السلام عليكم ورحمة الله وبركاتة
عندى صوت ونة جامد جداً على السرعات العالية بيجى من الخلف
هل دة الرومبيل ولا أية ولو هو بكام ؟
ومستورد ولا جديد أحسن ؟
وكمان المسعدين
ومستورد ولا جديد أحسن ؟
عرض للطباعة
السلام عليكم ورحمة الله وبركاتة
عندى صوت ونة جامد جداً على السرعات العالية بيجى من الخلف
هل دة الرومبيل ولا أية ولو هو بكام ؟
ومستورد ولا جديد أحسن ؟
وكمان المسعدين
ومستورد ولا جديد أحسن ؟
وانا كمان علي فكرة عندي نفس المشكلة ولما سالت بتاع الكاوتش قالي ان النوع الكاوتش الي راكب في عربيتي هو الي عامل الصوت دة بس مافهمتش منة حاجة
انا عربيتي لانوس 2 مو 2000 عاملة 70000
خلى الميكانيكى يرفع العربيه و يدور العجل و يسمع عشان تتاكد انه رولمان بلى
عامة البلى و المساعدين اجزاء مستهلكة و لازم جديد
ممكن يكون بلي العجل زي مقالك الاخ ahmedezzat78 روح لميكانيكي خليه يبصلك عليه
متركبش مستهلكات مستعملة... يعنى لا بلى ولا مساعدين ولا تيل ولا طنابير تنفع تتجاب استيراد
MMamdouh
جزاكم الله كل الخير
الموضوع فعلاً طلع رولمان بلى وطلع أضرارة خطيرة جداً بس الحمد لله
بس أنا غيرت الرومان بلى الخلفى يمين وطلع عندى 2 رولمان بلى
دة صحيح ولا أية ؟
نفس الصوت أسمعه مع صديق لى عنده لانوس 2006 ويتضح أكثر بعد ال80 كيلو ولكن يهيىء لى انه من العجله الشمال يمين
هل توجد طريقه للكشف والتأكد من انه بلى وفى أى عجله
العجل الخلفى فيه اتنين رمان بلى لكل عجلة
http://www.innerauto.com/images/part...l_bearing1.jpg
MMamdouh
الأخ محمد ممدوح
أحب اشكرك بالنيابه عن صديق لى يمتللك لانوس وهو حديث العهد بالسواقه
وذلك لأنى نقلتله خبرتك بالدايو
فأصبح الأن يعشق الدايو والفضل لخبرتك
انا بغير البلى يمين و شمال مع بعض حتى لو كان فيه جنب سليم
جزاك الله خيراً للتوضيح بس هل تنصحنى بتغيير العجلة الاخرى ؟
وما ثمن الرمان بلى ؟
يفضل تغيير بلى العجلة التانية
طقم البلى الخلفى لعجلتين ب 110 جنية ماركة SKF
MMamdouh
انا ظهر عندى الونة دة بعد مازودت الكوتش ومشيت بة حوالى 80 كيلو حسيت ان الكوتش منفوخ زيادة فرحت كشفت علية وجدت ان الراجل نفخة 45 فهل دة يكون السبب
no
MMamdouh
العجل الي ورا في كل عجله 2 رومان بلي مقاس كبير وبيركب بره والمقاس الصغير بيركب جوه .
الاتنين تقريبا الاصلي بيعملوا في حدود 45 جنيه بس .ده الكوري
والصيني رخيص تقريبا 25 جنيه بس .
الي قدام الي غالي شويه واحده بس في كل عجله وتقريبا 75 جنيه وده الكوري برضه
يا جماعة عايز اسعار رومان البلي الامامي ولخلفي بكام
شكراً على الردود القيمة
ازاى نعمل اختبار للبلى العجل الخلفى
يا جماعة انا عندى ونة برضو فى العربية
اول حاجة فكرت فيها البلى اللى قدام وفعلا غيرتة - الونة خفت حاجة بسيطة لكن لسه موجوده
الميكانيكا قال لى ان الونة ديه من الفتيس (عربيتى مانيوال) وبعتنى لواحد فى شبرا المفروض انه محترف فتيس
روحت له قال لى العربية زى الفل والعيب من البلى لازم يتغير :k17:
روحت راجع للمكانيكى قالى ارجع له تانى لان العيب من الفتيس مش من العجل :036:
روحت مجرب حاجة ويا ريت محدش يعملها / وصلت العربية لسرعة 100 كيلو وروحت ممور وبطلت العربية - علشان اطلع الموتور والفتيس من اللعبة - وفعلا الونة زى ما هيه
الغريبة انى اوقات بحس ان صوتها اعلى من صوت الموتور
فى حاجة مش عارف اذا كانت ديه السبب ولا لأ
انا الكارتيره اللى فوق العجل عندى مش حلوة ودايبة من اماكن كتيرة - هل عدم وجودها ممكن يسبب المشكلة ديه
برضو مش عارف اذا كان ده صح ولا لأ انا بقارن عربيتى بعربية موديل 2005
خللى بالك ان ممكن يكون الصوت دة من الكاوتش.... الاختبار الصح انك ترفع العجلة و تلفها بايدك و تحط ودنك على الرفرف... لو سمعت صوت نحر يبقى البلى فى الباى باى
MMamdouh
طيب انا عملت ده فعليا وفعلا كان فيه ونة بس من غير ما حط ودنى على الرفف بس وان كان صوتها اقل
بس الميكانيكى قال برضو ان ده مش بلى / بالمناسبة انا غيرت البلى مع العلم ان الميكانيكى فضل يحلف انه مش بلى