كنت عايز اعرف البيجو 205 عربية اعتمادية وقطع غيارها متوفرة ولا اصرف نظر عنها

السلام عليكم ورحمة الله وبركاته
انا ياجماعة عايز اشتري عربية بيجو 205 وبسمع ناس كتير بتقول عليها عربية حكاية وناس تانية تقول قطع غيارها مش موجودة وناس تقول موجودة استيراد وناس تقول العربية هتقرفك وناس تقول العربية هتظبطك بصراحة العربية عجباني اوي وعايز اعرف بظبط ايه العيوب اللي ف العربية وياريت المميزات اللي فيها كلها بس من غير تحيز علي البيجو ككل يعني بجد اي حد جرب العربية يقول المشاكل بتاعتها والمميزات وايه نظامها ف المطبات ناشفة ولا ناعمة ولا بتتشرخ زي ال 128 معلش ياجماعة انا بتقل عليكما بس بصراحة مليش حد غيركوا يدلني علي الصح :tumb: :tumb:

ايه ياجماعة هي العربية مش مع حد هنا ولا ايه علي العموم انا مستني يمكن حد يعبرني

ده اول سؤال ليا ف القسم وبصراحة القسم خدوم جدا الف شكر يارجالة :tumb:

عربيه اعتماديه جدا قطع غيار موجوده واسعارها متوسطه يعيبها الفبر الداخلي مش قوي والشمس بتاكله فبيبقى سهل الكسر بس حاجتها موجوده بس احيانا ممكن السوق ينساها تلف شويه على بال ماتلاقي الحاجه ودا بيدل على حاجتين ) العربيه قديمة حبتين و حاجتها اعتماديه ومعظم ملاكها غير مهتمين بيه (مابيصرفوش عليها خالص) فا المستورد والبياع بينملوا في طلب قطع الغيار لان سحبها قليل بس العربيه حاجه تانيه غير 128 والريتمو مع انهم عربيات محترمه للحالات النظيفه
فا انت تدور على حاله نظيفه

اقتباس:

---

المشاركة الأصلية كتبت بواسطة mbx4e

عربيه اعتماديه جدا قطع غيار موجوده واسعارها متوسطه يعيبها الفبر الداخلي مش قوي والشمس بتاكله فبيبقى سهل الكسر بس حاجتها موجوده بس احيانا ممكن السوق ينساها تلف شويه على بال ماتلاقي الحاجه ودا بيدل على حاجتين ) العربيه قديمة حبتين و حاجتها اعتماديه ومعظم ملاكها غير مهتمين بيه (مابيصرفوش عليها خالص) فا المستورد والبياع بينملوا في طلب قطع الغيار لان سحبها قليل بس العربيه حاجه تانيه غير 128 والريتمو مع انهم عربيات محترمه للحالات النظيفه
فا انت تدور على حاله نظيفه

---

انا بجد متشكر ليك جدا وردك ده عجبني اوي عشان بجد بعشق العربية ديه من شكلها مع اني مركبتهاش خالص بس حبتها :36_1_34[1]:
بس معلش هتعبك شوية الحالة الكويسة بتبتدي من كام تقريبا انا معايا ف حدود 16 ممكن يجيبو حاجة كويسة

اقتباس:

---

المشاركة الأصلية كتبت بواسطة ashraf_sms

انا بجد متشكر ليك جدا وردك ده عجبني اوي عشان بجد بعشق العربية ديه من شكلها مع اني مركبتهاش خالص بس حبتها :36_1_34[1]:
بس معلش هتعبك شوية الحالة الكويسة بتبتدي من كام تقريبا انا معايا ف حدود 16 ممكن يجيبو حاجة كويسة

---

:no2:
اشرف باشا بلاش ال205 حتتعبك فى قطع غيارها انصحك تكمل ال 16 ل 20 واشترى لادا او 131 او سكودا فورمان عربيات جامدة وقطع غيارها متوفرة ومبروك على العربية الجديدة !!

انا معايا العربيه من 10 سنين هي حاجه تانيه وخصوصا لو مهتم بيها واسعه من قدام و ورا اعتماديه وسريعه وقطع الغيار مش نادره بس حتلاقيها امتن من ال128 واشيك بكتير

اقتباس:

---

المشاركة الأصلية كتبت بواسطة aw2100

:no2:
اشرف باشا بلاش ال205 حتتعبك فى قطع غيارها انصحك تكمل ال 16 ل 20 واشترى لادا او 131 او سكودا فورمان عربيات جامدة وقطع غيارها متوفرة ومبروك على العربية الجديدة !!

---

انا والله ياوليد اتخنقت من الفيت وارفه واللادا تقيلة ومتعبة وشكلها عواجيزي هي وال 131 وحبيت البيجو ديه بصراحة وفيه ناس كتير بتقول قطع غيارها موجودة بس استيراد ومريحة وكل فين وفين لما بتروح للميكانيكي لاكن الفيات كل يومين عند الميكانيكي وقطع غيار مضروبة وحاجة تقرف

اقتباس:

---

المشاركة الأصلية كتبت بواسطة mamdouh

انا معايا العربيه من 10 سنين هي حاجه تانيه وخصوصا لو مهتم بيها واسعه من قدام و ورا اعتماديه وسريعه وقطع الغيار مش نادره بس حتلاقيها امتن من ال128 واشيك بكتير

---

الله يباركلك يا استاذ محمود بس الكلام اللي انا قولته لوليد ده صح ولا انا مضحوك عليا وهتقرفني ف قطع الغيار بس هي من جهة اشيك هي اشيك بكتير وبيليق عليها اي حاجة

رقم واحد هات موديل من سنه 90 علشان المتور ده زي 405 تقريبا الات الجر متوفره استيراد و جديد بس صيني بس يشتغل وتعيش وحتستحمل معاك اكتر مما انتي متخيل وبعدين انتي لازم تسال نفسك هي الماروتي جديد بكام فتعرف قيمه 205 بالنسبه للتمن المدفوع فيها

اقتباس:

---

المشاركة الأصلية كتبت بواسطة mamdouh

رقم واحد هات موديل من سنه 90 علشان المتور ده زي 405 تقريبا الات الجر متوفره استيراد و جديد بس صيني بس يشتغل وتعيش وحتستحمل معاك اكتر مما انتي متخيل وبعدين انتي لازم تسال نفسك هي الماروتي جديد بكام فتعرف قيمه 205 بالنسبه للتمن المدفوع فيها

---

ربنا يباركلك يارب بس انا مقدرتي ف حدود 16 - 17 هينفع اجيب حاجة موديل 90 وبعدين انا اسمع ان الموديل ده بيتعدل عليه بسرعة ومبتعدلش اساسيات العربية مش زي الموديل القديم اللي هو 84 بتحتاج تعدل قواعد الموتور والعفشة والحاجات ديه عشان تعدلها gti بصراحة انا نفسي اركب عربية تكون شبه ديه كدة
https://fbcdn-sphotos-e-a.akamaihd.n...24286754_o.jpg

طبعا انا عارف ان السعر بتاعي ميجبهاش بس انا ناوي اعدلها كدة بس بسمع انها بتكلف جامد فوق 10 - 15 الف هل الكلام ده صحيح
ومعلش انا تعبتك جدا معايا :wink10:

عربيه جميله بس الgti موضوع تاني ماتور 1600، 1800 تغير عفشه انا معايا ماتور 1400 بالنسبه للعربيه كويس بس مدام انتي حابب العربيه انصحك تشوف عربيه وتجرب العربيات الجديده ضعيفه ومتستحملش بس علي فكره gti بتبقي 2 باب علي العموم لو محتاج اي استفسار انا تحت امرك

العربيه لا تقارن بال128.

الشاسيه مش بيشرخ لانه مش علب زى ال128.

افضل الموديلات من 1988 و انت طالع عشان ديه القواعد الجديده و اعدل بعد كده زى ما انت عايز و حاجتها كلها موجوده جديد و استيراد.

انا كانت معايا 1100 و كنت جرايه و ثابته على الارض رغم ان كان راكب عليها 135/80/13.

القواعد الجديده ممكن تسقط عليها اى حاجه من اول 1400 الى 3000 بتاع ال406 coupe.

اهم حاجه و انت بتشترى الاساسيات تكون سليمه و خصوصا قاعده الوتور اليمين عشان بتتغير بالقاعده الكبيره.

انا كان معايا ال128 و ال205 و بقولك مفيش مقارنه.

اغلب العربيات ديه اصحابها مش بتصرف عليها لانها معمره يعنى زى ما هيا هتمشى بيك مش هتقولك لأ.

انا بجد مش عارف اقولكو ايه ربنا يباركلكو
انا بصراحة عايز دلوقتي ابتدي علي قدي يعني حلو اوي ال 1400cc وبعدين ممكن اسقط موتور بفتيس اتوماتيك بتاع 405 بس عشان اعمل الحوار ده ومصرفش كتير اجيب اي موديل من اول 88 ولو جبت قبل كدة ايه اللي هيحصل انا بس الفلوس معايا دلوقتي حوالي 17 والموديلات الجديدة بتبتدي من 20 وانت طالع ياريت ياجماعة لو حد يعرف سعر تسقيط المكنة بالفتيس الاتوماتيك بالحاجة اللازمة اللي معاه تتكلف ف حدود كام تقريبا يعني عايز كدة اعمل ايه وابعد عن ايه وتقريبا التكلفة هتكون كام وانا والله بجد عارف اني بتقل عليكوا بس معنديش حد بيفهم ف البيجو ومليش غيركوا

علي فكرة صحيح انا كنت عايز العربية 4 باب مش 2 باب واعدل شكلها ل gti

قبل 1988 كانت القواعد القديمه و بيركب عليها الموتور المقلوب و مينفعش تسقط موتور جديد غير لما تغير القواعد و القواعد راكبه فى الشاسيه فا لازم تغير فخده شاسيه.

محدش يقدر يقولك هتتكلف كام بالظبط, بس انت محتاج حاجات كتير زى:
-الموتور بالعفشه و الفتيس و الضفيره و الكنترول.
-طقم التبريد الكبير بالمراوح.
-جمبين امامى بالفرامل.
-دنجل سكاكين.
-عدادات gti
-لو هتجيب فرامل كبيره هتحتاج طقم جنط كبير 14" او 15"
ده لو عايز تعمل الحاجه كلها صح.

و المفروض المصنعيه فى حدود 1000 (ميكانيكى و كهربائى) و ممكن تزيد حسب هتعمل ايه.

برده ممكن و انت شغال تحتاج حاجات زى (قواعد - زيت - فلتر - كلبسات) فا لازم يبقى معاك فلوس زياده.

الميكانيكيه, انا كنت بتعامل مع اتنين كويسيين اوى و شغالين بيجو و ستروين بس و هما كيمو فى ارض اللواء فى المهندسين و محمد فى الزاويه الحمرا.

الله ينور عليك يافنان والله بجد بحييك علي تعبك ده
ولو حد يعرف الاسعار يبقي زي الفل
بس لازم اجيب ده كله ف حالة الموتور الاتوماتيك صح ولا العادي كمان لازم اجيب ده كله
ولو ينفع استغني عن حاجات ااجلها ف وقت تاني يعني بحيث اني لما اعمل اعمل حاجة حاجة وتكون العربية ماشية يعني مش اركنها واستني الحاجة اللي بعديها يعني الاهم ف الاهم وكدة واللي مش لازم اغيره بلاش او ااجله واكون شاكر جدا جدا جدا

لو عايز تمشى صح يبقى هتعمل كل حاجه فى ال1600 او ال1900 بس مش لازم مع بعض.

انا حاليا بعمل نفس الموضوع بس فى الFiesta.

اشتريت الاول طقم الجنوط و بعد كده عدلت الفرامل قدام و ورا و انشاالله هخش على الموتور بعد كده.

فا كل شويه حاجه عشان ما تدفعش كله مره واحده.

اقتباس:

---

المشاركة الأصلية كتبت بواسطة ibiza

لو عايز تمشى صح يبقى هتعمل كل حاجه فى ال1600 او ال1900 بس مش لازم مع بعض.

انا حاليا بعمل نفس الموضوع بس فى الfiesta.

اشتريت الاول طقم الجنوط و بعد كده عدلت الفرامل قدام و ورا و انشاالله هخش على الموتور بعد كده.

فا كل شويه حاجه عشان ما تدفعش كله مره واحده.

---

ايون كدة هو ده اللي انا قصدي عليه امشي واحدة واحدة وبجد بجد تسلم ايدك تعبتك معايا اوي والله وربنا يقويك علي اللي معاك ان شاء الله

انا تحت امرك و الناس هنا مش بتبخل بالمعرفه على اد ما بتقدر.

لو عايز تركب 205 وتبقى عربيه صح يبقى ماتقلبهاش اوتوماتيك وخليها مانيوال زى ما هى
وفى واحد شغال فى ال205 اسمه احمد ندا ده معاه واحده جى تى كابورليه موتور 3200 سى سى عربيه تبارك الله فاجره
وفعلا خليك فى الموديلات الحديثه وتعمل معاك من 18 الف لحد 25 الف لو نضيفه وممكن يكون فيها بعض تعديلات ال جى تى ادخل على كونتاكت هاتلاقى حوالى 4 عربيات منهم واحده جى تى بس سعرها 33 الف والباقى من 18 ل 25 زى ماقلت لحضرتك
وربنا يكرمك واى استفسار تحت امرك

اقتباس:

---

المشاركة الأصلية كتبت بواسطة ibiza

انا تحت امرك و الناس هنا مش بتبخل بالمعرفه على اد ما بتقدر.

---

ربنا يعزك ياباشا وبجد الف شكر

اقتباس:

---

المشاركة الأصلية كتبت بواسطة eleanor

لو عايز تركب 205 وتبقى عربيه صح يبقى ماتقلبهاش اوتوماتيك وخليها مانيوال زى ما هى
وفى واحد شغال فى ال205 اسمه احمد ندا ده معاه واحده جى تى كابورليه موتور 3200 سى سى عربيه تبارك الله فاجره
وفعلا خليك فى الموديلات الحديثه وتعمل معاك من 18 الف لحد 25 الف لو نضيفه وممكن يكون فيها بعض تعديلات ال جى تى ادخل على كونتاكت هاتلاقى حوالى 4 عربيات منهم واحده جى تى بس سعرها 33 الف والباقى من 18 ل 25 زى ماقلت لحضرتك
وربنا يكرمك واى استفسار تحت امرك

---

الله يكرمك علي ردك الجميل ياباشا بس معلش استفسار صغير ليه محولهاش اتوماتيك مع ان الموتور شديد بتاع ال 405 ولا فيه حاجة تانية انت ادرى عشان بصراحة انا مليش ف البيجو خالص لسة نوفي فيه

الموتور ال6 سلندر 3000cc نزل منه موديلين:
190hp - ES9J4
210hp - ES9J4S

و موضوع المانيوال و الاوتوماتيك ده ازواق بعنى انا مثلا مش بحب الاوتوماتيك.

اقتباس:

---

المشاركة الأصلية كتبت بواسطة ashraf_sms

ربنا يعزك ياباشا وبجد الف شكر


الله يكرمك علي ردك الجميل ياباشا بس معلش استفسار صغير ليه محولهاش اتوماتيك مع ان الموتور شديد بتاع ال 405 ولا فيه حاجة تانية انت ادرى عشان بصراحة انا مليش ف البيجو خالص لسة نوفي فيه

---

الاوتوماتيك لو سليم هايبقى حلو بس مش هايطلع امكانيات العربيه صح والعربيه دى بتبقى رياضيه لو عدلتها جى تى فاهاتحس ان الاوتو مكتفها وهى عامه المكن الكبير بينزل مانيوال وانت ممكن تجيب فتيس اوتو لوحده وتركبه

اقتباس:

---

المشاركة الأصلية كتبت بواسطة ashraf_sms

ربنا يباركلك يارب بس انا مقدرتي ف حدود 16 - 17 هينفع اجيب حاجة موديل 90 وبعدين انا اسمع ان الموديل ده بيتعدل عليه بسرعة ومبتعدلش اساسيات العربية مش زي الموديل القديم اللي هو 84 بتحتاج تعدل قواعد الموتور والعفشة والحاجات ديه عشان تعدلها gti بصراحة انا نفسي اركب عربية تكون شبه ديه كدة
https://fbcdn-sphotos-e-a.akamaihd.n...24286754_o.jpg

طبعا انا عارف ان السعر بتاعي ميجبهاش بس انا ناوي اعدلها كدة بس بسمع انها بتكلف جامد فوق 10 - 15 الف هل الكلام ده صحيح
ومعلش انا تعبتك جدا معايا :wink10:

---

هات حاجه اساسها وشاسيها نظيف وسليم وموتور جيد وامل اللي انت عايزه في حاجات فيها موجوده جديده وفي حاجات استيراد
اغلبيه الهياكل والبودي استيراد الاكصدامات العاده في منها جديد
الجديد ميزته انه جديد
والاستيراد ميزته مابيحتاجش اي تعديلات بس الحاله تفرق وفيه لقط
عارف هات عربيه في حاله جيده تمشي بيها في رنج من 3 ل 6 شهور من غير ماتصرف عليها غير البنزين والزيوت والفلاتر والسيور والبوجيهات)دول هالك شيء طبيعي
وابدا هات اللي على مزاجك بعد كدا بودي واكصدمات جي تي
فرش داخلي عالي جي تي او كراسي 405 ام اي روعه
طابلوه جي تي
عايز تغير مكنه براحتك ممكن تركب مكنه في 6 بتاعت ال 406 وممكنت تركب مكنه الجي تي الاورجنال وممكن تركب مكن 405 الافضل تجيبها تسعينات في حوض الموتور وتكشف عليها كويس عشان كل حاله وليها سعر ولو احتجت حاجه او استشاره تحت امرك لو انت ناوي اللي في الصوره دي لو حالتها نظيفه وموديل تسعينات مش هايكلم في اقل من العشرينات بس لايق عليها جنوط 406

انت استخدامك للعربيه ازاي ؟ طبيعته ايه ؟ شغل وسفر وعائلي وخروجات ) بالبلدي عملي ؟
ولا شغل سبورت وريس ؟
هنا التكلفه هاتفرق معاك ؟؟ جامد انت وخيالك ؟
العربيه دي ممكن تجيبها ب 20وتلاقي نفسك صرفت عليها زيهم وممكن اكتر لانها بتشدك شفاطه بنت التيت فحدد خيالك فيها قبل الشرا ودور كويس على حاله حلوه وماتقلقش الفلوس والماديات كلها بتدبر والي يدور يلاقي بس حدد هدفك صح من الاول عشان توفر على نفسك مجهود وفلوس ولو عايز اشد منها ف 306 عربيه جميله اجمل من 205 بردك بس محتاجه واحد فاهم بيجو صح عشان يعرف يجيب لها حاجتها

اقتباس:

---

المشاركة الأصلية كتبت بواسطة iBiZa

الموتور ال6 سلندر 3000cc نزل منه موديلين:
190hp - ES9J4
210hp - ES9J4S

و موضوع المانيوال و الاوتوماتيك ده ازواق بعنى انا مثلا مش بحب الاوتوماتيك.

---

لا انا كبيري يوم ما احب اسقط مكنة اخري 1800cc

اقتباس:

---

المشاركة الأصلية كتبت بواسطة eleanor

الاوتوماتيك لو سليم هايبقى حلو بس مش هايطلع امكانيات العربيه صح والعربيه دى بتبقى رياضيه لو عدلتها جى تى فاهاتحس ان الاوتو مكتفها وهى عامه المكن الكبير بينزل مانيوال وانت ممكن تجيب فتيس اوتو لوحده وتركبه

---

انا فعلا موضوع المانيوال ده ف العزم بتاعه اشد من الاتوماتيك بس مش ف كل العربيات ولا كله واحد

اقتباس:

---

المشاركة الأصلية كتبت بواسطة mbx4e

هات حاجه اساسها وشاسيها نظيف وسليم وموتور جيد وامل اللي انت عايزه في حاجات فيها موجوده جديده وفي حاجات استيراد
اغلبيه الهياكل والبودي استيراد الاكصدامات العاده في منها جديد
الجديد ميزته انه جديد
والاستيراد ميزته مابيحتاجش اي تعديلات بس الحاله تفرق وفيه لقط
عارف هات عربيه في حاله جيده تمشي بيها في رنج من 3 ل 6 شهور من غير ماتصرف عليها غير البنزين والزيوت والفلاتر والسيور والبوجيهات)دول هالك شيء طبيعي
وابدا هات اللي على مزاجك بعد كدا بودي واكصدمات جي تي
فرش داخلي عالي جي تي او كراسي 405 ام اي روعه
طابلوه جي تي
عايز تغير مكنه براحتك ممكن تركب مكنه في 6 بتاعت ال 406 وممكنت تركب مكنه الجي تي الاورجنال وممكن تركب مكن 405 الافضل تجيبها تسعينات في حوض الموتور وتكشف عليها كويس عشان كل حاله وليها سعر ولو احتجت حاجه او استشاره تحت امرك لو انت ناوي اللي في الصوره دي لو حالتها نظيفه وموديل تسعينات مش هايكلم في اقل من العشرينات بس لايق عليها جنوط 406

---

اقتباس:

---

المشاركة الأصلية كتبت بواسطة mbx4e

انت استخدامك للعربيه ازاي ؟ طبيعته ايه ؟ شغل وسفر وعائلي وخروجات ) بالبلدي عملي ؟
ولا شغل سبورت وريس ؟
هنا التكلفه هاتفرق معاك ؟؟ جامد انت وخيالك ؟
العربيه دي ممكن تجيبها ب 20وتلاقي نفسك صرفت عليها زيهم وممكن اكتر لانها بتشدك شفاطه بنت التيت فحدد خيالك فيها قبل الشرا ودور كويس على حاله حلوه وماتقلقش الفلوس والماديات كلها بتدبر والي يدور يلاقي بس حدد هدفك صح من الاول عشان توفر على نفسك مجهود وفلوس ولو عايز اشد منها ف 306 عربيه جميله اجمل من 205 بردك بس محتاجه واحد فاهم بيجو صح عشان يعرف يجيب لها حاجتها

---

بص انا مليش ف قصة الريس والحاجات ديه بس ميمنعش اني اركب عربية تكون شديدة وعفية معايا لآني بحب الشد وكدة بس علي الهادي يعني واكتر الوقت بكون من الشغل للبيت ومن البيت للشغل وسفر مثلا مرتين تلاتة ف السنة بس موضوع العربية البيجو ال 306 ديه فعلا عربية شكلها اشد بكتير واحدث منها بس غالية اوي عليا ف الوقت الحالي ف بفكر اجيب عربية متتعبنيش ف التعديل واحدة واحدة يعني اقصد كل ما يكون معايا قرشين احطهم ف حاجة ف العربية ومعلش انا بجد سعيد جدا بالكلام بتاعكوا وانتوا فعلا شوقتوني اكتر اني اركب العربية ديه

خلاص يبقى كدا تجيب واحده تسعينات حالتها نظيفه 1400 او 1600 مبدايا
بس تفحصها كويس عشان لو فيها اكسسوار مش سليم هاتزعل بالذات الفبر بتاعها الداخلي والخارجي )الاكصدمات مقفرفين حبتين وفكك من حوار اللحام في الفيبر جلاس كمان لو في اكسسوار ناقص او حالته مش 100 ممكن تفاصل على قده لو الحاله العامه ممتازه عشان شويه رفايع ممكن تلاقي نفسك دخلت في 0100 ولا 2000 جنيه مصاريف من غير ماتعمل اي حاجه
عندك مثلا اكصدام امامي عاده استيراد بالكساحه ممكن يعمله من رنح 300 ل 500 على حسب الحاله
الخلفي بيعمل في حدود350 على حسب الحاله بالفوانيس او لا
فوانيس 90بالفيش بتاعتهم استيراد بتعمل 200 ل 300 على حسب التاجروالحاله وناقصه في السوق وتكلفك تركيب 50 جنيه او تعديل عشان ضفيرتهم مختلفه
قواعد فوانيس اماميه ممكن تعمل في حدود 150 ممكن اكتر
فوانيس اشاره 120 مو 90
جرايد الابواب اللي على الزجاج ممكن تعملها في حدود 200 ل 250 4 حتت
القطمه تعملها من 350 ل 450 على حسب الحاله
الباب من 150 ل 250 على حسب فاضي بفرش عاده او جي تي او عالي مكن كهربا
فبرة باب الشنطه نادره جدا وخفيفه وهشه ممكن تعملها 150 ل 200 لوحدها وماتلاقيش حد بيبعها بيها الباب ممكن يعمله في حدود 400 وقابل بقى يامعلم عشان كدا بتلاقي من 205 عربيات بتكلم في اقل من 18
وعربيات تانيه ماتقلش عن 25
دا غير فروق المواتير واضافات مكن الصوت الغاليه والتكييف
اعرف واحد كان مشتري واحده عليه مكنة 406 1800 ب 32 الف موديل 89 داغير الكاسيت ابو 3000 وشويه حوارات كدا
عشان كدا هات عجله نظيفه هاتريحك سواء صرفت اولا بس اعمل حسابك على رنج 20 لان الحاله النظيفه منها مش خساره فيها

اقتباس:

---

المشاركة الأصلية كتبت بواسطة mbx4e

خلاص يبقى كدا تجيب واحده تسعينات حالتها نظيفه 1400 او 1600 مبدايا
بس تفحصها كويس عشان لو فيها اكسسوار مش سليم هاتزعل بالذات الفبر بتاعها الداخلي والخارجي )الاكصدمات مقفرفين حبتين وفكك من حوار اللحام في الفيبر جلاس كمان لو في اكسسوار ناقص او حالته مش 100 ممكن تفاصل على قده لو الحاله العامه ممتازه عشان شويه رفايع ممكن تلاقي نفسك دخلت في 0100 ولا 2000 جنيه مصاريف من غير ماتعمل اي حاجه
عندك مثلا اكصدام امامي عاده استيراد بالكساحه ممكن يعمله من رنح 300 ل 500 على حسب الحاله
الخلفي بيعمل في حدود350 على حسب الحاله بالفوانيس او لا
فوانيس 90بالفيش بتاعتهم استيراد بتعمل 200 ل 300 على حسب التاجروالحاله وناقصه في السوق وتكلفك تركيب 50 جنيه او تعديل عشان ضفيرتهم مختلفه
قواعد فوانيس اماميه ممكن تعمل في حدود 150 ممكن اكتر
فوانيس اشاره 120 مو 90
جرايد الابواب اللي على الزجاج ممكن تعملها في حدود 200 ل 250 4 حتت
القطمه تعملها من 350 ل 450 على حسب الحاله
الباب من 150 ل 250 على حسب فاضي بفرش عاده او جي تي او عالي مكن كهربا
فبرة باب الشنطه نادره جدا وخفيفه وهشه ممكن تعملها 150 ل 200 لوحدها وماتلاقيش حد بيبعها بيها الباب ممكن يعمله في حدود 400 وقابل بقى يامعلم عشان كدا بتلاقي من 205 عربيات بتكلم في اقل من 18
وعربيات تانيه ماتقلش عن 25
دا غير فروق المواتير واضافات مكن الصوت الغاليه والتكييف
اعرف واحد كان مشتري واحده عليه مكنة 406 1800 ب 32 الف موديل 89 داغير الكاسيت ابو 3000 وشويه حوارات كدا
عشان كدا هات عجله نظيفه هاتريحك سواء صرفت اولا بس اعمل حسابك على رنج 20 لان الحاله النظيفه منها مش خساره فيها

---

بجد بجد كلام زي الفل تسلم ايدك انا مش عارف اشكرك ازاي علي المعلومات القيمة ديه تسلم ايدك ياغالي وفعلا العربية ديه اسعارة ساعات بتكون غالية اوي وساعات بتكون رخيصة بس انا فهمت من ايه :36_9_4:

مش مصدق إني أخيراً لاقيت مجموعه من العباقره جايبين في سيرة العربيه دي، مبدأيا اتشرفت بقرائة كل حرف كتبتوه و استفدت كتير جداً و طمنتوني بأمانه إني مش لوحدي و إني ليا شركاء في المجتمع وعندهم استعداد لإسداء النصائح، انا معايا المذكور إسمها موديل 84 والمكنه بتاعتها النايمه الـ 1100 و ما شاء الله دواخلها نضيفه وإعتماديه و محترمه جداً على الرغم من المصاريف اللي محتاجه تتصرف عليها لكنها صابره عليا و مفتحتش بوئها ولا ف يوم نزلت اشغلها وقالتلي لأ أو كسفتني في وسط مشوار من مشاويري - عايز آخد رأيكم في أكتر من حاجه بخصوص العربيه دي لأني من ساعة ما اشتريتها وانا بخصصلها مبلغ كل شهر أصرفه على حاجه فيها من الحاجات اللي محتاجه تتعمل و مش عارف أرتب الأولويات و أماكن الشراء و الصنايعيه النضيفه لو تقدروا تنصحوني،،، بالنسبه للحاجات اللي العربيه محتاجاها:

1. جلب المقصات محتاجه تتغير
2. جوز مساعدين أمامي محتاجيين تغيير "لاقيت الجوز المساعدين فقط الجديد ب 420 جنيه عند بديع دسوقي و عند تاجر استيراد لاقيت جوز المساعدين بسوستهم و البطاحات ب 400 جنيه" لسه لا اشتريت ولا أخدت قرار
3. ساعة الفتيس مكسوره و ده كان رد صاحبها عليا وقت الشراء لما سألته لمبة المارشدير مبتنورش ليه و إنت راجع بالعربيه "معرفش عنها حاجه ولا حتي شكلها"
4. فلتر هواء
5. فبرة الشنطه
6. ذراع الكلاكس و الفلاشر و النور العالي و الواطي مش شغال فيه غير الإشارات ماشي من غير كلاكس و عامل مفتاح للنور العالي و الواطي عند كهربائي

بالنسبه للحاجات اللي إتعملت بفضل الله
تركيب كاوتش الكبالن داخلي و خارجي و أويلسيلات الكبالن بعد غسيلهم بالجاز و تشحيمهم وده كان أول أولويه حطيتها لنفسي لأني ساكن في منطقه كلها رمل و ظلط و تراب و الميزانيه لن تسمح بشراء كبالن جديده دالوقتي نهائياً

بالنسبه للملحوظات اليوميه عليها

1. العربيه بتاخد الغيارات الأول و التاني و التالت بعد زق العصايه و مسايستها و زعيق مع المارشدير طول ما المكنه دايره إنما لو المكنه بطاله تاخد غياراتها كلها بسهوله وهي واقفه بفضل الله
2. العربيه يومياً لازم ألاقي تحتها بقعتين زيت صغيرين و براقب الزيت و بزوده كل اسبوع لما بينقص مع العلم إني لو فضلت راكن العربيه مش هتفضي الزيت اللي فيها لأن البقعتين الصغيرين بيتكونوا بعد كل مشوار بالعربيه بمعني آخر"لو عملت بالعربيه دي عشر مشاوير في اليوم الواحد مع كل مره هركنها فيها و هبطلها و هنزل منها هتعمل لها بقعتين يعني تاني يوم الصبح بالصلاه على النبي لازم أبص على مقياس الزيت للإطمئنان"

أتمني إني أكون إتوفقت في كتابة معطيات مفهومه تسهل علي قارئها تخيل الوضع و إعطاء النصيحه.

اقتباس:

---

المشاركة الأصلية كتبت بواسطة msaeid

مش مصدق إني أخيراً لاقيت مجموعه من العباقره جايبين في سيرة العربيه دي، مبدأيا اتشرفت بقرائة كل حرف كتبتوه و استفدت كتير جداً و طمنتوني بأمانه إني مش لوحدي و إني ليا شركاء في المجتمع وعندهم استعداد لإسداء النصائح، انا معايا المذكور إسمها موديل 84 والمكنه بتاعتها النايمه الـ 1100 و ما شاء الله دواخلها نضيفه وإعتماديه و محترمه جداً على الرغم من المصاريف اللي محتاجه تتصرف عليها لكنها صابره عليا و مفتحتش بوئها ولا ف يوم نزلت اشغلها وقالتلي لأ أو كسفتني في وسط مشوار من مشاويري - عايز آخد رأيكم في أكتر من حاجه بخصوص العربيه دي لأني من ساعة ما اشتريتها وانا بخصصلها مبلغ كل شهر أصرفه على حاجه فيها من الحاجات اللي محتاجه تتعمل و مش عارف أرتب الأولويات و أماكن الشراء و الصنايعيه النضيفه لو تقدروا تنصحوني،،، بالنسبه للحاجات اللي العربيه محتاجاها:

1. اهم حاجة تتغير الأول جلب المقصات والمساعدين علشان دول بيهدوا شاسية العربية ومع مراجعة البطاحات
2. جلب المقصات محتاجه تتغير
3. جوز مساعدين أمامي محتاجيين تغيير "لاقيت الجوز المساعدين فقط الجديد ب 420 جنيه عند بديع دسوقي و عند تاجر استيراد لاقيت جوز المساعدين بسوستهم و البطاحات ب 400 جنيه" لسه لا اشتريت ولا أخدت قرار
4. ساعة الفتيس مكسوره و ده كان رد صاحبها عليا وقت الشراء لما سألته لمبة المارشدير مبتنورش ليه و إنت راجع بالعربيه "معرفش عنها حاجه ولا حتي شكلها"
5. فلتر هواء
6. فبرة الشنطه
7. ذراع الكلاكس و الفلاشر و النور العالي و الواطي مش شغال فيه غير الإشارات ماشي من غير كلاكس و عامل مفتاح للنور العالي و الواطي عند كهربائي

بالنسبه للحاجات اللي إتعملت بفضل الله
تركيب كاوتش الكبالن داخلي و خارجي و أويلسيلات الكبالن بعد غسيلهم بالجاز و تشحيمهم وده كان أول أولويه حطيتها لنفسي لأني ساكن في منطقه كلها رمل و ظلط و تراب و الميزانيه لن تسمح بشراء كبالن جديده دالوقتي نهائياً

بالنسبه للملحوظات اليوميه عليها

1. العربيه بتاخد الغيارات الأول و التاني و التالت بعد زق العصايه و مسايستها و زعيق مع المارشدير طول ما المكنه دايره إنما لو المكنه بطاله تاخد غياراتها كلها بسهوله وهي واقفه بفضل الله
2. العربيه يومياً لازم ألاقي تحتها بقعتين زيت صغيرين و براقب الزيت و بزوده كل اسبوع لما بينقص مع العلم إني لو فضلت راكن العربيه مش هتفضي الزيت اللي فيها لأن البقعتين الصغيرين بيتكونوا بعد كل مشوار بالعربيه بمعني آخر"لو عملت بالعربيه دي عشر مشاوير في اليوم الواحد مع كل مره هركنها فيها و هبطلها و هنزل منها هتعمل لها بقعتين يعني تاني يوم الصبح بالصلاه على النبي لازم أبص على مقياس الزيت للإطمئنان"

من الواضح ان زيت الفتيس عندك عاوز يتغير وناقص علشان كده العربية تقيلة فى الغيار او ممكن تكون حطيت فية زيت فتيس تقيل 140 انصحك تغير الزيت وتحط زيت فتيس شل 80/90 وتعلى الدبرياج شوية علشان زعيق المارشدير وحكاية نقط الزيت اللى فى الأرض بعد مشوار دى ممكن تكون من اويلسيلات الفتيس لو الزيت زيت فتيس ولو زيت موتور يبقى اويلسيل الكرنك هو اللى بينقط زيت
أتمني إني أكون إتوفقت في كتابة معطيات مفهومه تسهل علي قارئها تخيل الوضع و إعطاء النصيحه.

---

تحياتى !!

اقتباس:

---

المشاركة الأصلية كتبت بواسطة aw2100

تحياتى !!

---

صديقي aw2100 أشكرك على المشاركه و إسداء النصح، بمنتهي الصدق أنا برضه كنت بفكر جدياً إني أمسك مشاكل العفشه كلها شهر ديسمبر ده و أشتغل عليها لحد ما أحلها كلها بإذن الله تعالي و ترجيحك لإني أجيب طقم المساعدين و أقضي على المشاكل العفشه أولاً حفاظاً على الشاسيه شجعني على الرغم من إنها قطمة وسط في المرتب بتاع الشهر اللي جاي بس أنا متأكد إنها هتريحني بعدين إن شاء الله.

وبالنسبه لزيت الفتيس بتاع المكنه النايمه الـ 1100 cc بتاعت العربيه دي بيبقه هو وزيت الموتور واحد مبيختلفوش عن بعض حتي هتلاقي طبة زيت الموتور هي نفسها طبة زيت الفتيس مش زي بقية العربيات للفتيس طبه و للموتور طبه مختلفه
https://drive.google.com/file/d/0B0z...it?usp=sharing
لذلك جربت الزيت المتعدد أول ما اشتريت العربيه دي منفعش معايا و كانت العربيه دايماً صوتها عالي و كان معدل فقده كبير مع التسريب وده اللي إضطرني لأني أقرأ المانيوال بتاع العربيه دي لاقيتهم كاتبين إنها بتاخد زيت متعدد 10W/40 و 15W/40 و المناسب لها من الأحادي هو ال SG-CD و بالصدفه لاقيت الدرجه دي مكتوبه على جركن زيت من زيوت بنزينة وطنيه و أشتريته و غيرت الزيت و الفلتر و بفضل الله لزوجته عاليه و معدل الفقد بتاعه معقول جداً بالنسبه للتسريب اللي في العربيه من تحت وصوت الموتور بفضل الله أصبح هادئ ومن يوم تغيير الزيت و الغيارات أصبحت معقوله أكتر في تعشيقها مع الأخذ في الإعتبار مسايسة و زق الأول و التاني و التالت و زعيق المارشدير نسيت أكتب كمان حاجه إن دواسة الدبرياج عندي عاليه بالفعل وبجيب آخرها لحد الأرض قبل تعشيق أي غيار لكن أنا بسمع رزعه بصوت في العربيه لما بضغط على الدبرياج مع الغيار الأول و التاني ولحد النهارده مكشفتش على الرزعه دي ولا طلعت بها على اي ميكانيكي و غالباً هأجل مسألة الدبرياج و الغيارات لحد الشهر اللي بعد الجاي.

ولك مني جزيل الشكر مرة أخري على مشاركتك

دي صورة الموتور من تحت و عند رقم تلاته المتعلم عليه بدائره حمراء هتلاقي مكتوب جنبها طبة زيت الموتور و الفتيس مع بعض و ده اللي قصدت به إن زيت الفتيس هو نفس زيت الموتور

http://imageshack.com/a/img822/4108/pdx1.png

اقتباس:

---

المشاركة الأصلية كتبت بواسطة msaeid

لكن أنا بسمع رزعه بصوت في العربيه لما بضغط على الدبرياج مع الغيار الأول و التاني ولحد النهارده مكشفتش على الرزعه دي ولا طلعت بها على اي ميكانيكي و غالباً هأجل مسألة الدبرياج و الغيارات لحد الشهر اللي بعد الجاي.

---

اكشف على القواعد.

اقتباس:

---

المشاركة الأصلية كتبت بواسطة iBiZa

اكشف على القواعد.

---

أشكرك أولاً iBiZa على إهتمامك و تفكيرك معايا، طيب لو هي المشكله عندي في القواعد هل تحب ترشح حد يكون بيتاجر في قطع غيار العربيه دي وتكون متوفره عنده القواعد وهل القواعد الإستيراد تكون جيده ومناسبه ولا أدور على الجديد لحد ما أجيبه مهما كانت تكلفته؟

عموماً برضه أنا هروح للميكانيكي و هكشف على القواعد زي ما إنت قلت ولو ظهر فيها مشاكل هشوف تكلفتها هتكون في حدود كام كلها على بعضها "قطع الغيار+المصنعيه"و هشوف إن كنت هقدر أعملها مع العفشه في ديسمبر ده ولا هأجلها لشهر يناير السنه الجديده

مع إن الواحد الحمد لله ركب موديلات كتير من بيجو كلها حديثة و فخمة إلا إني بدور علي 205 gti تكون حالة نادرة ستوك .... نفسي في العربيه دي جداً

اقتباس:

---

المشاركة الأصلية كتبت بواسطة msaeid

أشكرك أولاً ibiza على إهتمامك و تفكيرك معايا،

---

يا ياشا تحت امرك.

اقتباس:

---

المشاركة الأصلية كتبت بواسطة msaeid

طيب لو هي المشكله عندي في القواعد هل تحب ترشح حد يكون بيتاجر في قطع غيار العربيه دي وتكون متوفره عنده القواعد وهل القواعد الإستيراد تكون جيده ومناسبه ولا أدور على الجديد لحد ما أجيبه مهما كانت تكلفته؟

---

معتقدش هتلاقى منها جديد استيراد اصلى, اغلب الظن لو لقيت هيبقى صينى ف فى الحالع ديه يبقى هاتها استيراد علاطول.

استيراد فيه كذا واحد فى الوكاله اشهرهم حميدو و ده متخصص 205. لو جديد يبقى التوفيقيه فا الاتنين مشوار واحد عشان جمب بعض بس المهم تتاكد الاول من الميكانيكى انها قواعد و انهى فيهم اللى محتاج يتغير.

بالنسبه للدبرياج فا على وصفك هو محتاج رجلاش و لو مظبطش هتحتاج طقم دبرياج.

اقتباس:

---

المشاركة الأصلية كتبت بواسطة hossam99

مع إن الواحد الحمد لله ركب موديلات كتير من بيجو كلها حديثة و فخمة إلا إني بدور علي 205 gti تكون حالة نادرة ستوك .... نفسي في العربيه دي جداً

---

غالبا مش هتلاقى حاجه نادره ستوك لان اغلبها مع شباب.

اخر واحده ستوك فبريكه كانت السوده مودبل 91 او 93 من كذا سنه و اتباعت على ما اذكر ب45.

اقتباس:

---

المشاركة الأصلية كتبت بواسطة iBiZa

يا ياشا تحت امرك.

---

:glasses18: ربنا يسعدك :glasses18:

اقتباس:

---

المشاركة الأصلية كتبت بواسطة iBiZa

معتقدش هتلاقى منها جديد استيراد اصلى, اغلب الظن لو لقيت هيبقى صينى ف فى الحالع ديه يبقى هاتها استيراد علاطول.

---

لو الجديد صيني يبقه غالباً هبقه ميال للإستيراد حتي لو نصف عمر لكنه بتاع بلاده ومتصنع بالمواصفه الصح

اقتباس:

---

المشاركة الأصلية كتبت بواسطة iBiZa

استيراد فيه كذا واحد فى الوكاله اشهرهم حميدو و ده متخصص 205.

---

أشكرك على ترشيحك ده و إن شاء الله هيكون ده أول واحد هسأل عنده على حاجتها في الوكاله لما أنزلها بإذن الله و هقول برضه عملت إيه و الأسعار كانت عامله إزاي علشان برضه الإخوه اللي عندهم نفس العربيه لو عندهم أسئله شبه أسئلتي يلاقوا إجابتها في الموضوع ده وربنا يوقعنا في قطع غيار تعمر معانا إن شاء الله

اقتباس:

---

المشاركة الأصلية كتبت بواسطة iBiZa

بالنسبه للدبرياج فا على وصفك هو محتاج رجلاش و لو مظبطش هتحتاج طقم دبرياج.

---

بالنسبه لطقم الدبرياج لسه سائل عليه الجديد بتاع الـ 205 من عند المسيري 650 جنيه و ملاقيتوش عند رضا عشماوي شارع دمشق ولا لاقيته عن بديع دسوقي التوفيقيه و هنزل برضه اشوفه في الوكاله و اتمني إني ألاقي حاجه حالتها كويسه و سعرها في المتناول

وبالنسبه للقواعد علشان أطمئن عليها وديتها إمبارح عند ميكانيكي فتح الكبوت ووقف يراقب الموتور وقال لي دوس على الفرامل و الدبرياج و العربيه دايره و إديها الأولاني و إرفع رجلك ببطئ شديد من على الدبرياج و مترفعهاش من على الفرامل إطلاقاً و نفذت اللي هو قاله و انا جوه العربيه وفضلت ارفع رجلي من على الدبرياج و انا مديها غيار و دايس فرامل لحد ما العربيه بطلت تماماً قال لي القواعد سليمه قولتله اشمعني قال لي المكنه متحركتش من مكانها قولتله طيب و مشيت :0002014A:

http://www.nilemotors.net/Nile/392226-205-gti.html