السلام عليكم ورحمة وبركاته يا شباب
حد يقدر يقول لى دورة مرور البنزين من التنك مرورا بالموتور وحتى الشكمان ايه هى المراحل اللى بيمر بيها
عرض للطباعة
السلام عليكم ورحمة وبركاته يا شباب
حد يقدر يقول لى دورة مرور البنزين من التنك مرورا بالموتور وحتى الشكمان ايه هى المراحل اللى بيمر بيها
وعليكم السلام ورحمه الله وبركاته.
ازيك يا صديقي العزيز..
الرابط مش شغال ياباشا!!
وهو فين الرابط أصلا ؟
بعد ماتفتح الموضوع اللي عاوز تنقل الرابط بتاعه في صفحه منفصله , اطلع علي شريط البحث فوق شمال اللي قبل سهم الرجوع علطول هتلاقي رموز كده هي دي الرابط ظلله وخده كوبي وباست في موضوعك , بس كده او ممكن لو
ماعرفتش ابعتلي اسم الموقع ع الخاص وانا اعدله ,تحياتي
تفضل هذه الصورة
http://www.othetheh.com/upload/uploa...e91f547954.jpg
نبتدى بعربيات زمان الاول يعنى من اول ما اخترعو السياره............
كانت دوره البنزين زمان زى الموتوسيكل دلوقتى بتعمل بنظريه اسمها التثاقل يعنى الخزان راكب فوق الماتور وخرطوم صغير واصل لحد الكربراتير وشكرا على كده
بعد كده اتطور النظام ده مع المحركات الكبيره باضافه طرمبه للوقود علشان تلبى احتياجات المحرك تحت ظروف التشغيل المختلفه
مكونات الدوره :
خزان
http://nileup.com/up/uploads/nilemotors_13832509001.jpg
-فلتر بنزين-
http://nileup.com/up/uploads/nilemotors_13832509651.jpg
طرمبه بنزين-
http://nileup.com/up/uploads/nilemotors_13832510891.jpg
http://nileup.com/up/uploads/nilemotors_13832510902.jpg
كربراتير-
http://nileup.com/up/uploads/nilemotors_13832511581.jpg
الطرمبه بتاخد حركتها اما من المحرك (بيقولو لعيها طرمبه رداخ)او عن طريق محرك كهربى(دى احدث من لارداخ)
http://nileup.com/up/uploads/nilemotors_13832513491.jpg
بتسحب البنزين من التانك مرورا بالفلتر ثم الكربراتير .. وده وظيفته خلط البنزين بالهواء بنسبه صحيحه واللى المهندسين والعلماء حددوها زمان 14.7:1 يعنى 14.7 ذره هواء و1 ذره وقود ودى اللى بتدى احتراق مثالى واقل استلاك للوقود تحت الظروف الطبيعيه طبعا البنزين سائل والهواء غاز يتخلطوا ازاى؟؟؟؟
اقوللك شوفت فكره البخاخه بتاعه المياه او ازازه البرفان بتاعتك هى جواها سائل لكن بيخرج من الفونيه بتاعه البخاخه اللى الثقب بتاعها ضيق جدداااا
فيخلى السائل يخرج شبه رذاذ فيبقى سهل خلطه مع الهواء وده اللى بيعمله الكربراتير عن طريق الفونيه اللى هى عباره ثقوب صغيره بيخرج منها الوقود شبه رذاذ
http://nileup.com/up/uploads/nilemotors_13832512081.jpg
بعد الخلط يخش الخليط بقى مجمع السحب ويدخل جوه الاسطوانات بتاعه المحرك حسب ترتيب معين لفتح الصبابات يعنى مش كل الصبابات بتفتح فى وقت واحد لكن كل صباب ليه ميعاد فى القفل والفتح محسوب بالميكرو مللى تخيل الدقه لدرجه ايه....!!!!!
بعد ما بيدخل الخليط جوه الاسطوانه يبتدى المكبس يضغطه فى مكان ضيق جدا واللى بيسمى غرفه الاحتراق ودى بتكون فوق المكبس مباشره
واللى بيحصل فيه احتراق للخليط عن طريق البوجيه بعد كده ينتج حراره وضغط هائل جوه الاسطوانه تجبر المكبس انه ينزل لتحت تانى فيحرك عمود الكرنك وبعد كده يخرج ناتج الاحتراق من المحرك وهكذا بيحصل فى باقى الاسطوانات
http://nileup.com/up/uploads/nilemotors_13832512531.jpg
طبعا حصلت تطورات كتير زمان من ان الكرباتير بقى فيه جزء منه تحكم كهربى وان الطرمبه بقت كهرباء وبعد كده ابتكروا انظمه اسمها حقن الوقود ودى نفس فكره البخاخه بالظبط بنفس التطبيق واصبح عندك نظام حقن ميكانيكى ثم كهربى مكيانيكى ثم حقن الكترونى كامل ودى اخر انظمه الوقود اللى عرفها الانسان اللى هى الحقن الاكترونى الكامل بعد كده اى تطور بيبقى مجرد اضافات مش اكتر وتحسين لكن الاساس هو نظام الكترونى كامل
نتكلم بقى عن نظام حقن البنزين
http://nileup.com/up/uploads/nilemotors_13832518371.jpg
الدوره بتتكون من الاتى
خزان-
http://nileup.com/up/uploads/nilemotors_13832509001.jpg
فلتر-
http://nileup.com/up/uploads/nilemotors_13832509651.jpg
-طرمبه
http://nileup.com/up/uploads/nilemotors_13832513491.jpg
هنا الطرمبه كهربيه وكل السيارات الحديثه الطرمبه فيها كهربيه لان الميكانيكيه كانت بتستهللك جزء من قدره المحرك حتى ولو جزء ضئيل هما حبو يتخلصوا منه
- مجمع الوقود(مسطره)-
http://nileup.com/up/uploads/nilemotors_13832515141.jpg
منظم ضغط-
http://nileup.com/up/uploads/nilemotors_13832515551.jpg
رشاشات
الخزان: هو هو مع اختلاف ان الطرمبه والفلتر فى معظم السيارت بيبقوا فى شاسيه واحد جوه الخزان
المستره : دى بقى عباره عن علبه مستطيله طويله كده بيدخل فيها الوقود وخارج منها عدد فتحات بيركب فيهم الرشاشات حسب اسطوانات المحرك يعنى لو 6 سلندر يبقى عندك 6 فتحات او علبتين لو المحرك شكله v يبقى مسطرتين كل واحده خارج منها 3 فتحتا وفى اخر المسطره دى متركب منظم الضغط ده ووظيفته انه يحافظ على ثابت للوقود واللى بيتراوح من 3 الى 3 بار فى معظم السيارات
نيجى بقى للرشاشات: ودى وظيفتها انها بتخرج الوقود بضغط عالى وعلى شكل رذاذ ليسهل خلطه جوه الاسطوانه زى فكره الفونيه اللى فى الكربراتير بالظبط
http://nileup.com/up/uploads/nilemotors_13832517531.gif
وده فيه منه نوعين ميكانيكى وكهربى
الميكانيكى: وده بيشتغل عن طريق ضغط الوقود يعنى ضغط الوقود لما يوصل لقيمه معينه فى الضغط يبفتح الفونيه بتاعته والوقود يخرج
http://nileup.com/up/uploads/nilemotors_13832516731.jpg
الكهربى: وده بيشتغل عن طريق اشاره كهربيه جايه من الكنترول بتاعه السياره
http://nileup.com/up/uploads/nilemotors_13832517221.jpg
الاختلاف بين الاتنين فى الحكم والتكلفه
الميكانيكى اغلى + انه مبقاش ينتج منه اصلا فى محركات البنزين لانه كان بيستخدم زمان فى نظما الحق الميكاينكى لكن كانت من ضمن عيوبه او من ضمن عيوب النظام الميكاينكى ككل استهلاكه العالى للوقود
الكهربى حجمه صغير + ان تكلفه قليله + كمان انك تقدر بسهوله تتحك فى زمن فتح الرشاش بدقه عاليه جداااا
زمن فتح الرشاش ده اللى هو الوقت اللى بيخرج فيه الوقود من الرشاش واللى بيكون اجزاء من الثانيه واللى بيتحكم فى الفتره دى هو الكنترول بتاع السياره
شوف الفيديو ده كده
Down the Gasoline Trail (1935) How Fuel Goes Through An Engine - YouTube
http://www.youtube.com/watch?v=umdoG7qdWWs
حضرتك بقى انا مش عارف اقول له ايه حضرتك فصصت العربيات كلها حتة حتة ومع الشرح كمان والفيديو دة كتيير اوى عليا ربنا يكرمك ويزيدك من علمه يا رب ويجعله فى ميزان حساناتك متشكر جدا لحضرتك دة لوحده موضوع كامل ومجهود جبار ولو الادارة شايفة ان يستحق التثبيت تكون مشكورة حتى تعم الفائدة على الجميع
تقبل تحياتى