فتيس a4 مشكله غريبه

**engineerm235** · 30-10-2013 09:22 AM

شكرا لردودكم بخصوص مروحه التبريد تم تغييرها استيراد

المهم انا مغير من 3 شهور زيت فتيس وفلتر من الهاشميه والتغيير كان عند خالد اسماعيل

نيجي للمشكله

في عداد السرعه فيه شرطتين لونهم احمر واحده عند سرعه 30 كم/ س والتانيه 50 كم/س

لما بدوس بنزين وموشر السرعه رايح ع الشرطه الحمراء دي مافيش مشاكل بتحصل

لو شيلت رجلي من علي دواسه البنزين والموشر رايح ع الشرطه الحمراء احس بدبه او نتشه ف الفتيس هل ده طبيعي ولا فيه ايه غلط

علما بان العربيه a4 اتوماتيك

فيه حد بيقولي ده عقل فتيس بس العربيه بتجيب سرعاتها كلها ومافيش مشاكل ف تسارعها

**elmamlouk** · 30-10-2013 11:01 AM

بص يا باشا العلامات دي من أول ما الأشارة تيجي عليها تعرف تدي العربية غيرارات مانول برجلك عن طريق أنك تشيل رجلك و تحطها تاني علما بأن العربية أوتوماتيك زي ما بتقول
ده أولا و ثانيا لو فيه نتشه ف الفتيس ف أنت لازم تروح التوكيل تفك الفتيس و ينظفو الفالف بودي و يحطلك زيت تجربه تمشي بيه 500 كيلو -- 500 فقط مش اكتر كيلو -- و ترجع يكشفلك علي الفتيس ظبط تمام يحطلك زيت فتيس أصلي - مظبطتش يبقي أنت عايز تغير فالف بودي
و لو أحتاجتك أي حاجة أنا بشتغل ف توكيل أسكودا المحلة الكبري

**engineerm235** · 30-10-2013 11:40 AM

طب ممكن اكلم حضرتك موبايل

**Moratoz** · 30-10-2013 12:16 PM

لو العربيه في التسارع من تحت الي فوق يعني زياده السرعات سواء لو تم المشي براحه جداً او الحرق علي الغيار لو مفيش مشكله ومفيش نتشه يبقي مفيش حاجه
وممكن حضرتك لو من القاهرة تروح عند احمد زاهر في صقر قريش يبص لحضرتك عليها علشان متصرفش في حاجه ملهاش لازمه