الموضوع: عن حادث سقوط سياره أعلى معدية و مصرع ركابها في قناة السويس

غراب وعشش في بلدنا

ربنا يرحمهم

انا كنت شوفت فيديو عن الموضوع دا


الازاز اليدوي بيفتح الكهربا مبيفتحش
و كدا كدا الباب مبيفتحش
في حالة الازاز الكهربا هتكسره باي اداه موجودة او بايدك لو مفيش حاجة معاك في العربية
الكلام طبعا على زجاج الابواب مش الامامي

أنت شوفت الصورة فين ؟

الحادثة دى اثرت فى نفسيتى جامد علشان الوالد رحمه الله فى عمرى بالضبط وابنائه فى سن ابنائى بالضبط فتخيلت نفسى مكانه ... اللهم ارحمه وجعل ابنائه يوسف وعبد الرحمن يأخذوا بايدية الى الجنة ويصبر زوجته ووالديه

المشاركة الأصلية كتبت بواسطة Eng:mohamed

طبعا معظمنا قرأ خبر مصرع الأب و هو محتضن أبناءه الإثنين.
بعد تدافع السيارات و هم في المقدمه مما أدي إلى سقوط السياره في القناه.
طبعا مش محتاجين نتكلم عن الغطاسين اللي كانوا مش موجودين.
ولا أوناش الإنقاذ اللي مختفيه.
فيه صور للأب وهو محتضن أبناءه في الكرسي الخلفي في محاوله للخروج من السياره بكسر الزجاج الخلفي.
السؤال هو.
ربنا يحفظنا جميعا.بس هو أكيد حاول يفتح الباب..و الباب مفتحش(هل عسان ضغط المياه بيكون كبير فالباب مش بيتفتح)
لو الإزاز كهرباء..هل ميتفتحش؟
ولو الأزاز يدوي..ميتفتحش؟
طبعا بنفس مبدأ الضغط أكيد الإزاز مش هيكسر بسهوله..
هل ملهاش منفذ خالص؟؟
يا ريت الناس تقول رأيها..
ربنا يحفظنا جميعا..

معلش فيه سوء فهم لموضوع الغطاسين و أوناش الإنقاذ

و أنا هتكلم مش دفاعا عن حد لكن لشرح أبعاد الحادثة فقط

أولا المعديات اللى بتعبر قناة السويس من أءمن وسائل النقل و حوادثها قليلة نوعا ما و دى أول حادثة بالشكل ده تحصل فى معديات بورسعيد من أكتر من 40 سنة

ثانيا عملية إنقاذ شخص داخل سيارة تغرق يجب أن تتم فى خلال دقائق معدودة (خمس دقائق على الأكثر) و إلا يصاب المحتجز فى السيارة بالإختناق و يفقد الوعى ثم يموت فى الفترة اللى بقول عليها دى و هى خمس دقائق.
و بالتالى إذا لم يكن غطاس الإنقاذ مستعد بمعداته للقفز فى المياه خلف أى عربية تسقط فلا فائدة من وجوده لإن الثوانى هتفرق - بالإضافة لإن الحادثة حصلت بالليل و بالتالى عدم وجود إضاءة تحت الميه تمثل عائق أمام عملية الإنقاذ فى حد ذاتها

ثالثا أوناش الإنقاذ العائمة موجودة و متوافرة فى ترسانة بورسعيد البحرية و هى قريبة من مرسى المعديات لكن برضه و حتى فى حالة وقوف الونش بجانب المعدية أثناء سقوط السيارة إذا لم يتم إنتشال السيارة خلال دقائق معدودة (و ده مستحيل عمليا و نظريا) فلا مجال لإنقاذ أرواح ركاب السيارة.

أخيرا الحادث مكانش بسبب تدافع السيارات لدخول المعدية و لكن كان بسبب طلب قائد المعدية من صاحب السيارة إنه يتقدم للأمام قليلا -و هو كان واقف فى مقدمة المعدية من ناحية البحر -للسماح بدخول سيارة يقال إنها إسعاف من الخلف و عند تحرك السيارة المنكوبة للأمام إنزلقت إلى البحر

امال الكارثة جت منين .. الحقيقة الكارثة سببها الإهمال
الكارثة ليها 3 أسباب فى رأيى كلهم نتيجة للإهمال الجسيم
أولا عدم وجود أفراد لتنظيم وقوف السيارات داخل المعدية و خصوصا فى وقت الحادث (منتصف الليل)
الثانى عدم وجود بوابة لمنع منع وقوف السيارات على الرامب (منحدر الدخول و الخروج)
الثالث عدم الإهتمام بصيانة المنحدر ده (الرامب) بحيث إنه كان يجب يكون مرتفع بزاوية تمنع إنزلاق أى سيارة للبحر


[img2]http://www.gmhorportsaid.com/uploads/121205021442pc240212.jpg[/img2]

[img2]http://www.portsaid-online.com/panorama/data/media/34/Image00006_2.jpg[/img2]

[img2]http://al-mashhad.com/Media/News/2013/4/12/2013-635013784613559253-355.jpg[/img2]

[img3]http://www.portsaid-online.com/panorama/data/media/34/SV500061.psd.jpg[/img3]