السلام عليكم ورحمه الله وبركاته
اهل الخبرة الناس المجربة بكل بساطة عايز اجيب عربيه بقرض السيارة وطبعا عشان اقدر على القسط العربيه من 50 ل 60 متزدش
ارجو من الجميع الرد بنوع السيارة وماركتها وسعرها وكده - انا من لقصر
وحاليا فى دماغى الجيلى كروس مرتحلها نسبياً وياريت لو نبذه عن مصاريف اى عربيه فى الصيانه وخلافه اخوكم مزنوق ومعنديش اى خلفيه عن السيارات وجزاكم الله كل خير مقدماً وشكراً ومستنى الردود تنصحنى اجيب انهو عربيه :Ka_che1[1]:
مبروك مقدما و الجيلي عربية هيكون ليها مستقبل حلو في مصر و اسعار الصيانات بتكون مش غاليية في البداية يعني لو هتغير زيت وفلتر بتعمل من 250 ل 350 ولو صيانة عادية مش هتكلف 100 جنية اكتر صيانة مكلفة ال 40 الف لان بيتم تغيير فيها سيور ودي بتكلف من 1500 ل 2000 جنية وباقي الصيانات رخيصة لحد صيانة ال 80 الف عشان برضو السيور
اولا النصيحه لله تعالي كما طلبت:
لاتدخل نفسك فى معترك القروض من اي بنك لانه مخالف شرعيا وتدخل فى اطار الربا المباشر وذلك حرام شرعا
ولو اردت التقسيط فعليك بالتقسيط الحلال وهو عباره ان يشتري البنك (مثلا) السياره وتكون ملكا له ثم يتم بيعها لك بالتقسيط ويكسب من ورائك بالحلال
ولو اردت بنك يفعل ذلك فعليك ببنك فيصل الاسلامي
ثانيا النصيحه بالنسبه للسياره:
الجيلي تعتبر عربيه كويسه بدأت فى التطور وقطع غيارها رحيصه وغير مكلفه فى الصيانات كما تفضل اخونا mido بالتعليق
وايضا يعتبر فى نفس الفئة السعربيه .... الاسبيرانزا لو اردت .... فهي علي نفس المنهج
هذا لاتجاهاتك فى الصيني
اما لو اردت التغير ..... فعليك بالسيراتو الشكل القديم
بالتوفيق
يا ريس القرض ده مقرف
مش هنصحك تعمله إلا لو هتعمل بيه مشروع او شغل
لو عايز تاخده لعربيه يبقى ليك مرتب جامد عشان القسط يبقى كبير ففتره القسط تكون قليله ومتتبهدلش كتير وحاول تبعد عن الشر ده بأي طريقه سواء اسلامي مش اسلامي....
ابتعد عن القرض تماما ....... وسيغنيك الله من فضله
لازم تحط الشروط الاسلاميه امام اعينك
القرض كله هموم وتقعد 5 سنين تسدد وتكون عربيتك اتبهدلت حاول تتجنب موضوع القرض ده على اد ماتقدر وربنا يوفقك وفكر كده في اﻻسبيرانزا كويسه وقطع غيارها معقوله وصيانتها كمان