خدمة عملاء تى اى داتا

**Ahmed_selmy** · 30-10-2013 10:41 PM

السلام عليكم
النهاردة حصل حاجه غريبه, فى حوالى الساعه 3ونص العصر كدا لقيت تليفون البيت بيرن المهم مراتى ردت عليه , وبعدين لقيتها بتناولنى التليفون , مين ؟؟قالتلى دا بتوع تى اى داتا , ليه؟؟
المهم اخدت التليفون ولقيت الراجل بيسالنى اخبار الخدمه ايه , قلتيلوا كويسه , يعنى مفيهاش مشاكل قلتلوا لا الحمد لله, شكرا ليك واحنا فى خدمة حضرتك وفى حال وجود اى مشاكل اتصل بينا على 19777
شكرا
السؤال بقى, ليه؟؟؟؟
ليه بتصلوا بيا دلوقتى علما انى مركب النت من حوالى سنتين ومحدش عبرنى قبل كدا, بالاضافه ان مفيش مشكله الحمد لله حصلت معايا فانا متصلتش بيهم قبل كدا .
حد حصل معاة الموضوع دا ؟؟

**RAPID** · 30-10-2013 11:25 PM

سبحان الله شئ غريب .. اتصلوا بيا انهاردة برضه عالموبايل (متسجل عندهم فى البيانات) بس كانت رسالة صوتية مسجلة بتقول عزيزى العميل هذا استطلاع رأى لقياس مستوى الخدمة لو موافق اضغط 1 وهكذا والاسئلة من نوعية الرضا عن خدمة الانترنت وعن مستوى ممثلى خدمة العملاء وكام حاجة تانية والاختيار من 5 اختيارات (راضى جدا - راضى - محايد - غير راضى - غير راضى تماما)

شئ لطيف الاهتمام باراء العملاء بس الالطف هو دراسة الاستطلاعات دى وتحسين جوانب الضعف بشكل حقيقى واكيد ده بيكون فى صالحهم قبل ما يكون فى صالح العميل

**ahmedteam** · 31-10-2013 03:27 PM

يمكن تكون خدمه جديده لقياس رضا العملاء وحاجه تحسب لهم الصراحه

**midoabdeen** · 31-10-2013 03:43 PM

المشاركة الأصلية كتبت بواسطة rapid

سبحان الله شئ غريب .. اتصلوا بيا انهاردة برضه عالموبايل (متسجل عندهم فى البيانات) بس كانت رسالة صوتية مسجلة بتقول عزيزى العميل هذا استطلاع رأى لقياس مستوى الخدمة لو موافق اضغط 1 وهكذا والاسئلة من نوعية الرضا عن خدمة الانترنت وعن مستوى ممثلى خدمة العملاء وكام حاجة تانية والاختيار من 5 اختيارات (راضى جدا - راضى - محايد - غير راضى - غير راضى تماما)

شئ لطيف الاهتمام باراء العملاء بس الالطف هو دراسة الاستطلاعات دى وتحسين جوانب الضعف بشكل حقيقى واكيد ده بيكون فى صالحهم قبل ما يكون فى صالح العميل

نفس اللى حصل معايا ومرتين كمان
بس بصراحه كنت بقفل من اول المكالمه اول لما الاقيها رساله صوتيه لانى المرتين حصلوا وانا سايق ومش هاينفع ادوس ارقام والجو دا

بس الاولى بدل مايعملوا كده يحسنوا الخدمه وينزلوا عروض جديده للعملاء الحاليين

**طارق _عبد السلام** · 31-10-2013 03:53 PM

اتصلوا بى على الموبايل من يومين وكانت رساله صوتيه واختيار ارقام
لتحديد مدى رضائك عن الخدمه وعن الدعم الفنى بس كان نفسى يكون فيه تقييم صوتى بالذات لبتوع الدعم الفنى اللى كل مايكلمك يقولك رستر الراوتر وشيل الفيشه والكلام ده اللى بنعمله خمسين مره قبل ما نتصل بيهم

**AHMED12345678** · 31-10-2013 11:06 PM

المشاركة الأصلية كتبت بواسطة midoabdeen

نفس اللى حصل معايا ومرتين كمان
بس بصراحه كنت بقفل من اول المكالمه اول لما الاقيها رساله صوتيه لانى المرتين حصلوا وانا سايق ومش هاينفع ادوس ارقام والجو دا

بس الاولى بدل مايعملوا كده يحسنوا الخدمه وينزلوا عروض جديده للعملاء الحاليين

فى عرض للعملاء الحاليين
انهاردة لما رحت ادفع الاشتراك الموظف قالى ان فى عرض ادفع تلات شهور واخد شهر مجانا
بس المبلغ كان كبير بالنسبالى لانى مشترك بسرعة 2 ميجا وبدفع 230 جنية شهريا كاشتراك
يعنى هدفع 690 جنية علشان اخد الشهر المجانى ودة كتير اوى بصراحة
المفروض يعملوا عروض فى مقدور الناس مش عروض تعجيزية

**aminibrahim** · 31-10-2013 11:59 PM

انا براسلهم علي تويتر من زمان وسراع في الرد بطريقه البرق وبيشرحو كل حاجه كلامهم مظبوط

**abdelrahmaaan** · 01-11-2013 12:04 AM

ياريت يزودوا السرعات ويرخصوا الاسعار احنا نعتبر جنب اقل دول العالم مش هقول الدول الكبيرة زى السلحفاة

**aldesha989** · 01-11-2013 11:04 AM

الشركة بصراحه مش وحشه وتعتبر انضف من لينك بكتير والخدمة بتاعتها كويسه جدآ ولكن دايمآ اداء الخدمه فى مصر بالذات متوقف على اداء السنترلات الزباله بتاعتنا
لكن فى المجمل الشركة كويسه
ومعظم الموظفين كويسين
معادا لو ما دفعتش

تحس انهم بيعاملوك وحش جدآ واسلوب زى الزفت

مره الخط فصل علشان نسيت ادفع وبعدين روحت دفعت وقالولى فى الفرع الخدمه هتشتغل فى خلال ساعتين على ما روحت البيت لقيت الخدمه لسه ما اشتغلتش اتصلت بيهم قالولى الخدمه مش شغاله علشان السداد والمبيعات روحت

قولتلهم والمفروض اعمل ايه
قالى انتظر للصبح قولتله مش مشكلتى انا محتاجه دلوقتى قالى والله ما اقدرش اعملك حاجه ولازم تنتظر
روحت قافل السكه فى وشه ومتصل تانى :D
رد عليا واحد تانى وحكالى نفس القصه طبعآ انا كنت مضايق من الخدمه جدآ

مره سيبت النت يفصل واشتغلت بusb اتصلات لمدة سنه كامله وكانو مدينى شهر من غير ما ادفع فى تى داتا ولما جيت ارجع الخط اخدوه ولاد الايه :D

وطبعآ موظفين الدعم مش بيفهمو حاجه فعلآ وفى ناس تنفع تشتغل احسن منهم بكتير

وطبعآ العروض بتاعتهم من سيئ الى اسوء
وخصوصآ عرض اشترى كيلو وخد الباقى مجانآ اهم حاجه ما تأكلش من الكيلو الا عشر حبات رز :D
والباقى بفلوس عالم مقرفه :D