معروض عليا اكسنت Rb 2011 ايه رايكم فيها؟؟

**draboeyad** · 30-10-2013 09:17 PM

السلام عليكم
انا معروض عليا اكسنت Rb مانوال ٢٠١١ بس ليها قصه غريبه.....
هي كانت عليها اقساط للبنك وباعها بتفويض لشخص تاني لغايه لما يخلص اقساطها
المهم حصل تعثر في السداد وباقي في اقساطها ٣٥ الف وبعد شهر البنك هيحجز عليها
فصاحبها الحالي اللي معاه تفويض ده عارضها للبيع علشان يسد باقي الاقساط
فانا روحت اشوف العربيه لقيتها مانوال فابريكه بالكامل وحالتها ممتازه ماعدا شرخ صغير وملحوم في الاكصدام الامامي وجزءصغير في احد الابواب مردور علي البارد فقط وماشيه ٦٠ الف
فانا بالتفوض وصلت معاه ل ٧٠ الف جنيه
ايه رايكم
وايه نصايحكم بالنسبه لموضوع البنك ده هل فيه اي مشاكل وهل كره سعرها كويس

**x_gomgom** · 30-10-2013 10:27 PM

بلاش منها لسبب بسيط العربيه عليها حظر بيع و عشان يترفع لازم مخالصة البنك ولا يجوز بيعها قبل المخالصه ... الاول اعرف عليها كام في البنك بالفوائد بدل ما تخش في دوامه معاهم علشان تاخد المخالصه....
يا رب اكون افدت

**draboeyad** · 30-10-2013 10:34 PM

انا قولت لصاحبها اني هدفع القساط اللي عليها بايدي في البنك وهعمل عقد بيع من صاحب العربيه ليا ومكتوب فيه ان هيتبقي عليا ٣٥ الف هدفعهم حين الحصول علي المخالصه النهائيه من البنك وهستلم منه العربيه وبعد اسبوعين اول مالمخالصه النهائيه توصل هنقل ملكيتها ليا وادفعله باقي الفلوس .....فقال ماشي مفيش مشاكل!!!!!!!""""

**x_gomgom** · 30-10-2013 11:03 PM

الملكية لا تنتقل الا بالتسجيل ..... و مش هتعرف تعمل توكيل لان عليها حظر....
نصيحه من اخ متدفعش فلوس الا لما تمسك المخالصه في ايدك و تتطلع شهاده بيانات فاكه حظر. علشان اللي انت بتقوله دا خطر الا اذا كانوا ناس ثقة

**msobhy** · 31-10-2013 12:14 PM

باشا العربيه ديه مينفعش تشتريها غير بطريقتين والله اعلم
الطريقه الاولى تروح تشتريه من البنك وتتنقل الاقساط بأسمك وده اللى متعارف عليه - تدفع لصاحب العربيه الاصلى المبلغ اللى هو عايزه والاقساط تبقى بأسمك ومينفعش فى الوقت ده توكيل - لازم صاحب العربيه أو توكيل عااااااااام
الطريقه التانيه ان كل فلوس البنك تتدفع وبعدها تروح المرور بالمخالصه تشيل الحظر وبعدها العربيه تتباع
غير كده لا قدر الله ممكن الموضوع يكون فيه مشكله
والله اعلم

**Hacker5** · 31-10-2013 04:03 PM

المشاركة الأصلية كتبت بواسطة draboeyad

فيه ناس على علم بموضوع البنوك ده نصحونى بعمل توكيل عام سياره بنوع وموديل السياره فقط يشمل البيع لنفسى والغير والتعامل مع جميع خدمات المرور ولايلغى الا فى حضور الطرفين

كده اول مالمخالصه توصل ابيع لنفسى على طول
ايه رايكم

العربية كدة هاتقف عليك بكام ؟

**J A G U A R** · 31-10-2013 08:05 PM

خليك يا باشا فى خالصو وشوف عربيه تانيه عشان متوجعش دماغك .. كرأى

**Hacker5** · 31-10-2013 08:20 PM

المشاركة الأصلية كتبت بواسطة draboeyad

هتقف عليا ب 70 الف

هو السعر كويس
لو ضامن صاحب العربية اشتريها
اديله فلوس يكيش العربية فى البنك و بعد اسبوع او 10 ايام بياخد جواب يرخص بيه و المخالصة بتطلع من البنك للمرور و تدخل فى ملف العربية
طبعا دة كله و العربية معاك و معاك المفتاحين