عرض للطباعة
السلام عليكم..
انا اول مره اسمع عن الزيت ده...
Shield - زيوت محركات شيلد صناعه كويتيه..
الميكانيكي قالي انه كويس جدا..وبيمشي لغايه 5000 كم ..
وغيرهولي ب 125 جنيه..
مع العلم ان العربيه اوبل كورسا 2005 ماشيه 158 الف..
ياريت النصحيه من الي جربه او الخبراء
وشكرا مقدما..
احكم بنفسك من 3 عوامل :
1- اهمهم اللزوجه والعربيه فى مكان مستوى و بارده تماما بعد قفلتها بليل مثلا الصبح شغل العربيه 5 دقايق على السلانسيه و اقفل و استنى 5 دقايق طلع المقاس امسحه بحاجه متعملش وبر و قيس الزيت المفروض يكون بين ال maxو ال min و اقرب الى ال max و شوف لزوجه الزيت كويسه ولا تعبانه ؟؟؟ بعد 2-3 الاف كيلو شوف اللزوجه تانى بقى زى المياه او لزوجته تعبانه ولا لا ؟؟
2- صوت الموتور و السحب و طرد الحراره تمام ولا صوت الموتور على السلانسيه او وانت بتعمل acceleration صوته العادى ولا عالى و بالنسبه للحراره لو دوره المياه عندك تمام و انت مظبتها هل فيه سخونه زياده او الموتور درجه حرارته بتزيد بشكل غير طبيعى ؟
3- لو موتورك مش بياكل زيت و تمام كل 500 كيلو قيس الزيت و شوف فيه معدل بخر ولا لا ولو فيه يبقى قليل جدا يكاد يكون غير ملحوظ يعنى ممكن 5 الاف و متزودش او تزود ربع لتر مثلا
تسلم على المعلومات القيمه دي..
هي العربيه عامة سخونتها طبيعيه...هتابع موضوع اللزوجه ده..زي ماحظرتك شرحت...
شكرا جزيلا وجزاك الله خيرا..
انا سمعت عنه
و هو عشان زى ما بيقول المنشور بتاعه زيت بكر
لو الموتور فيه مشكله او بيسرب زيت او بياكل زيت يبقى مش حلو
غير انى شفت محمد و احمد عبد الراضى بيستخدموه فى العربيات اللى عندهم
فاعتقد انه ممكن يبقى كويس
شكرا جزيلا ياباشا على الرد..اقتباس:
المشاركة الأصلية كتبت بواسطة tananybasha
وهو فعلا ..محمد عبد الراضي الي غيرهولي..
..يعني استمر عليه...ولا في حاجه افضل؟؟؟
تقريبا عندي الموتور مش بياكل زيت...