبعدين قلتله هغير التيل وكان معايا التيل الاصلى لقى مسمار فى البتاع الى ماسك فى الطنبوره الى بينزل على التيل عشان ميقعش قالى لازم يتغير عشان ممكن يعملك مشكله كبيره قلتله هيعمل ايه يعنى قالى ممكن يخلى العربيه تعوووم منك يمين جااامد وفعلا ده كان حصلى من 3 اسابيع تقريبا عالصحراوى لولا ستر ربنا وبص عالسيور وقالى على 80 هنغير التالف وهنسيب السليم وسألته على كذا حاجه تانيه وفهمنى .

تقيمى ليهم كأنسان عادى متوسط الخبره
الورشه تمام اوى مش بيلف ويدور عليك تتكلم معاه بصراحه ومش هيلبسك ويغيرلك حاجه سليمه عشان يطلع من وراك فلوس (السليم سليم والبايظ بايظ) مفيش ملاوعه ولف ودوران
اسعار قطع الغيار عندهم اقل حاجه بسيطه اوى من التوكيل
بس مش بتدفع ضريبه و المصنعيات اقل طبعا
لو مش عايز قطع غيار من عنده ممكن تجيب ويركبهالك ولو وحشه هيقلك بلاش منها

يعنى تقريبا الورشه بعيده عن سرقه وجشع التوكيل وفتى وهرى الصنايعيه