طرمبة باور الفيرنا

**mbaddar2** · 31-10-2013 01:03 PM

السلام عليكم
انا كان عندى زنة من عند الموتور بالذات عالسرعات الواطية و الركن (صوت عالى جدا) المهم قلت طربمة باور - رحت للميكانيكى قالى مفهاش زيت و كنت ماشى بيها كتير بالصوت ده
سؤالين
1-هل محتاج اغير الطرمبة و من فين و بكام (انا من اسكندرية - سيدى بشر) و اعرف ازاى كانت بتسرب
2-اجيب جديد صينى و لا استعمال و هل حد يعرف حد بتاع استعمال نضيف فى اسكندرية و يا ريت قرب سيدى بشر و العصافرة, لان الميكانيكى قاللى الجديد كله صينى و مش بيعمر خضوصا انى باستهلك العربية كتير فى مشاوير برج العرب و القاهرة
و شكرا مقدما

**saddam** · 31-10-2013 09:30 PM

صديقي المواطن
محنه برضو مفهمناش الميكانيكي قال لك مفيهاش زيت ودي جريمة لا تغتفر فرحت إنت قافل الكبوت والسلام ولا زودت زيت عامة الحل المبدئي لو فيه ترشيحات حتجيب زيت البور أبو العلبة الصفراء اﻷمريكي بخاصية الستوب ليك فيه نوع إسمه آبرو ونوع إسمه بارز واﻹثنين أمريكي وسعره العلبة لتر حوالي 55 جنيه حتحطه في البور وهو خلال إستعمال العربية أسبوع حينعم البور وحيقضي على أماكن الترشيح وده لونه أبيض شفاف وليس أحمر ولما تنقص كل يوم زودها لغاية ما كل مصادر التسريب تقفل وبالتوفيق وإلى اﻷمام ومن نصر إلى نصر
ودمتم للنضال

**Ashraf_Ibrahim** · 01-11-2013 03:00 AM

ايه قصة الستوب ليك دي معلش عشان اول مرة اسمع عنها !

**haysam2000** · 01-11-2013 08:15 PM

متقلقش انا حصلت معايا بسبب حادثه و زيقت و حالتها كانت بالبلا و بعدين حطيت بس زيت نضيف (طبعا عالجت مكان الحادثه) و بقت زى الفل و شغاله بقالها اكتر من ست شهور
الخلاصه متقلقش