بصراحه انا عصبي اساسا من اللي بشوفه في السواقه و لو لقيت حد عمل حركه الاخ اللي نط فوق الكبوت ده كان زماني حاطه جوه الماتور
عرض للطباعة
الاشارات الصفراء في مصر معناها زود السرعه قبل ما الاشاره تقفل
فعادي نفس الكلام حصل معايا
بس مش في اشاره في شارع واقف قدامي و لو اتحركت هقفل الناصيه فاللي جي من الشارع الفرعي مش هيعرف يكمل طوالي
طبعا خد بقي كلاكسات و تريقه ايه الاحترام ده و ياختي بيضه و حاجات من دي
و اللي يغيظ اكتر اللي تلاقيه ماشي في نص الشارع وو اخد الحارتين كانه ماشي لوحده في الشارع طب خش شمال ياحج لأ طب يمين لا برضوا
ناس مستفزه
الناس اللى سرحانة ولا بتتكلم فى الموبايل و هي فى الطريق تلاقي العربية بتسرح على اللى جنبها و لما تزمره كأنه ولا عمل أي حاجة و المفروض تسيبه يخبطها و بعدين تتكلم
ولا الهبل بتاع الحق ازنق نفسك فى اي حتة و المتخلفين مش عايزة تفهم ان ده اصلا سبب رئيسي فى الزحمة و لو حاولت تحترم الحارة المرورية تلاقي كل واحد بيزمر و يزعق و كانق المفروض تتزنق فى اللى حواليك
ولا اللى فجأة قرر يحدف يمين ولا شمال
ولا لما تسيب مسافة مناسبة عشان الناس اللى بتفرمل فجأة يبقى انت كده غلطان و لازم كل الناس يمين و شمال تيجي قدامك عشان لما العربية تفرمل لازم كلكم تلبسوا فى بعض
ولا
ولا
ولا
............
السواقة فى مصر تجيب كل انوع المرض و كل انواع الذنوب
يا رب أرحمنا بقى
معتقدش إن في بلد في العالم أسوأ من مصر في سلوكيات القيادة والطريق
أنا يوم ما بخرج فعلا مشاوير بعيدة أو في مناطق زحمة شوية بكره نفسي وبحس إن هيجيلي الضغط والسكر وبرتكب كمية ذنوب رهيبة لدرجة إن مراتي تبصلي وتقولي "انت ملكش تخرج" !
يارب ارحمنا وطلعنا من البلد دي
هي سلوكيات القياده بس
كللللل حاجه في مصر في انحدار