بروشور القشقاي وبعض الاكسسوارات واخر الاسعار :)
السلام عليكم ورحمة الله وبركاته
اولا تحياتي لوحوش نيسان وللمنتدى الجميل ويا رب دايما نفيد بعض ونتبادل معلوماتنا مع بعض
انهارده كنت رايح اشوف القشقاي لاني حيران اوي بينها وبين السبورتاج .....
انا كنت راكب نيسان صني ومعايا مازدا 3 دلوقتي وبحترم العربيات الياباني جدا لانها عربيات معمرة ومحترمة في كل حاجة بس بردو السبورتاج بنت لذينة شكلها جامد اوي بصراحة ومن جوة اوسع من القشقاي بس بردو سعرها اوفر اوفر جدا .......
بس ميزة القشقاي انها ياباني تقفيل انجليزي ... وكفاية الفتيس ال CVT حاجة خرافية بجد ...... والحاجة بقا كمان اللي انهارده اقتنعت بيها جدا ان الخامات المستخدمة في التقفيل الداخلي في القشقاي بالنظر كده اعلي من اللي في السبورتاج ...... او على الاقل من وجهة نظري ومش تحيز والله
المهم عشان ما اقعدش ارغي وازعجكو معايا
انا روحت انهارده اوتو ايحيبت ابو رواش ومودرن كار ابورواش واليكم الاسعار
اوتو ايجيبت
العربية زي ما بتيجي وزي ما في البروشور ب 190 الف وحجز من 5 الى 6 شهور وقيمة الحجز 10 الاف وممكن استردادهم في اي لحظة لو غيرت رأيك
وفي بقا الجديد في اوتو ايجيت : العربية مضاف اليها مرايات باشارات و فرش جلد و دفيندرات امامية وخلفية ( بس معحبتنيش خالص لانها مش عالية يا دوب عالاكصدام ) وتسليم خلال من شهر الى 45 يوم ب 210 الف ...... يعني 20 الف اوفر برايس بالحجات دي
طيب نيجي بقا لمودرن كار
العربية بردو ب 190 حجز من 5 الى 6 شهور
طيب والجديد بقا : عندهم العربية تسليم فوري او خلال يومين ب 203 الف جنيه ........ زي ما في البروشور بالضبط
طيب خدو بقا اسعار بعض الاكسسوارات :
دفيندرات امامية وخلفية ب 6000 جنيه بس بيقولو الاصليه ..... وبصراحة عجبتني اوي لانها عالية وبتركب على مكانها مش بيتخرملها في العربية يعني ....... فدي حلوة بصراحة ...... بس بردو سعر زيادة شوية
عتب ب 3000 جنيه
اشارات في المرايات ب 1500 جنيه
فرش جلد ب 1800 جنيه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!! طبعا كتير جدا واكيد مش هايطلع زي بتاع جينز كار :)
دي في دي بقا وسي دي وجي بي اس وبلوتوث بشاشة كبيرة بصراحة بتركب مكان السي دي اللي بتيجي بيه العربية ب 8000 جنيه !!!!!!!!!!!!!!!!!!!!!!!!!!!!
طبعا الاسعار مبالغ فيها بس هما بيقولو اصلي والله اعلم والراجل قاللي ان عندهم تخفيض على الاكسسوارات دلوقتي ولغاي 15 نوفمبر بس انا طبعا كنت مدور قبل كده على الكاسيت ال دي في دي و على اكسسواراتها على موقع امازون وكان التخين اوي عندهم ب 818 دولار .... يعني بردو اقل من الرقم المبالغ فيه بتاعهم ........
وطبعا ممنوع ان انت تجيب حاجة من بره والا هاتخرج من الضمان ...... واهلا بكم في مصر .......
المهم البروشور انا معرفتش ارفعه على الموقع هنا فرفعته على اللينك اللي تحت ده
http://www.freeuploadsite.com/do.php?id=24175
وبالمرة بردو جبت بروشور الصني ال 1500 ورفعته بردو على اللينك ده
http://www.freeuploadsite.com/do.php?id=24173
طبعا لو اي حد عاوز يضيف على الموضوع ويرفع صور البوشور هنا فيا اهلا وسهلا
ارجو اني اكون افادتكم وتحياتي لوحوش نيسان واسف للاطاله
