مساعدة (عاوز راديو ويكون حجم صغير)

أصدقائى خبرات الصوتيات
إسمحولى أعرض عليكم حاجة ومحتاج حل ليها بإذن الله بس محتاجة تركيز شوية :

أنا مشترى العربية فيها الآتى :
1- دى فى دى فى الشمسية اليمين (سى دى + USB + فتحة كارت ميمورى)
2- جهاز مش عارف له إسم (تقريبا جى إم) وفيه زرار بيعمل سويتش بين الـ FM والدى فى دى والجهاز ده متركب فى الحتة اللى معمول عليها علامة حمرا بالصورة المرفقة (وهى دى أساس المشكلة).
3- فيه وصلة RCA خارجة من الدى فى دى اللى فى الشمية وداخلة على الجهاز بتاع الراديو ده إللى مش عارف إسمه .
4- يوجد سماعتين عاديتين فى الرف الورانى متوصلين بالليلة دى كلها .

المشكلة :
مع أى مطب أو مع حركة العربية بالاقى الدخلتين اللى داخلين فى الجهاز من ورا الجهاز بيتحركوا ويفضل الصوت يروح وييجى والسماعات تفصل وتشتغل حسب حركة العربية بقى ولازم تخبط على الجهاز علشان يرجع يشتغل تانى أو لازم تخبط على زرار الـ Volume وده طبعا شىء يضايق جدا وإنت بتسمع أى حاجة .غيرت الوصلة بتاعت الـ RCA وجبت نوع نضيف من راديو شاك وبرضه المشكلة موجودة لأنى اكتشفت انها من سوكيت الجهاز نفسه ومش من الوصلة .
المهم طبعا وبما إن مافيش حاجة ممكن تتصلح فأنا عايز أشترى جهاز بدل اللى متركب ده وعاوزه يكون فى نفس المكان وبنفس الحجم أو حتى أقل حتى لا أضطر للقطع أو التوسيع لتركيب جهاز أكبر حجما .

لو فاهمينى أرجو الرد وترشيح جهاز مناسب ( جى إم مثلا)

الصورة دى مش صورة عربيتى أنا حاطتها بس علشان أوريكم المكان اللى محطوط فيه الجهاز بتاع الراديو
http://nileup.com/up/uploads/nilemotors_13832144841.jpg