الموضوع: النوم التقيل

المشاركة الأصلية كتبت بواسطة Music DJ

على فكرة كلامك صح جدا انا كان صحيانى من النوم دة مشكلة كبيرة وكونت ساعات بنام 12 ساعة بس على فترات المهم خلاصة الدور دة انتا الاول تنام بدرى وقبل ما تنام كلم نفسك بس مش شرط بصوت عالى وقول انا ان شأء الله هصحى الساعة كذا واظبط المنبة واعد كرر الجملة كذا مرة بس مش تقولها بهزار خد كلامى ثقة وهتلاقى تفسك قايم على المعاد الى انتا قولتة بالظبط ويمكن قبلية بكام دقيقة انا الكلام دة مجربة كتير وبالنسبة للناس الى بتنام 8 ساعات وتقوم جسمك مكسر وعاوز تنام تانى دة بيبقا فى الغالب انتا مش بتشرب مية كتير طول اليوم حاول تشرب مية طول اليوم

هجرب الكلام ده وإن شاء الله يجيب نتيجة معايا

المشاركة الأصلية كتبت بواسطة i_Am_Legend

الصحيان في الشتاا صعببب :-\

أنا هنا ماعنديش شتا كله صيف x صيف

المشاركة الأصلية كتبت بواسطة elhelwany188

السلام عليكم ورحمة الله وبركاته ...
اولا : افرحك انت مش لوحدك اللى كده فمتقلقش الازمة دى عند ناس كتيير منهم العبد لله ...
ثانيا : الحل : بص يااخى الكريم انت عايز تصحى ان شاء الله الساعة 7 مثلا تعمل 4 منبهات باربع نغمات مختلفة واحد الساعة 6 الثانى الساعة 6.30 الثالت الساعة 7 والاخير الساعة 7.15 بس الاخير تكون نغمته بتاعت المدير بتاعك علشان تتكهرب اول ما يرن ههههههه ((عايز اقولك انى عامل النغمة الاخيرة نغمة سواق اتوبيس الشركة اللى بيعدى عليا الصبح)) ...
ثالثا : اهم حاجة تشرب كوباية شاى تقيل قبل ما تنام على طول دى بقه اللى فيها الخلاصة ...
رابعا : جرب وقولى النتيجة علشان لو نجحت ابقى اجربها هههههههههههه ...

ههههههههه أنا بظبط جميع النغمات ومفيش فايدة برضه

المشاركة الأصلية كتبت بواسطة Elawany13

أنا زمان قوى كنت كده
لما كنت طالب كنت بقوم اطفى المنبه وانام تانى
بس لما اشتغلت وبقيت مرتبط بمواعيد مينفعش أتأخر عنها
بقى نومى خفيف جدا
وبقيت العكس بعانى كمان من قلة النوم
حتى فى ايام الاجازات بصحى بدرى بدون منبه ولا حاجه

المشاركة الأصلية كتبت بواسطة hassanin_lada

جرب نام في النهار هتعوض النوم اللي انت محتاجه

ولا بينفع أنا لما بدخل في مرحلة النوم المشكلة بتبقى في الصحيان

المشاركة الأصلية كتبت بواسطة mmolazem

تكرار عمل الـ snooze أحياناً ما يزيد من الكسل و ستلاحظ أنه فى كل مره درجة الكسل تزيد عن سابقتها . . الى أن تفقد الرغبة فى الإستيقاظ . . و تهون من أهميته . .

عن تجربة / تجارب : حاول أن تُذكر نفسك أو يُذكرك أحد المحيطين بك بموضوع يشغلك أو يهمك أن تنجزه فى هذا اليوم . .
إستحضره الى ذهنك و فكر فيه أو تحدث بخصوصه لمدة دقيقة واحدة أو أثنين على أقصى تقدير . . .
ستجد نفسك فى كامل وعيك و إنتباهك . . وابدأ يومك بهمة ونشاط . . .

و بالتوفيق.

إن شاء الله

المشاركة الأصلية كتبت بواسطة أحمد كمال

ممكن يكون عندك sleep apnea

لازم تروح لعيادة نوم و تشوف

لو كده لازم تتعالج

لانها خطرة جدا و بتجيب امراض الدنيا و اشهر اعراضها انك لو نمت 100 ساعة برضه تصحى زي اللي معدي عليك وابور زلط و مش مستكفي نوم

إن شاء الله الموضوع مش هيبقى فيه أي حاجة خطيرة أنا حاسس الموضوع عند ناس كتيرة حتى عند بعض اصحابي

شوفت مره منبه على النت يخليك تصحى من اول رنه
فكرته ان المنبه ده بيشتغل بالفلوس
يعنى انت بتحط بالليل فيه مثلا 20 ج خمسات
اول مره المنبه بيرن عادى خالص ولو مصحيتش وطفيته وعملت شوية عمليات حسابيه تحلها عليه يسكت ولو محلتش او بمعنى تانى نمت
الرنه التانية بيفرم خمسة جنيه ولو محلتش بيفرم تانى خمسة جنية وهكذا
يعنى ممكن يفضل يفرم بتاع 20 او اكتر لغاية متصحى
اعتقد ده حلك علشان تصحى من النوم والا اخر الشهر مش هتلاقى معاك ولا مليم