فيه من نفس الماركه armor all لتنضيف الجلد وكمان فيه ماركه sonax الاتنين أحسن من بعض.
عرض للطباعة
صديقي.المواطن
البليتش أو القاصر أو الكلور حسب ما تسميه لا أنصح به بتاتا ﻷنه حيعمل لك بقع على الطبلوه ولو جي عالكراسي القماش حيضيعنا ثم أساسا إنت مش محتاجه نهائي فيه آلاف المنتجات لتنظيف الطبلوه وفيه إسبريهات ترشها ب 25 جنيه وتسيبها 3 دقايق حتفور البقع والوساخة كلها لفوق وبفوطة تمسح ترجعلك زيرو وتكرر الطريقة دي مع الفرش والسقف وكذا مرة لو منظفتش وبالنسبة للجلود ده بالذات لا تسترخص به ﻷن كل المنظفات حتنشف الجلد ويخليه يشقق لازم تاخد حاجة تنظف الجلد وتطريه وده التظيف بتاعه يعمل 45 وفيه لغاية 65 وبالتوفيق وإلى اﻷمام ومن نصر إلى نصر
ودمتم للنضال
والله موضوعك ده فكرني بأيام زمان من 15 سنة مثلا مكانش فيه أي منتجات كنا من جوه بنمسح العربية الطبلوه والبيبان والكونسول ب زيت محركات والبودي من بره بنخلط الصابون مع الكاز الأبيض أو مع السولار عشان ناخد لمعة كأنها عملت بوليش ودي لسه بنعملها إنما التانية فأيام راحت ومش عايزين نعيشها تاني
كل المنتجات الخاصه بالتنظيف الجيد دون اضرار بتاتا هى منتجات سوناكس حتى فيه منها للسقف القطيفه وايضا لتنظيف التكييف من الروائح الكريهه والبكتريا .......... هى اصلا منتجات المانيه غايه فى الجوده وانا مجربها تقريبا كلها وموجوده فى كارفور او التوفيقيه فى المحلات مش على الفرش فى الشارع .. تحياتلى .
هو الحق يقال في اعلاناتهم قايلين انه يصلح لطابلون العربيات
بس بما ان الشيئ لزوم الشيئ فخليك مع المنظفات المتخصصه احسن