عاجل : مصرع شاب ٢١سنة اليوم في ٦ اكتوبر على يد عصابة التكاتيك !!!!!

**canner** · 30-10-2013 08:06 AM

حسبنا الله و نعم الوكيل فى اللى بيحصل ده و ربنا يرحمه و يصبر اهله

الموضوع ده شكله مش ح يتحل و كل شويه بيزيد طيب ايه الحل؟

**mgheam** · 30-10-2013 08:14 AM

بصراحة المصريين شعب عجيب

العالم كله بقى عارف قاعده (معدل مواليد مرتفع = مجرمين اكتر في الشارع ) وده مبدأ اكتشف في امريكا بعد الانخفاض الكبير المفاجئ للجريمة في التسعينيات لديهم .. واكتشفوا ان السبب السماح بالاجهاض في السبعينيات وبالتالي نسبة كبيره من اولاد المجرمين وحثاله المجتمع تم اجهاضهم وبالتالي خفت المشكله .. طبعاً لاادعوا للاجهاض وقتل النفس ... لكن بدعوا الناس اللى كل ماتيجي سيره تحديد النسل او كده يراجعوا مواقفهم

تقوله مفيش تكاتك .. الشعب برضوا مش هيعجبه قطع لقمة العيش .. ده اضافة الى ان الثورة ادت في الحقيقة الى قوه هائلة لطبقات اسفل المجتمع من بلطجية واشباههم .. ومفيش اي حكومة هتقدر تواجههم

طيب الشرطة تتصرف معاهم زي زمان بالطرق القديمة .. برضوا مش عاجب وحقوق الانسان والشرطة وحشة

المشكلة مش دلوقتي المشكلة ان مصر في الـ 20 سنه القادمة هتواجه جيل من ملايين المجرميين المطلوقين في الشوارع

وطالما المصريين مش عايزيين العلاج

يبقى مفيش حل الا يتعايشوا مع المرض

**Mohamed_Hamid** · 30-10-2013 10:06 AM

اللهم اغفر له وارحمه وارزق أهله الصبر والسلوان والرضا والتسليم
خيرة شباب البلد كل يوم بيموتوا وكمان كام سنة بالمنظر ده مش هيبقى فى مصر الا بلطجية ومجرمين وبس
مصر قريب هتبقى موطن للمجرمين بدون مبالغة
رحم الله مصر كانت بلدا طيبا

**lanos2004** · 30-10-2013 10:18 AM

الجيش فعلا رجع الامن والامان لمصر
وبكرة تشوفوا مصر

**amr011111** · 30-10-2013 10:21 AM

المشاركة الأصلية كتبت بواسطة lanos2004

الجيش فعلا رجع الامن والامان لمصر
وبكرة تشوفوا مصر

معلش يعنى يا فندم يعنى ايه بكره نشوف مصر
يعنى حضرتك هتبقى فرحان لو مصر بقت زى ما انت متصور طيب ما انت هتنضر برضه
وعلى فكره انا لا مع مرسى ولا حسنى ولا السيسى
لان كله هدفه الكرسى ليس إلا
والناس اللى ماتت ولا فرقت مع اى حد فيهم
ولو اى رئيس عنده ايمان حقيقى وعارف ان الدنيا متسواش جناح بعوضه مكناش مسك فى الحكم بايديه وسنانه

**lanos2004** · 30-10-2013 10:29 AM

المشاركة الأصلية كتبت بواسطة mohamed_hamid

اللهم اغفر له وارحمه وارزق أهله الصبر والسلوان والرضا والتسليم
خيرة شباب البلد كل يوم بيموتوا وكمان كام سنة بالمنظر ده مش هيبقى فى مصر الا بلطجية ومجرمين وبس
مصر قريب هتبقى موطن للمجرمين بدون مبالغة
رحم الله مصر كانت بلدا طيبا

الجريمه = قانون معطل وبطاله وجهل

**lanos2004** · 30-10-2013 10:41 AM

المشاركة الأصلية كتبت بواسطة amr011111

معلش يعنى يا فندم يعنى ايه بكره نشوف مصر
يعنى حضرتك هتبقى فرحان لو مصر بقت زى ما انت متصور طيب ما انت هتنضر برضه
وعلى فكره انا لا مع مرسى ولا حسنى ولا السيسى
لان كله هدفه الكرسى ليس إلا
والناس اللى ماتت ولا فرقت مع اى حد فيهم
ولو اى رئيس عنده ايمان حقيقى وعارف ان الدنيا متسواش جناح بعوضه مكناش مسك فى الحكم بايديه وسنانه

الانسان مدخلات ومخرجات
وكل واحد وثقافته وفكرة
انا مش بشمت انا ضد الافعال الغير مدروسه لان دة مستقبل شعب وقرا ر واحد يا يرفعنا للسما يا نعيش عبيد فى الارض ملناش اى حقوق
ياراجل بقالنا اكتر من ستين سنه عصابات مسلحه تحكم مصر-بعضها برخصه وبعضها انتاج محلى الى اسمه بلطجه
وطبعا مننساش حكم المماليك لمصر الى همه اصلا عبيد-وبعدها تاجر الدخان

**amr011111** · 30-10-2013 10:44 AM

المشاركة الأصلية كتبت بواسطة lanos2004

الانسان مدخلات ومخرجات
وكل واحد وثقافته وفكرة
انا مش بشمت انا ضد الافعال الغير مدروسه لان دة مستقبل شعب وقرا ر واحد يا يرفعنا للسما يا نعيش عبيد فى الارض ملناش اى حقوق
ياراجل بقالنا اكتر من ستين سنه عصابات مسلحه تحكم مصر-بعضها برخصه وبعضها انتاج محلى الى اسمه بلطجه
وطبعا مننساش حكم المماليك لمصر الى همه اصلا عبيد-وبعدها تاجر الدخان

الموضوع جاى من تحت لفوق لو جابوا لنا رئيس اليابان يحكمنا والشعب زى ما هوه مش هنتقدم برضه خطوه واحده للامام

من اول العامل اللى بيكنس الشارع لاكبر راس فى البلد
محدش بيراعى ضميره فى شغله الا من رحم ربى
تروح لدكتور ياخد فلوس الكشف وميبقاش هدفه انه يعالجك
والطرق اللى زى الزفت مين اللى نفذها ومين استلمها مهندسين
والعامل اللى مش بيكنس الشارع وواقف يشحت

**3mr Farrag** · 30-10-2013 10:45 AM

انا اسمع عن الدار ده
وانه فعلا كلهم عيال شمامه و تجار مخدرات
ياريس باشا هي فعلا عايزه حد كبير يعمل شكوي و يتحرك
مع ان الغريبه في ناس تقيله اوي ساكنه في اكتوبر و قريبه كمان من السابع

انا ليا سكه معاهم و علي معرفه شويه بيهم
ممكن نظبطها و هحاول اوصلهم الفكره يمكن يعملوا حاجه
بس الافضل يبقي الطلب علي مره واحده علشان يكون فيه جديه من اول مره

**mgheam** · 30-10-2013 10:46 AM

الجماعه اللى مستنيين الخليفة يخرج من السرداب
حالهم عجيب اي شئ في الدنيا عنده لديه سبب واحد فقط .. وهو خروج المهدي المنتظر بتاعهم
المشكلة ان المهدي بتاعهم كان بيحكم ومستوى كل شئ في مصر كان اسوء من الان والامن والبنزين والكهرباء كانت تحت الصفر وهما كانوا شغالين تطبيل وتصقيف
ولاننسى كلامهم وقتها وكل حاجه كانت تحت الصفر ... كانوا شغالين تهليل وتطبيل للنظام الحاكم ..و 8 سنيين وبعدين 8 سنيين لابو كرش .. وموتوا بغيظكم
صعبان عليا حالهم لأنهم هيفضلوا مستنيين المهدي بتاعهم اكتر مالشيعه انتظروا المهدي بتاعهم يخرج من السرداب

مفيش مهدي هيخرج من السرداب
ومفيش حاكم او نظام حكم يقدر يحل مشاكل بلد لوحده