لك كل احترام وتقديراقتباس:
انا من ملاك الصيني اسبيرانزا 2000
طبعا وبدون كلام تكاليف التشغيل ارخص من اي عربيه انتاج اوروبي او اسيوي
انا غيرت تيل الفرامل الامامي بعد 45الف كم والتيل الخلفي غيرته بعد 68الف كم ..... والحمد لله كله رخيص وبيعيش ماعدا قربة الميه بالنسبة للموديل بتاعي بس .... بتحتاج تغيير كل 3-4 شهور وتمنها رخيص 100ج بالغطا والتركيب انا اللي بركبها تحت البيت لانها بسيطه جدا
اما لوجينا للترتين زي ماحضرتك طالب فهو من وجهة نظري كالاتي:
1- اسبيرانزا
2- جيلي
3- بريليانس (لقلة قطع الغيار وارتفاع سعرها المبالغ فيه)
بس طبعا كل ماذكر سابقا عفشته مش جيده اوي بالنسبه للتويوتا او الهوندا
لكن بكل تأكيد افضل من الصني
انا من الناس اللي بتفضل الجديد عن اي مستعمل ..... علي الاقل ادامك حوالي 4-5 سنين مش حتعاني من مشاكل كبيره
اما الانواع الاخري لو عايز تجيبها بالسعر المعقول فلازم يكون عدا عليها مش اقل من 7-10 سنين .... يعني حتخش فى صيانات وقطع غيار وحتلاقي اسعاره عاليه جدا
واخر شء احب اذكره لك بما يرضي الله >>>> الصيني عامة له نظره متدنيه عن اي موديل اخر حتي ولو كان حقيرا (للاسف دي نظرة السوق المصري)
ودمت سالما