تتبع السياره المسروقه

**احمد الطيب** · 30-10-2013 09:16 PM

سمعت من ناس انك ممكن تركب gps ف العربيه عشان تقدر تتبعها لاقدر الله ف حاله سرقتها .
حد عنده معلومات ف الموضوع ده . وهل ال gps بتاع الملاحه العاديه هو المقصود بيه ولا لا ؟

**Ahmed_m7md_A5** · 30-10-2013 10:21 PM

انا صراحة مجبتوش لانى مستنى اغير العربية اصلا لكن...
اتصالات عملت الخدمة دى فعلا ادخل على موقعهم
انا اعرف ان فى صينى و ارخص من اتصالات المفترية
و غير انك بتعرف مكانها تحديدا تقريبا على خريطة الكترونية زى جوجل ايرث اعرف كمان انك تقدر توقف العربية مكانها وتحددلها السرعة و الاماكن اللى تمشى فيها و فى حاجة اختيارية جهاز بصمة اقل حاجة عند اتصالات جهاز 1500 ج و اشتراك شهرى 75 ج ادخل الموقع و انت تعرف كل حاجة
بس على كلام الاعضاء الشرطة مش هتجرى ورا عربيتك برضه و انت اللى تروح تجيبها
فى الاخر كل الناس المفروض تحط منه

**saddam** · 31-10-2013 01:53 AM

صديقي المواطن
هذا الجهاز إسمه جي بي إس تراكر يعني تعقب واللي عندك جي بي إس مناطق والتاني جهاز مفيهوش شاشة وترتيبه أساسا لازم يكون مخفي واﻹشتراك مع الشركات فاشل ومكلف وبكره شوية شوية لما مباحث تنفيذ اﻷحكام تتطور حيجيبوك عن طريق تعقب وتتبع عربيتك وكل اﻷجهزة صينية تبدأ من 600 جنيه وتصل 2700 والممتاز يبدأ من 1300 جنيه وعليه بيكون إشتراك 5 سنين مفتوح وتحط شريحة تلفون وغالبا إتصالات وتتبع عربيتك عن طريق موبايلك أو كمبيوتر وتتحكم في حاجات كتير فيها وممكن تشحن رصيد بحوالي 20 جنيه ولكن تاخد بالك من حاجتين محدش منتبه ليها
أولها لازم تتأكد إنك شاري جهاز مهما دخل مطبات فالفيش بتاعته مهما حصل مش تقطع كهربة العربية عن الجهاز مهما حصل
تاني وأهم هم تاخد جهاز تشترط فيه أوبشن لما الحرامي حبيبنا ببسرق العربية وببفصل البطارية فالجهاز يقعد يوم أو يومين حتى تموت البطارية فمعظم اﻷجهزة لما تيجي تحط بطارية لازم هو يشغل نفسه بنفسه وإلا لو مشتغلش حتظطر تفتح المكان اللي مخبي فيه الجهاز وتشغله بإيدك وده قمة الفشل وعربيتك حتروح يعني حتروح وده كان أول جهاز إشتريته إستعملته شهرين وفكيته وعرفت كل العيوب والمميزات وبقيت أعرف وأنا بجيب محدش بقدر يفوت علينا فايتة
وبالتوفيق وإلى اﻷمام ومن نصر إلى نصر
ودمتم للنضال