بقيت جيناوي رسمي .... و عندي مشكلة :-)
السلام عليكم
باركولي يا رجالة المنتدي بقيت جيناوي رسمي
انهارده استلمت جين 2 جديدة فضي اتوماتيك .... انا كنت حاجز البيرسونا بس مقدرتش استني بصراحة الرجل قالي فيه جين 2 فضي تستلم استخرت و توكلت على الله و بصراحة الجين شكلها احلى بكتير من البيرسونا و الحمد لله و الخيرة فيما اختاره الله
التقييم المبدئي عامل بيها 60 كيلو فقط و ده مقارنتة بالفيرنا المانيول اللى كانت معايا العربية ممتازة ما شاء الله العفشة مش ناشفة خالص زي ما كنت متوقع ... و السحب برده من الثبات ممتاز و العربية بتجمع بسرعة ... و البور مش تقيلة خالص زي ما كنت متوقع بس بتاع الفيرنا اخف .. و الخامات جيده و التكييف ممتاز ... و الفتيس ممتاز محستش بالنقلات نهائيا .... الساوند سيستم صوته نقي و محترم
للاسف لم يكدر صفو اليوم الا مشكلة سخيفة حصلت فى مؤشر البنزين ... لما استملت العربية مكنش فيها بنزين نهائيا و لمبة البنزين كانت منورة .... طلعت على طول على المحطة و فولتها و العامل ملى التانك لحد الاخر المؤشر و صل للاخر و عدى اخر شرطة ... و من ساعتها حلف ما يتحرك من مكانه :-)) عملت بيها بعد ما فولت 60 كيلو معظمهم فى الزحمة و المؤشر ما تحركش هو تقريبا العوامة علقت و لا ايه مش عارف !!
و ياتري ممكن التانك يمشيني قد ايه تاني بالتقريب كده ! بحيث اني عندي مشوار بيها بتاع 80 كيلو بكره و لو هروح التوكيل هيبقى على الجمعه او السبت ان شاء الله مش عارف اقلق من البنزين و لا لأ !
فيه حاجة تانية صوت تنفيس بسيط قوي مع دوسة الفرامل و بتبان اول ما ادور و تختفي بعد ما بمشي بشوية بس الفرامل ادائها ممتاز