انا عندى البطاريه باظت فى شهر واحد مش تلاته بس كان عندى الشحن زايد بس بدلتها ومدفعتش ولا مليم والجديدة ليها سنه اهيه معايا زى الفل
عرض للطباعة
انا عندى البطاريه باظت فى شهر واحد مش تلاته بس كان عندى الشحن زايد بس بدلتها ومدفعتش ولا مليم والجديدة ليها سنه اهيه معايا زى الفل
أنا مهتم لأن دى عربية المدام وخايف تعملها معاها فى موقف مش ولابد.
طب أنا أعمل ايه دلوقتى
العربية ماشية كويس من ساعة شحن البطارية من 3 أيام.
أنا رحت للى مشترى منه البطارية وحكيت له على القصة ، فكشف على العربية مالقاش مشاكل ، قال لى جايز حاجة كانت شغالة فضت البطارية ، بس فهمته ان لما باقفل العربية بالريموت كل حاجة فى العربية بتفصل اوتوماتيك حتى لو كنت ناسيها شغالة. ادانى الكارت بتاعه وقال لى نتابع مع بعض ، ولو حصل حاجة تانى، ابقى اتصل بيا.
تابع زى ماقال لحضرتك وكلنا متابعين معاك .
برضه حضرتك خليك متابع مع بتاع البطاريات
بس حضرتك ماقولتلناش ماركة البطارية إيه برضه علشان نبقى ملمين بالموضوع .
بس أنا كان من رأيى إن حضرتك كنت تحاول استبدالها أو تغييرها حتى لما اشتغلت لأن أعتقد ده من حقك وحتى لو خرجت من الضمان برضه كنت حاولت تتفاداها وتركب غيرها حتى لو دفعت فرق بسيط مثلا .
بالتوفيق
وقول لنا متابعتك مع البطارية
نوع البطارية : روكيت كورى :::Global Power Source - Rocket Batteries:::
أنا ماتكلمتش مع البائع مباشرة فى الاستبدال ، لأنى حطيت نفسى مكانه ، لما البطارية تفضى ، وترجع تقبل شحن وتمشى كويس ، يبقى وارد يبقى فيه سبب تانى غير تلف البطارية هو اللى فضاها .. على أى حال هنتابع الموضوع وربنا يسهل.
أنا بافكر أنقل البطارية دى فى عربيتى ، واحط بطارية عربيتى هناك ، علشان أعرف المشكلة من البطارية واللا من العربية. بس هاخلى الخطوة دى لو الموضوع اتكرر.
لازم الاول تتاكد من شحن الدينامو
لو شحنه سليم يبقي بطاريه
علشان تخرجه من الاحتمالات ويفضل البطاريه
وساعتها تقدر تتصرف
لاني غرمت حق بطاريه قبل كده
وطلع العيب من الدينامو
وطبعا ما كانش ينفع ترجع
الكهربائى وتاجر البطاريات ، الاتنين كشفوا وأكدوا ان الدينامو شغال كويس
طيب فرضاً لو فيه مشكلة فى الدينامو ، المفروض البطارية تنام بعد أد ايه من شحنها؟