-
فقدت رُخصة المرور
سلام عليكم و رحمة الله و بركاته ،،
فقدت رخصة المرور الخاصة و البطاقة الشخصية لي ..
كنت عايز أعرف بس اجراءات استخراج رخصة بدل فاقد ؟؟ انا معايا جواز سفر هل يغني عن البطاقة فى المرور ؟!
و لما أعمل محضر فى القسم عشان أودّيه المرور بيتعمل فى ساعتها ولّا بستني فترة و أروح أستلم المحضر ؟؟
و شكرا :(
-
و لازم يكون المحضر فى نفس القسم بتاع المنطقة بتاعتي ؟!
و هل لازم البطاقة ام جاوز السفر يغني عنها ؟!
-
بتعمل مذكره مش محضر فى اى حته ... بس لازم يكون معاك رقم الرخصه عشان تتثبت فى المذكره
المذكره بتختمها و تاخدها و انت واقف و تروح على المرور بتقدمها فى نيابه المرور و يقولك تعالى بعد فتره (3 ايام او اسبوع مثلا) عشان يتاكد ان الرخصه مش مسحوبه و بعدين يعملك ورقه تعمل بيها بدل فاقد
الباسبور فى المرور شغال
-
معيش رقم الرخصة :\ كل حاجة ضاعت المحفظة على بعضها
-
معرفش بصراحه ... هم فى القسم هيعرفو و ممكن يعملوها الرخصه الخاصه بالعربيه رقم و يكتبو رقم العربيه ... او يبعتوك المرور تجيب رقم الرخصه من الملف برقم العربيه بس خد الباسبور معاك
هتحتاج تجرب يا تروح المرور الاول تسال يا تروح القسم تسال
ربنا معاك
-
لا هيا رخصة سواقة خاصة مش رخصة العربية ؟
-
كده اكثر غموض ... انا مره عملت بدل فاقد و هى هى نفس اللفه (مذكره و نيابه و بدل فاقد) بس كان معايا صورتها و جبنا الملف بالرقم ....
كده هتشوف المرور هيعرف يجيب ملفك بالاسم ولا هيقولك مينفعش !
-
هو انا عملت المذكرة فى القسم بس مطلبوش رقم الرخصة ..
طيب لو مرضاش يطلعه فى المرور يبقي الحل ايه تعرف ؟
-
المشكله مش انه يرضى او ميرضاش .... معرفش الارقام بالاسم موجوجه على كمومبيوتر ولا لأ بس تخيل مثلا انها مش موجوده و هم حاطين الملفات بالترتيب الرقمى مش بالاسامى ... هتعرف تجيب ملفك ازاى من غير ما تفتح كل الملفات تشوف الاسم ....
روح المرور و ربنا معاك و طمنا
-
بس أكيد حاجة زي دي مفروض يبقوا عاملين حسابهم يعني مش كل الناس مفروض انها تمشي بصورة الرخصة ! :d
ربنا يكرم كده يوم السبت لمّا نشوف
Content Relevant URLs by
vBSEO 3.6.0 PL2