السير إتقطع يا صديقي المواطن .... أيوه إتقطع بس الحمد لله كنت جنب البيت بعد مشاوير للبيت برضه ..... بس الغريب إني لما ركنت لاقيت مية الرادياتير نازله و مغرقه الدنيا .... فهل ممكن يكون السير بوظ الرادياتير و لا إيه ؟؟؟؟؟؟؟؟؟؟؟؟؟؟؟؟؟
عرض للطباعة
السير إتقطع يا صديقي المواطن .... أيوه إتقطع بس الحمد لله كنت جنب البيت بعد مشاوير للبيت برضه ..... بس الغريب إني لما ركنت لاقيت مية الرادياتير نازله و مغرقه الدنيا .... فهل ممكن يكون السير بوظ الرادياتير و لا إيه ؟؟؟؟؟؟؟؟؟؟؟؟؟؟؟؟؟
صديقي المواطن
قلبا وقالبا إحنه جنبك وزعلانين من السير إبن السير اللي زعلك
مش ظاهر عندي نوع عربيتك ومش عارف أنهي سير إنقطع ولكن غالب الظن حتلاقيه نفس السير بيدور طرمبة المياه وبذلك مفيش تقليب مياه فالعربية سخنت فالمياه فارت وطلعت من الغطا أو لو فيه حته ضعيفة من الراديتير ممكن عملت خرم بسيط بس مظنش غالبا سخونية وحتعدي تجيب إنت بقه 2 سير مش واحد خليك سابق واحد يركب وواحد تحطه إحتياط في صندوق العدة في الشنطة
وبالتوفيق وإلى اﻷمام ومن نصر إلى نصر
ودمتم للنضال
ايه موضوع صديقي المواطن ده
أتفضل أقراء,
http://www.nilemotors.net/Nile/386005-a.html
هههههههههههههههههه راجل زي العسل والله
شكرا علي الرد
عليا النعمه إنت برنس يا صديقي المناضل ... ليه بأه ؟؟؟
أنا امبارح نمت متنكد و الصبح كلمت صنايعي لهلوبه كان شغال في التوكيل و تركه .. المهم الراجل مكدبش خبر و جالي لغاية البيت و ركب السير إللي أنا أصلا كنت اشتريته إحتياطي و العربيه مشيت و الحمد لله و ربنا يستر بأه ...
أما موضوع الميه بتاعة الرادياتير فشرحه كالتالي .... سير الطرمبه بتاعة الميه و سير الباور هما الاتنين راكبين في تعشيقه مع سير الدينامو فلما الدينامو قطع راح فاصل ده كله و بالتالي طرمبة الميه مش شغاله و عليه راحت فاتحه الغطا بتاع القربه و طراااااااااااااخ و الحمد لله على كل شئ و ربنا يجعلها آخر الاحزان إن شاء الله :fun_36_3_4[1]: