سيبها تصدى و مودىلها بعدى !!

**eggroup** · 31-10-2013 10:55 AM

يا جماعه عايزين نرجع حملة (سيبها تصدى و موديلها يعدى)

موضوع الزيادة المستمرة و الغير مبرره فى أسعار السيارات بقى فوق الإحتمال و إحنا السبب!!

كل مره نزعق و نتخانق و بعدين نجرى نحجز !!!!

لو كنا بندفع (كاش) و نازل تشترى و معاك 185000 جنيه فى شنطه و قالك البياع (لأ) روح هات 15000 جنيه كمان و تعالى كنت رحت رجعت الفلوس للبنك تانى و طنشت العربيه!!!!

لكن علشان الغالبيه بتشترى بالقسط فتقولك مش مشكلة القسط يزيد شويه !!

الأسعار بقت فى السما و إحنا فى ركود!!

الدولار نزل و الأسعار زادت!!

أمال حيتعمل فينا إيه لو الدنيا أتحركت؟!!

الشوارع تحولت لجراجات كبيرة و سواقة السيارة بقت شىء غير ممتع بالمرة!

و العربيات بتتسرق (عينى عينك) و ما فيش حاجه بترجع!!

الحقيقه أنا قررت أقاطع الشراء فى 2014 و لغيت شراء الفلوانس السنه دى .

(ربنا ما سهلهاش من عنده و انا قررت التوقف عن محاولة الشراء)

د. ياسر التلمسانى

**akmm** · 31-10-2013 11:05 AM

انا مع حضرتك الزيادات فى سعر السيارات الجد\يده بقى فوق التخيل ومش مبرر بالرغم من هبوط نسبى للدولار مقابل الجنيه المصرى .

**dr/hamza** · 31-10-2013 11:17 AM

+111111111111111

**banzai** · 31-10-2013 11:41 AM

انا كنت عايز اعمل موضوع زى ده بالظبط
اهو الدولار نزل و هينزل
يا جماعه سعر السياره فى مصر هو الاغلى فى العالم كله تخيل ان مصر اغلى سعر سياره على مستوى العالم طيب بتاع ايه و بأمارة ايه ؟
و حتى الفلوس اللى بتتحصل كجمارك و ضرايب لا بنشوف بيها طرق صالحه للاستخدام ولا شبكات مواصلات محترمه ولا زيادات فى الاجور
نفسنا نشوف اتحاد قوى يمثل شرائح الشعب المصرى و يكون ورقة مواجهة و ضغط امام مافيا تجار السيارات
و الاهم من ده كله يقوم بتوعية الشعب بقيمة السيارات الحقيقى

**eggroup** · 31-10-2013 02:26 PM

المشاركة الأصلية كتبت بواسطة banzai

نفسنا نشوف اتحاد قوى يمثل شرائح الشعب المصرى و يكون ورقة مواجهة و ضغط امام مافيا تجار السيارات و الاهم من ده كله يقوم بتوعية الشعب بقيمة السيارات الحقيقى

خلينا نبتدى من هنا ... من المنتدى

عايزين حد من الأخوه الأفاضل معانا يشرح لنا ببساطه طريقة حساب الجمرك و ضريبة المبيعات

و النت مليان بأسعار العربيات الزيرو، مجرد ما نعرف طريقة الحساب حنقدر نحسبها لنفسينا و نعرف التوكيل واخد مننا فلوس أد إيه زياده.

طبعا سيكون هناك فرق فى الكماليات حنحاول نقربه على قد ما نقدر.

المهم نعرف طريقة الحساب.

**sayco100** · 31-10-2013 03:09 PM

دة للأسف كمااااااااان الدنيا حتغلى من اول يناير
وكل التجار مزودوش وبيعملوا ان فى خصومات دلوقتى عشان الهبرررررة الكبيرة
وعلى رأيك السواقة بقت هم وغم ومسؤلية العربية ذادت بعد مزاد موضوع السرقات
ولا المرور اللى مش موجوووووود
خلى المحترم بلطجى فسواقته عشان يسلك فشواع مصر
ودة كلو والشعب غلبان وراضى وشايل الهم ولأرف وساااااااااااااااااااااكت
بس لحد امتى بقـــــــــــــــــــــــ ــــــــى !!!!!!!!!!!!

**horas3000** · 31-10-2013 03:13 PM

باشا
انت في مصر
يعني يلا نفسي و انا و من بعدي الطوفان و شوف مصلحتك فين و اجري وراها
و اللي انت عايزه ده محتاج ناس واعيه و فاهمه و حاطه المصلحه العامه هدف ليها
و الصنف ده قليل ان مكانش معدوم في مصر

**my3fox** · 31-10-2013 03:37 PM

المشاركة الأصلية كتبت بواسطة sayco100

دة للأسف كمااااااااان الدنيا حتغلى من اول يناير
وكل التجار مزودوش وبيعملوا ان فى خصومات دلوقتى عشان الهبرررررة الكبيرة
وعلى رأيك السواقة بقت هم وغم ومسؤلية العربية ذادت بعد مزاد موضوع السرقات
ولا المرور اللى مش موجوووووود
خلى المحترم بلطجى فسواقته عشان يسلك فشواع مصر
ودة كلو والشعب غلبان وراضى وشايل الهم ولأرف وساااااااااااااااااااااكت
بس لحد امتى بقـــــــــــــــــــــــ ــــــــى !!!!!!!!!!!!

هو أيه حكاية السنة الجديدة دي..... أنا برضة سامع إن الدنيا حتولع و اﻷسعار حتطير من أول السنة......
الكلام ده برضة طراطيش كلام و إشاعات و إلا أيه
هي ناقصة

**sayco100** · 31-10-2013 04:04 PM

المشاركة الأصلية كتبت بواسطة gade2

اعتقد يا جماعه ان التجار لما اشتروا العربيات كان الدولار عالى وخلاص هما دفعوا الفلوس فلازم يعوضوا بقى مننا

لا لا الاسعار غااااااااااالية فشهر 2 او 3 اللى فات
واللى اشترى اشترى خلااااااااااص
انا بحكى عن تجربتى مع الوكيل كيا لما جيت اشترى فشهر 9 بالصدفة لقيت خصم 3 الالاف وعلى موديل 2013 موديل 2014 معلوش خصم
مع العلم ان العربية لسة مستلمها فشهر 10 ولسة جاية من البحر المفروض بقى ينزل سعر العربية عموما ويبقى بالسعر الجديد وخلاص
لكن دة مينفعش معاه
لاااااازم يقولك خصم ولاااااازم يكسب اكتر عشان دة موديل السنة الجاية اللى هى فيناير بدل مالبيكانتو ب 99 الف ج
حتبقى ب103 كدة
لكن عاملك خصم على موديل 2013 ب97 الف جنيه
فلما تيجى اول يناير كدة كدة مفيش 2013 حتخلص
متلاقيش السعر نط من 97 ل 103 مثلا ف شهرين
دى لعبة كبيرة بيلعبها التجار وحتلاقى معظم الوكلا عملوها
واحنا بنشترررررررى فصمـــــــــــــــــت

!!!

-

الموضوع: سيبها تصدى و مودىلها بعدى !!

LinkBack

أدوات الموضوع

عرض

-

-

المواضيع المتشابهه

حملة خليها تصدى

خليها تصدى

العربيه بتسخن لما بعدى ال90

راى شخصى - لية خليها تصدى

اللى يقسط بعدى

الكلمات الدلالية لهذا الموضوع

المفضلات

المفضلات

ضوابط المشاركة