الموضوع: حد يفهمنى عشان مش فاهم فيه ايه فى كمية الزيت المناسبه للسيراتو

المشاركة الأصلية كتبت بواسطة ahmednaeem

حضرتك بتعمل فلاش في كل مرة بتغير الزيت ؟؟
كتير قالوا ان الفلاش مضر بالموتور ؟؟

لا طبعا بعمله كل 30 او 40 او 20 الف حسب الظروف
لما بلاقى الزيت وسخ جدا و هباب بعمل كده و بتاكد من نضافة الموتور كويس جدا جدا
و فى النهايه بلاقى صوت الموتور بقى انعم و السحب و الاستهلاك بقى افضل

بس انا بعمل فلاش مش زى اى حد
الفلاش بالطريقه العاديه كل 10 الاف كم غلط طبعا هو اصلا بيتعمل المفروض كل 30 الف
انا بعد ما بعمل فلاش و انزله كله و انفخه
بحط زيت جديد و ادور و بعد 5 دقايق انزله كله تانى عشان اتاكد ان كل الاتساخات و الرواسب نزلت
و كمان و الاهم انى اتاكد ان كل مادة الفلاش نزلت كلها
و بعد كده انزل الزيت تانى و احط زيت جديد

مشكله الفلاش اللى الناس بتخاف منها :
1- مع كل تغييره زيت (غلط)
2- كل 5 او 3 او 10 او 15 الف كم غلط بردو
3- بواقى ماده الفلاش لا تزنل كلها مع الزيت .و هى ماده تسبب ضعف لزوجة الزيت و مع تركها فى الموتور تاكله مع الوقت

الصح لو عاوز تعمل فلاش :
1- تحط الفلاش و تدور 5 دقايق او حسب العلبه مكتوب فيها ايه
2- تنزل الزيت القديم + الفلش
3- تنفخ بالهوا من فوق عشان تنزل الرواسب و بواقى الزيت و الفلش فى الكارتيره (الشويه اللى مبينزلوش و بيتبقوا فى قعر الكارتيره )
4- تحط زيت نضيف و تدور 5 دقايق و تنزله تانى و تنفخ تانى
5- تحط زيت نضيف 3.3 لتر بالفلتر و تقيس الزيت و تركب و تمشى
6- تشترى فلتر الزيت من التوكيل لانه الاصلى و اوعى تشتريه من برا لان المضروب منه بيبهدل الموتور و بيعمل صوت كركره
و الله اعلم
و متعملوش فلاش عمال على بطال

المشاركة الأصلية كتبت بواسطة mhf_77

طب كتر الفلاش مش برضه بيضر ولا عادى؟؟؟

كتر الفلاش بياكل الموتور