تحيه لرجال الشرطه البواسل

**rompo10** · 30-10-2013 06:21 PM

عمي يملك قطعه ارض مباني باحد المناطق بالقاهره ومنذ ايام استولي عليها البلطجيه ومعاهم سلاحهم طبعا رحنا نقدم بلاغ دخلنا علي الظابط الموضوع كذا كذا وكان الرد اتفاوضوا معاهم او شوفوا بلطجي تاني اقوي منهم يطلعهم انا اتجننت قلتله امال انتوا بتعملوا ايه قالي انا مش هاموت عشان ارضك و الرتبه الاعلي نفس الكلام طلعنا من القسم وعمي قال انا هاشوف بلطجي ياعم ازاي اهدي شويه قالي شقا عمري ووصل فعلا لكام بلطجي واحد قال هاخد 200 الف وواحد قال هاخد 500 الف الاخير قال بس انا هادخل هاقتلهم مش هاطلعهم ولازم توافقوا علي قتلهم مشينا من عنده ورحنا ل ابو 200 الف عشان دا مش هايقتل شكرا لرجال الشرطه

**تامر.محمد** · 30-10-2013 06:23 PM

لا جديد للاسف

**janagabr** · 30-10-2013 06:48 PM

لا حول ولا قوة الا بالله ربنا معاك وينصرك - اولا انت غلطان لانك روحت لقسم الشرطه لانك فهمت وظيفة الشرطة غلط بمعني قسم الشرطة ده اخره تروح تعمل فيه محضر ضياع بطاقة ولا جواز سفر ولا ابلاغ باخلاء مسؤليتك القانونية عن شئ - غير كده ماتتوقعش انهم هيعملولك اي حاجة - ببساطة الشرطة زي شركة الكهرباء زي الضرائب زي اي هيئة فاسدة يعني مايكونش شعب بايظ وانت متوقع انك تخش القسم تلاقيهم ملايكه - ----------------

يرجى عدم الخروج عن مسار الموضوع .. تم الاكتفاء بالتنبيه

مشرف 6 ب
1.32pm
30/10/2013

**janagabr** · 30-10-2013 06:57 PM

وبعدين ياباشا هو ايه علاقه موضوعك بالمنتدي العام ماتحطه في المنتدي الاجتماعي - علي العموم من الاخر مش هتاخد ارضك غير بالدم والسلاح لان البلطجية بتوع الاراضي عارفين هما بيعملوا ايه ومسلحين ومستعدين يقتلوا اي حد فعشان تسد معاهم محتاج بلطجيه اشد منهم يخشوا يخلصوا عليهم وطبعا هايخدوا فلوس كتير لانهم ممكن يتصابوا وتأكد ان مافيش بلطجي هيضحي بروحه عشانك - المشكله بقي يا معلم انك لازم تكون قلبك ميت عشان تدوس في الليلة ده وتسد مع البلطجية لانك البلطجية اللي انت هتجيبهم دول لو طالعوا الناس من الارض هيبتزوك بعد كده وهيهددوك وهيهجموا عليك ويقلبوكوا - البلطجية التانين اللي انت طلعتهم من الارض هيجوا بعد كده ينتقموا منك - الحوار صعب جدا وسكة دة نهايتها ضلمة وخسارة - الصراحة ربنا معاك وحاول تبيع الارض

**mezo73** · 30-10-2013 07:29 PM

انا رأي لازم تعمل محضر وترو ح بية التفتيش في وزارة الداخلية
وتصر انهم يعملوا لك محضر
او اتصل بالشرطة العسكرية
وربنا معاك

**rompo10** · 30-10-2013 07:34 PM

المشاركة الأصلية كتبت بواسطة mezo73

انا رأي لازم تعمل محضر وترو ح بية التفتيش في وزارة الداخلية
وتصر انهم يعملوا لك محضر
او اتصل بالشرطة العسكرية
وربنا معاك

وحياتك حصل يا ميزو دي كلها حاجات اساسيه لازم تتعمل ولا حياه في من تنادي

**sammas1** · 30-10-2013 07:58 PM

لا حول ولا قوة الا بالله
حاول تتصل ببرنامج من برامج التليفزيون على الهواء
وقول المشكلة كاملة على الهواء علشان الناس كلها تعرف والموضوع يتحرك وتاخد حق بإذن الله
وكان الله فى عونكم