وبعدين طيب فى اكتوبر والقرف اللى عايشين فيه دة

بقالى كتير مكتبتش مواضيع بس خلاص الواحد قرف بجد من العيشه دى
من ساعتين تانى ولد يتقتل فى الشارع قدام الناس وفى حته حيويه جدا (الحى السابع) علشان كان ماسك شنطه وماشى فى حاله
توكتوك عدى من جنبه شد الشنطه
الولد كلبش فيها
طلقة فى قلبه
مات
ولد عندة 21 سنه
ومن اسبوع
عند هايبر الساعه 6 مساء
محمد الغزلانى رحمه الله عليه ( عضو فى جين2 كلوب )
محاوله تثبيت
حاول يهرب
انضرب بالنار
مات
فى لحظتها
العيال معروفين
واماكنهم معروفه لطوب الارض فى اكتوبر ( دار الايتام )
بيبيعوا مخدرات
وبيثبتوا الناس
وشغالين كلاب للداخليه
واماكن تواجدهم كمان معروفة
عند الدار
وعند شارع مستشفى اكتوبر
وكل توكتوك ماشى فى البلد راكبة عيل مبرشم
وعند هايبر
عايزين اية تانى
ننزل احنا نجيبهم طيب
نمسك سلاح انا موافق
وموافق انزل اصفى كل كلب فيهم بدم بارد
اكتوبر دلوقتى مش محتاجة حظر زفت تجول
اللى بينزل بليل دلوقتى اصلا كانه بينزل فى بلد زومبى غير ماهوله بالسكان من حظر ولا نيله علشان السرقات والحرامية اللى مالياها
المشكلة ان الموضوع مش سرقة بس
دة سرقة وقتل وعادى جدا قدام كل الناس وفى اى حته
وكالعادة الداخلية تشتغل وتقلب الدنيا وتقفل كل حته بعد المصيبة
لكن اللى راح راح
حسبى الله ونعم الوكيل
ان لله وان اليه راجعون ولا حول ولا قوه الا بالله
[sor2]https://fbcdn-sphotos-e-a.akamaihd.net/hphotos-ak-prn1/1425519_573409109400681_1558425895_n.jpg[/sor2]

ربنا ياخدهم اخذ عزيز مقتدر

لا اله الا الله
الكلام ده انهارده 29 اكتوبر ولا ايه

البقاء لله ربنا يرحمه ويوسع مدخله
ولازم تلاقوا حل طالما ان العبال معروفه ومكانهم معروف ممكن تلموا كبار المدينه وتروحوا داره المنطقه االمركزيه لقوات المسلحه وتتقدموا بشكوى واكيد حيكون فى تحرك منهم طالما انتم قدمتوا شكاوى للشرطه ومستجابتش
وربنا يسترويعدى الايام دى على خير
تحياتى.

ربنا يستر على الايام الجاية

لا اله الا الله

الشرطة فاضية للدقون بس دلوقتي

اللي اتقتل
مهندس عنده 22 سنه
ربنا ينتقم من المهمل والمسؤل عن امن الناس اورواحهم

صديقي المواطن
كل اللي بيحصل ده وكل اللي بنشوفه من سنين واللي لسه حنشوفه قدام كله بسبب إن الشباب فاقد اﻷمل ببكره كلنا عاملين زي اللي ماسك معلقه وبيقلب جنب كباية الشاي ونقول الشاي مش بيتقلب ليه
إيه اللي بيخلي الشاب يسرق وينهب ويقتل وهو عارف مهما طال اﻷمر في اﻵخر حيتمسك أو يتعدم كل ده بسبب سوء أو إنعدام التربية في البيت وعدم وجود قيم وثوابت وخطوط حمر لا يتجاوزها اﻹنسان وغياب القدوة والرمز الذي ترغب كل الناس أن تصبح مثله
ثم البطالة وغلاء المعيشة ويأس الناس نت تغير الحال للأحسن هو اللي جايب إحباط للشباب وبيشوفوا تقاوت في المعيشة وبيشوف ناس بتلبس وتركب عربيات وتروح نوادي وهو بياكل من الزبالة ولما مسك سلاح حس إنو مهم والناس كلها تحت رجليه في لحظة ما وبيحسه مكسب سريع فخلاص إعتبرها مهنة
ونسأل الله يلطف بالبلد نفسي أعرف المصري حيروح فين لو خربت مصر وهي تقريبا فاضل كام سنة وتضيع نفسي شركة يابانية أو كندية تيجي تمسك الحكم في مصر يااااه ويسلموهالنا متشبطة سوبر لوكس عالمفتاح بالمباني وأخلاق الناس
وبالتوفيق وإلى اﻷمام ومن نصر إلى نصر
ودمتم للنضال

رحم الله الفقيد وصبر أهله على مصابهم

اكتوبر فعلا فيها مصيبه ما هى جزء من المحروسه برضوا بس المصيبه ان الداحليه عارفه وساكته ميخلصوا على العيال دى وخلاص

حسبى الله و نعم الوكيل ربنا يرحمه و يصبر اهله

معلش يا جماعة اعذروا أبطال الداخلية بتوع ثورة يونيو أصلهم مشغولين بمكافحة الإرهاب والقضاء على عناصر المحظورة فمش فاضيين للكلام الفاضي ده

لا بس فعلاً الوضع خطير
انا بقيت تقريباً حابس عيالي في البيت ... وحاطتهم تحت الاقامة الجبرية .... مش مهم المدارس مش مهم مستقبلهم بس المهم يعيشوا ومشوفش واحد فيهم يتقتل ( لا قدر الله) انتو ناسين الراجل الي كان معتصم عند الحصري لان ابنو اتقتل من عيال الدار علشان ١٠ جنية !!!!

ياجماعه انا الي مكنيتش البسمة او الدحكة بتفارقني ابداً حتى في اصعب الظروف جالي اكتئاااب ... وبقيت افكر واقول استغفر الله العظيم ياربي استغفر الله العظيم خلفت عيالي ليييييه ... انا خايف بجد عليهم وعلى ومراتي وعلى اخواتي وعلى نفسي ... وبقيت احضر نفسي اسمع خبر اي حد فيهم محضر نفسي اسمع اي خبر ووحش ! (( بعيد الشر ))

ووالله. بقيت ماشي من شوية وانا رايح اصلي الظهر. ماشي عمال اضرب كف على كف واكلم نفسي واقول رحمتك يارب ... دبرني اعمل ايه بس ياربي ... اروح اجيب مطوة لابني مرسوم عليها دباديب ولا اجيب إليكترك لبنتي. مرسوم عليه باربي وفرشات ... طب ودول هيعرفوا يستخدموه ازاي ... هو مفيش دورات لتعلم استخدام الاسلحة للاطفال !! طيب ما افتح اليوتيوب واشوف وادور طريقة عمل الاسلحه ... يمكن الاقي شرح بالانجليزي واترجموا واعلم العيال عندي !! طيب ياترى لو المس الابلة بتاعت بنتي شافت معاها سلاح هتقول ايه ... وياترى هيرضو يدخلو ابني مدرستو ومعاه المطوة بتاعتوا ... المفروض يعملو جزامة كده على باب المدرسة زي جزامت المساجد بقفل ومفاتيح وكل واحد يحط فيه سلاحوا وهو خارج من المدرسة ياخود سلاح الدفاع بتاعوا عن الحياة !! وشوية وانا ماشي لقيت واد بتوك توك عمال يبصلي جامد قلت اااه ده اكيد حرامي شوية تانية لقيتوا مشي وهو بيضرب كف على كف ... عرفت اني كنت عمال بكلم نفسي بس بصووت عالي وانا في الشارع لدرجة الناس بقيت تبص عليا وتتفرج ....

اقتباس:

---

المشاركة الأصلية كتبت بواسطة y a r i s

لا بس فعلاً الوضع خطير
انا بقيت تقريباً حابس عيالي في البيت ... وحاطتهم تحت الاقامة الجبرية .... مش مهم المدارس مش مهم مستقبلهم بس المهم يعيشوا ومشوفش واحد فيهم يتقتل ( لا قدر الله) انتو ناسين الراجل الي كان معتصم عند الحصري لان ابنو اتقتل من عيال الدار علشان ١٠ جنية !!!!

ياجماعه انا الي مكنيتش البسمة او الدحكة بتفارقني ابداً حتى في اصعب الظروف جالي اكتئاااب ... وبقيت افكر واقول استغفر الله العظيم ياربي استغفر الله العظيم خلفت عيالي ليييييه ... انا خايف بجد عليهم وعلى ومراتي وعلى اخواتي وعلى نفسي ... وبقيت احضر نفسي اسمع خبر اي حد فيهم محضر نفسي اسمع اي خبر ووحش ! (( بعيد الشر ))

وواللهي. بقيت ماشي من شوية وانا رايح اصلي الظهر. ماشي عمال اضرب كف على كف واكلم نفسي واقول رحمتك يارب ... دبرني اعمل ايه بس ياربي ... اروح اجيب مطوة لابني مرسوم عليها دباديب ولا اجيب إليكترك لبنتي. مرسوم عليه باربي وفرشات ... طب ودول هيعرفوا يستخدموه ازاي ... هو مفيش دورات لتعلم استخدام الاسلحة للاطفال !! طيب ما افتح اليوتيوب واشوف وادور طريقة عمل الاسلحه ... يمكن الاقي شرح بالانجليزي واترجموا واعلم العيال عندي !! طيب ياترى لو المس الابلة بتاعت بنتي شافت معاها سلاح هتقول ايه ... وياترى هيرضو يدخلو ابني مدرستو ومعاه المطوة بتاعتوا ... المفروض يعملو جزامة كده على باب المدرسة زي جزامت المساجد بقفل ومفاتيح وكل واحد يحط فيه سلاحوا وهو خارج من المدرسة ياخود سلاح الدفاع بتاعوا عن الحياة !! وشوية وانا ماشي لقيت واد بتوك توك عمال يبصلي جامد قلت اااه ده اكيد حرامي شوية تانية لقيتوا مشي وهو بيضرب كف على كف ... عرفت اني كنت عمال بكلم نفسي بس بصووت عالي وانا في الشارع لدرجة الناس بقيت تبص عليا وتتفرج ....

---

ربنا يصبرنا على البلاء اللي احنا فيه
بس استعن بالله ولا تعجز وحصن نفسك وأهلك بالأذكار واعلم أن الدنيا سجن المؤمن وجنة الكافر ولو اجتمع الإنس والجن على أن يضروك بشيء لن يضروك إلا بشيء قد كتبه الله عليك

الكارثة أن كل يوم لما الشرطه بتنزل أخبار أنهم مسكوا سلاح و نفذوا أحكام...كل ده بيكون على المواطن المحترم اللى مش بلطجى...بمعنى ممكن يمسكوا واحد فلاح غلبان جاب حتة سلاح يدافع بيها عن مواشيه أو زرعه أو ينفذوا حكم على واحد بكمبيالة أو شيك أو حد مديون عليه فلوس ألخ...أنما بلطجية أو عتاة ألجرام محدش بييجى جنبهم الا بالصدفة البحتة أو لو حد مشهور أو واصل حصل معاه حاجة "زى حادثة المخرج المشهور اللى عربيته اتسرقت قريب و رجعت علطول"..... و الله لسه واحد صديق ليا دفع 40ألف جنيه علشان يرجع عربيتة النيو ألنترا فى أسكندرية. العرب قعدوا يفاوضوه أسبوع و كانوا عايزين 60ألف!! و راح عمل محضر الظابط قاله فاوضهم و فاصل معاهم!!

ربنا ينتقم من كل كلب معا احترامي للكلاب كحيوانات بيحاول يدمر في البلد اكتر ما هية مدمرة

اقتباس:

---

المشاركة الأصلية كتبت بواسطة أبو بودي وعمر

معلش يا جماعة اعذروا أبطال الداخلية بتوع ثورة يونيو أصلهم مشغولين بمكافحة الإرهاب والقضاء على عناصر المحظورة فمش فاضيين للكلام الفاضي ده

---

ازاي الشرطة تمسك ارهابيين ومخربيين
لازم الشرطة تسيبهم يخربوا اي حاجة ويقتلوا اي عدد من الناس لحد مايرجعوا للكرسي

‫طلاب الازهر يقتحمون مبني الادارة ويحطمون محتوياته‬‎ - YouTube

حسبي الله ونعم الوكيل في كل كلب مش عاوز يشتغل كان حجتهم الاخوان اهو الاخوان مشيوا واتقبض عليهم كمان عاوزين ايع تاني بقه عشان يشتغلوا مش عارف

يا مؤمن
العريان اتتقبض عليه اليوم صباحا
ماموريه مكونه من 300 فرد مابين ضابط وامين شرطه وافراد
طب فين الهمه والنشاط ده كله في القبض علي الجرمين والقتله قاطعي الطرق

الداخلية مش فاضية للكلام ده وراهم الحرب على الارهاب وسايبين الشعب يتدبح فى بعضه والبلطجية يعيثون فى الأرض فسادا

لازم يكون فى خطوه ايجابيه مننا كسكان اكتوبر مش هينفع نفضل نبكى و نحسبن و بس و كل يوم مشكله ربنا يحفظنا

لو حد يعرف مسؤل فى الجيش او الشرطه من قرايبه او جيرانه يكلمه و نقدم بلاغ فى مديريه الامن او حتى محامى يقلنا نعمل ايه

لو حد يعرف حد فى الميديا توك شو او راديو او اى وسيله لازم نتكلم علشان نقدر نوصل لحل

لازم نتحرك بشكل ايجابى اكتر و نعمل اللى علينا

يا ريت يفضل الموضوع مفتوح و متجدد و اللى يوصل لحاجه يبلغ الباقى

فى النهايه لا ننسى الاذكار و الادعيه و ربنا هوا الحافظ

حسبى الله ونعم الوكيل

[quote=mido_soliman;3875257456]
ننزل احنا نجيبهم طيب
نمسك سلاح انا موافق
وموافق انزل اصفى كل كلب فيهم بدم بارد

مفيش غير كده واللي مش هيعمل كده بنفسه ومزاجه بكرة هينزل غصب عنه

ربنا يرحمة ويسترها
انا شغلي في اكتوبر وبركب تكاتيك كتير بس حظي بقع مع ناس غلابة
تحركاتي السادس-المستقبل-الجمرك-المنطقه الصناعية-الحصري
مشكلتهم معايا لو المشوار بعشرة ياحولو اكتر يلقوك فاهم يسكته بس الصنف ده قليل

اقتباس:

---

المشاركة الأصلية كتبت بواسطة mido_soliman

بقالى كتير مكتبتش مواضيع بس خلاص الواحد قرف بجد من العيشه دى
من ساعتين تانى ولد يتقتل فى الشارع قدام الناس وفى حته حيويه جدا (الحى السابع) علشان كان ماسك شنطه وماشى فى حاله
توكتوك عدى من جنبه شد الشنطه
الولد كلبش فيها
طلقة فى قلبه
مات
ولد عندة 21 سنه
ومن اسبوع
عند هايبر الساعه 6 مساء
محمد الغزلانى رحمه الله عليه ( عضو فى جين2 كلوب )
محاوله تثبيت
حاول يهرب
انضرب بالنار
مات
فى لحظتها
العيال معروفين
واماكنهم معروفه لطوب الارض فى اكتوبر ( دار الايتام )
بيبيعوا مخدرات
وبيثبتوا الناس
وشغالين كلاب للداخليه
واماكن تواجدهم كمان معروفة
عند الدار
وعند شارع مستشفى اكتوبر
وكل توكتوك ماشى فى البلد راكبة عيل مبرشم
وعند هايبر
عايزين اية تانى
ننزل احنا نجيبهم طيب
نمسك سلاح انا موافق
وموافق انزل اصفى كل كلب فيهم بدم بارد
اكتوبر دلوقتى مش محتاجة حظر زفت تجول
اللى بينزل بليل دلوقتى اصلا كانه بينزل فى بلد زومبى غير ماهوله بالسكان من حظر ولا نيله علشان السرقات والحرامية اللى مالياها
المشكلة ان الموضوع مش سرقة بس
دة سرقة وقتل وعادى جدا قدام كل الناس وفى اى حته
وكالعادة الداخلية تشتغل وتقلب الدنيا وتقفل كل حته بعد المصيبة
لكن اللى راح راح
حسبى الله ونعم الوكيل
ان لله وان اليه راجعون ولا حول ولا قوه الا بالله
[sor2]https://fbcdn-sphotos-e-a.akamaihd.net/hphotos-ak-prn1/1425519_573409109400681_1558425895_n.jpg[/sor2]

---

الداخلية عاهرة على سرير اى نظام

شوف بيحاولوا يجملوا صورتهم ازاى فى الاعلام منهم لله ومنه لله اى رئيس وزارة ميشتغلش عليهم ويعرفهم يعنى اية شغل ويعنى اية احترام الناس الوحيد فيك يامصر اللى قال انا مش شغال ومرتبة زاد ولسة مش شغال هو من الداخلية منهم لله اى حد بياخد مرتبه من دم الغلابه وميشتغلش بيه

(حسبى الله ونعم الوكيل)

لا حول ولا قوة الا بالله