الموضوع: العربية بتاعتى .. ماااااااتت

المشاركة الأصلية كتبت بواسطة max_ziro

مفيش حاجة اسمها هنجت
يابايظة يا سليمة مفيش وسط

أنا مهتم لأن دى عربية المدام وخايف تعملها معاها فى موقف مش ولابد.

طب أنا أعمل ايه دلوقتى

العربية ماشية كويس من ساعة شحن البطارية من 3 أيام.

أنا رحت للى مشترى منه البطارية وحكيت له على القصة ، فكشف على العربية مالقاش مشاكل ، قال لى جايز حاجة كانت شغالة فضت البطارية ، بس فهمته ان لما باقفل العربية بالريموت كل حاجة فى العربية بتفصل اوتوماتيك حتى لو كنت ناسيها شغالة. ادانى الكارت بتاعه وقال لى نتابع مع بعض ، ولو حصل حاجة تانى، ابقى اتصل بيا.

تابع زى ماقال لحضرتك وكلنا متابعين معاك .

المشاركة الأصلية كتبت بواسطة mesaharaty

برضه حضرتك خليك متابع مع بتاع البطاريات
بس حضرتك ماقولتلناش ماركة البطارية إيه برضه علشان نبقى ملمين بالموضوع .
بس أنا كان من رأيى إن حضرتك كنت تحاول استبدالها أو تغييرها حتى لما اشتغلت لأن أعتقد ده من حقك وحتى لو خرجت من الضمان برضه كنت حاولت تتفاداها وتركب غيرها حتى لو دفعت فرق بسيط مثلا .

بالتوفيق
وقول لنا متابعتك مع البطارية

نوع البطارية : روكيت كورى :::Global Power Source - Rocket Batteries:::

أنا ماتكلمتش مع البائع مباشرة فى الاستبدال ، لأنى حطيت نفسى مكانه ، لما البطارية تفضى ، وترجع تقبل شحن وتمشى كويس ، يبقى وارد يبقى فيه سبب تانى غير تلف البطارية هو اللى فضاها .. على أى حال هنتابع الموضوع وربنا يسهل.

أنا بافكر أنقل البطارية دى فى عربيتى ، واحط بطارية عربيتى هناك ، علشان أعرف المشكلة من البطارية واللا من العربية. بس هاخلى الخطوة دى لو الموضوع اتكرر.