الموضوع: اختبار قيادة 128 موديل 1976 (Drive Test)

اختبار قيادة 128 موديل 1976

النوع:ـــــــــــــــــــ� �ـــــــــــ نصر 128
الموديل: ـــــــــــــــــــــــــ ـ1976
الموتور: ـــــــــــــــــــــــــ 1300cc
الفتيس: ـــــــــــــــــــــــــ ــ خمس سرعات

طبعا انا ركبت قبل العربية دي بيجو 504 موديل 80 وكابرس كلاسيك 88 طبعا دول بتوع الوالد رغم إني سوقتهم كتيير المهم
أول لما ركبت ال 128 لقيت الدواسات البنزين والفرامل والدبرياج جايين يمين وحسيت إني معووج وأنا بستخدمهم :)
العربية التابلوه مش قد كده لكن الصالون بتاعها واسع العربية شكلها من بره صندوقي زي كل السيارات قديمة التصميم
نيجي ندور العربية لو مظبوطه على الشعرة لازم تكارك وتسايس وتسمي لغاية لما تدور لكن لو مش مظبوطة تبقى سعيد الحظ لو لم تضطر تزق العربية الصبح
المهم دورنا سخن بقة دقيقتين على الأقل وإطلع العربية السراحة ناعمة والتسارع معقول يعني الموتور ال 1300 شايلها بالراحة
طبعا نسب الفتيس حلوة لكن بيعض معاك في أغلب النقلات
المهم شد يا عم التسارع من صفر إلى مئة خلال حوالي دقيقتين تلاته حسب مزاج العربية يومها
تجيب أول في تاني في تالت في رابع تيجي تجيب الخامس تسمع صوت زنه شكل الصفارة متقلقش ده طبيعي العربية مزاجها علي وبتصفر :D
المهم توصل السرعة 90 صوت الموتور يكون علي ومن بعد التسعين يعلى أكتر مع زيادة السرعة بس تقدر تسمع اللي جنبك لو كلمك بصوت عالي :o
الثبات عجيب جداً العربية مكلبشة في الأرض بطريقة محترفة تشد الانتباه
لكن لما السرعة تزيد عن 115 تبدأ العربية يقل ثباتها لكن معقول برضه وماشية وتجيب معاك لغاية 130 وبعد كده التسارع يكون من 130 فما فوق صوت بس من غير صورة :D
الصراحة ما جابتش معايا أكتر من 130 لكن العربيات الحديثة منها أسمع إنها ممكن تجيب أعلى من كده
بالنسبة للأعطال مش فاكر في إيه فيها معطلش يعني عطل السخونه مشهور وكذلك عطل البنزين وتهريب الزيت وعطل الكهربا ومش فاكر إيه تاني
قطع غيارها غير معمرة بالمرة لكن متوفرة و ببلاش عند بتاع اللفت 8)
طبعا الجنوط العريضة بتفرق معاها لكن لو نقطة إرتكاز الجنط الجديد غير الأصلي بتاعها يبقى هتغير بلي كل شهر مع المرتب
مشكلة فتح الشاسيه وما أدراك ما فتح الشاسيه العربية ظريفة فبتفتح شاسيها على الآخر وهي بتضحك :D على أي مطب مضحك من مطبات المحروسة :D
حله الوحيد لما يفتح تغير أكس العربية بواحد أطول بتاع ريجاتا مثلا بدون زراجين ولا غيره
لكن العربيه 128 خلاصتها أنه ليس لها منافس من مستواها السعري سواء في سعرها أو سعر قطع الغيار أو إتساع الصالون :)
لو فلوسك على قد ال 128 لا غير هاتها وهتعجبك لكن إحذر المطبات عديها وإنت واقف
والله أعلم
سبحانك اللهم وبحمدك أشهد أن لا إله إلا أنت أستغفرك وأتوب إليك

انا قولت لو هما مش ضامنين العربية مع التكيف مع انهم هما الى هيركبوه يبقى قلتها احسن

كلام سليم العربية حتى لو 1300 مش حمل تكييف