المروووور ومشكلة سخيفة

**Goodle** · 14-09-2008 05:36 PM

كل الشكاوى اللي بتتقدم بيتم النظر فيها
ما تسيبش حقك.. إلا لو ال 500 جنيه مش فارقين معاك

**mostafabakry** · 14-09-2008 06:24 PM

طيب هو قلك ايه الصح اللي كنت المفروض تعمله و انت قصرت فيه
يعني مثلا كان لازم تركب نمر تجارية لحين تركيب اللوحات و لا ايه بالظبط

**digital_joe** · 14-09-2008 07:10 PM

متهيألى لازم تركب نمر مؤقتة او تجارية....انا عارف ان الموضوع سخيف و ان المفروض مدام معاك ورقها كامل يبقى مفيش مشكلة ممكن تعدى............على العموم متسكتس و اطلب حقك....و متخليش الموضوع ده يضبع فرحتك بالعربية....و الف مبروك على العربية يا باشا

**Kamal-1** · 14-09-2008 07:54 PM

ياسعادة الباشا انا جايب العربية امبارح الساعة 10 بالليل تقريبا وصلت البيت

يعني مالحقتش اجيب اي حاجة خالص
والضابط ولا قاللي اعمل اي حاجة
منه لله وحسبي الله ونعم الوكيل

**hazem_khidr** · 14-09-2008 08:46 PM

اهم حاجه روح اطمن علي العربيه كل يوم
علشان ممكن العساكر تقلبها من جوه.
اعمل شكوي في الضابط دا
السايت بتاع وزاره الداخليه بياخد كل الشكاوي باهتمام و انا متاكد من دي
و يا ريت تكتب اسم الضابط في المخالفه.
بس انت غلطتك انك اديته رخصه السواقه.
لو حصل ليك موقف زي دا ما تطلعش الرخصه ابدا من جيبك
و لما ركب معاك الامين اعرف انه كده خلاص حيسلمها.

**makram555** · 14-09-2008 09:49 PM

المشاركة الأصلية كتبت بواسطة mostafabakry

طيب هو قلك ايه الصح اللي كنت المفروض تعمله و انت قصرت فيه
يعني مثلا كان لازم تركب نمر تجارية لحين تركيب اللوحات و لا ايه بالظبط

هو ده الصح لابد من نمر تجاريه افرض لا قدر الله وقعت حادثه والعربيه بدون نمر كيف سيكون الوضع

**dr_abooody** · 15-09-2008 01:27 AM

أستغلال و حقد قالك ده جايب عربية جديدة ب كذا الف طب هيحصل ايه لو دفعناه كمان 500 ج
حسبي الله و نعم الوكيل ضيعوا فرحتك بالعربية الجديدة :cuss:
بلد متخلفة و النوعية دة عايزة ال و

**Kamal-1** · 15-09-2008 02:19 AM

الحمد لله على كل حال
انا لسه جاي دلوقتي من جراج المضبوطات واطمنت على العربية ووصيت الامين عليها ياخد باله منها

وكلمت الراجل اللي اعرفه في ادارة المرور وقاللي بسيطة ياسيدي تعال لي بكرة ونخلص الموضوع
وربنا يسهل

**aliabutaleb** · 15-09-2008 02:41 AM

هو سؤال قد يكون ساذج
ألا إيه اللي يحصل لو كان جري بالعربية؟

موتوريزر

ده حتي العربيات الجديدة مسموحلها تمشي من غير نمر لأن هتجيب النمر منين يعني !! و طالما ورقك سليم هو عايز إيه !!

فرع بيع دايهاتسو في اسكندرية اشتغلني في موضوع النمر التجارية دي وقعدوا يخوفوني.
قالولي ممكن تمشي من غير نمر عادي بس لما تيجي تدخل المرور مرخص لازم تبقى مركب تجارية وإن الأولى بيا إني آخد النمر من عندهم تقريباً بـ 50 جنيه في اليوم أو حاجة زي كدة أحسن ما أخدها من قدام المرور بـ 250 جنيه في الساعة اللي هارخص فيها.

وعشان تبقى محبوكة لما بتسالهم على النمر التجارية تيجي منين يقولولك إحنا معندناش ومبنشتغلش فيها بس هانتصرف لك. والطريقة اللي تم بيها محاسبتي على النمر بتقول ان كله مقاسم في فلوس النمر مع كله من أول اللي بيمسح لك العربية وبيركب النمر وكمان اللي بيروح معاك المرور يرخص وحتى مدير الفرع

**mrghost** · 15-09-2008 01:41 PM

لو ورق الفحص عليه تاريخ نفس اليوم اشتكى وماتسكتش بس كان مفروض تشتكى فى نفس اليوم وبعدين هو الكلام ده حصل فين بالضبط فى المرور نفسه ولا فى الطريق مثلا ولو كده مفروض انه بيسحب رخصة القياده لو انت ممعكش رخصة العربيه اساسا بالنسبه لحكاية بدون لوحات بصراحه مش عارف