عندى مشكلة فى ترخيص عربيتى ساعدونى ارجوكم
انا اشتريت عربية بلونيز كانت مرفوعة 25 سنة و بحالة الزيرو كانت بتاعت واحدة ست ماتت و اولادها كانوا عايشين فى امريكا المهم انا و وكيل الورثة روحنا مرور مدينة نصر علشان نطلع شهادة بيانات طلع ان ورقة المخالصة بتاعت المعرض مش موجودة فى الملف فروحنا المعرض اللي هو مؤسسة بغداد نطلع على اوراق العربية لاقيت ان العربية معاليهاش اقساط نهائيا و انهم طلعولها المخالصة بس للاسف الست صاحبتها ماتت قبل ما توديها المرور فطلبنا منهم مخالصة جديدة قالوا مش هينفع علشان الشركة اتباعت و ف\غير كدة
توقيعاتهم ساقطة فى المرور فروحت للشؤون القانونية فى الدراسة قالولى ارفع قضية على المرور
الكارثة فى كل دة ان العربية رخصتها ساقطة و مش عارف اتحرك بيها و القضية سكتها طويلة جدا و مش عارف اتصرف ناس كتير قالولى تخلص من داخل المرور بس انا للاسف معرفش حد هناك فى المرور خالص و عايز اطلعلها بس شهادة بيانات منغير حظر البيع و بعد كدة هنقلها للمرور بتاعى و كافة الاوراق من توكيلات و كدة موجودة فلو حد يساعدنى يدلنى على محامى يكون معايا و يخلصهالى فى المرور فى السريع كدة او حد من جوه المرور انا عينى ليه بس اخلص من الموضوع دة و اكون شاكر ليكم جدا