عاوز اخد راى الاعضاء فى موضوع شخصى بخصوص الشغل

السلام عليكم
اخوكم محمد مهندس مدنى دفعة 2011
بدون الخوض فى تفاصيل الوقت من ساعه التخرج الى الان
المهم انا دلوقتى شغال فى شركة مقاولات غير معروفة بنتعامل مع الجيش
حجم الماريع مش صغير و مش كبير يعنى فى حدود ال 30 مليون
لكن اسما هى غير معروفة
من كام يوم عملت انتر فيو فى شركة يابانية فاتحة فرع جديد فى مصر و الحمد لله نجحت
لحد دلوقتى مفيش اى مشكله
نيجى للاهم
انا حاليا فى شغلى مليش مواعيد ثابته يعنى تقريبا بروح الساعه 9 و بمشى 2 او 3 يوم ما بتاخر بمشى 4
فى الشركة الجديدة مواعيد الشغل من 8 ل 5
حاليا انا قريب من بيتى الشركة الجديدة بعيده و لو نزلت موقع هيكون فى اكتوبر يعنى بعيده جدا
الخبرة طبعا فرق كبير فى مستوى الخبرة شغلى حاليا شغل نمطى لكن الشركة اليابانية هيكون فيها شغل هندسة تقيل و فى خبرة كويسة
بعد كل ده نيجى للاهم جدا و هو المرتب هاخد فى الشركة اليابانية نفس مرتبى الحالى مفيش زيادة
انا بقى محتااااااااااااااااار اقبل العرض اليابانى و لا لا
ياريت راى الاعضاء و كل واحد يقولى اختار رايه بناء على ايه

راى انك تروح الشركة اليابانية حتى لو مفيش فرق مادى بس الميزة انك هتكون (نحلة) يعنى كل يوم فيه جديد و خبرة دة لو فعلا الشغل هيبقى تقيل و هتطور نفسك و هترفع سعرك بعد الخبرة اليابانية :d

بص انا من النوع الحريص قوى وخصوصا فى اكل العيش
انا شايف ان اللى تعرفة احسن من اللى ماتعرفوش وطالما مافيش منفعة من التعيين فى الشركة اليابانية ودرجة المخاطرة هنا عالية خصوصا فى شركات الأستثمار ممكن يمشوك فى اى وقت وباهيف سبب وحصلت مع ناس كتير ودول مافيش مشاعر بمعنى ممكن يستغنوا عنك فى اى وقت فلو مافيش امكانية الرجوع لوظيفتك الحالية لو سيبتها مانصحش تسيبها لكن لو تاخد اذن صاحب الشغل الحالى وتشرحله الموضوع وتقولة انك حتجرب الشغل ده وتاخد وعد لو ماعجبكش ممكن ترجع شغلك تانى يبقى روح بس حاسب قوى وفكر كويس وربنا يوفقك !!

صديقي المواطن
من خلال عملي مع بعض الشركات اليابانية سابقا مع شركات العطور والتجميل فأحب أقلك إذهب إليهم ولو بنصف مرتبك ﻷن هناك العمل متعب ولكن مستواك سيرتفع وإن نصحت معهم فسيوصلوك للآفاق ولما تسيبهم بخبرتك وإسم الشركة ده حيضمنلك شغل كويس جدا في الخليج أو ألمانيا وبعدين اﻹلتزام بالمواعيد حيخلي حياتك متعبة ولكن أسعد من دلوأتي

وهناك باب آخر لكي أنصحك بها وهو عندي أهم شيء
شوف يا صديقي المواطن لو لم تكن مقداما زي 90% من المصريين ومحبتش تطور نفسك وتطمح نحو اﻷفضل ودايما حاطط في بالك عصفور فب اليد خير من عشرة عالشجرة وشوية اﻷمثلة المسيئة للشخصية المصرية من قبيل من خاف سلم وإن مرحتش فإنت كده حتقتل روح الطموح والحلم واﻹرتقاء بنفسك نحو اﻷفضل وحتفضل طول عمرك هو ده تمامك والشاعر بيقول
ومن يتهيب صعود الجبال يعش أبد الدهر بين الحفر

وأنا شايف إن مرتب الشركة الجديدة أحسن إزاي بقه وإنت بتقول هو هو نفس المرتب حنجاوبك ونقول إنت بقالك 200 سنة شغال في شركتك ولسه حالا وصلت لمرتبك الحالي أما شركتك الجديدة فأول طريق النضال حيبتدي بنفس مرتبك فمش معقول بعد سنتين من الشغل معاهم مثلا حتفضل نفس المرتب
هذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة aw2100

بص انا من النوع الحريص قوى وخصوصا فى اكل العيش
انا شايف ان اللى تعرفة احسن من اللى ماتعرفوش وطالما مافيش منفعة من التعيين فى الشركة اليابانية ودرجة المخاطرة هنا عالية خصوصا فى شركات الأستثمار ممكن يمشوك فى اى وقت وباهيف سبب وحصلت مع ناس كتير ودول مافيش مشاعر بمعنى ممكن يستغنوا عنك فى اى وقت فلو مافيش امكانية الرجوع لوظيفتك الحالية لو سيبتها مانصحش تسيبها لكن لو تاخد اذن صاحب الشغل الحالى وتشرحله الموضوع وتقولة انك حتجرب الشغل ده وتاخد وعد لو ماعجبكش ممكن ترجع شغلك تانى يبقى روح بس حاسب قوى وفكر كويس وربنا يوفقك !!

---

صديقي المواطن
أنت في جمهورية مصر العربية ولست في المدينة الفاضلة أي صاحب عمل لو علم أن موظفه يريد العمل في مكان آخر حيمشيه قبل أن يروح للشركة التانية فعلا وكمان لو لا قدر الله ورجعله فحيدوس في بطنه جامد بحجة جرب غيري تعرف خيري
هذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

اقتباس:

---

المشاركة الأصلية كتبت بواسطة saddam

صديقي المواطن
من خلال عملي مع بعض الشركات اليابانية سابقا مع شركات العطور والتجميل فأحب أقلك إذهب إليهم ولو بنصف مرتبك ﻷن هناك العمل متعب ولكن مستواك سيرتفع وإن نصحت معهم فسيوصلوك للآفاق ولما تسيبهم بخبرتك وإسم الشركة ده حيضمنلك شغل كويس جدا في الخليج أو ألمانيا وبعدين اﻹلتزام بالمواعيد حيخلي حياتك متعبة ولكن أسعد من دلوأتي

وهناك باب آخر لكي أنصحك بها وهو عندي أهم شيء
شوف يا صديقي المواطن لو لم تكن مقداما زي 90% من المصريين ومحبتش تطور نفسك وتطمح نحو اﻷفضل ودايما حاطط في بالك عصفور فب اليد خير من عشرة عالشجرة وشوية اﻷمثلة المسيئة للشخصية المصرية من قبيل من خاف سلم وإن مرحتش فإنت كده حتقتل روح الطموح والحلم واﻹرتقاء بنفسك نحو اﻷفضل وحتفضل طول عمرك هو ده تمامك والشاعر بيقول
ومن يتهيب صعود الجبال يعش أبد الدهر بين الحفر

وأنا شايف إن مرتب الشركة الجديدة أحسن إزاي بقه وإنت بتقول هو هو نفس المرتب حنجاوبك ونقول إنت بقالك 200 سنة شغال في شركتك ولسه حالا وصلت لمرتبك الحالي أما شركتك الجديدة فأول طريق النضال حيبتدي بنفس مرتبك فمش معقول بعد سنتين من الشغل معاهم مثلا حتفضل نفس المرتب
هذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

---

بيت الشعر دة مشجع جداااا بشكر حضرتك استاذ صدام

و الله انا فى حيرة كبيييييييرة

" صلاه استخارة "

صلاة استخارة اولاً

بعدين انا عن نفسي كنت بروح شغل في اماكن بعيدة واوقات بدون مرتب عشان اخد بس خبرة

وانت بتتكلم عن شركة يابانية يعني خبرة بجد وشغل بجد

اعتقد ان الفرق الوحيد هوا ان الشغل يبقي بعيد شوية اسمحلي اقلك

لو بعيد وفلوس اقل وتعب اكتر .. مقابل بس انك تاخد خبرة على حسب كلامك اذهب وتوكل على الله

المسلم كَيسُ فطن
أعقلها وتوكل

انت لسه شاب وفي بدايه حياتك وان مكنتش تتعب وتاخد المخاطرات دلوقتي هتتعب وتخاطر امتى؟ لما يبقى عندك بيت وأولاد والتزامات؟

انقل للشركه والجديده وربنا يكرمك ومفيش مانع تحاول تساوهم على زياده عن الراتب القديم ولو حتى بسيطه بس عشان العامل المعنوي عندك يتحسن انما مفيش شك الشغل في شركه كبيره هيفيدك فنيا وبعد كده لما تطلع من عندهم لو حبيت هتطلع على حاجه محترمه بالاسم اللي انت هتسيبه والخبره اللي معاك.

بس هما ازاي نشنو بالمللي على نفس الراتب القديم؟ ولا انت كنت كاتبه لما قدمت عندهم؟

يص يا باشا من وجهة نظرى طبعا اول حاجة صلاة استخارة.
تانى حاجة حضرتك فى حاجات كتير مهمة لازم تكون حضرتك حاططها فى الحسبان.هل حضرتك متزوج ولا لأ.هل لديك اطفال ولا لأ.هل لديك مديونيات ولا لأ هل فى حد بيعتمد عليك فى المعيشة زى الوالد او الوالدة او اخ او ايأ كان ولا لأ.
كل ده يكون فى الحسبان.مبدائيا العمل فى الشركات الأجنبية جميل قوى بس فيه روتينيات شوية وده بقلهولك لأنى مهندس و شغال فى شركة اجنبية.يعنى موضوع الأبداع فى الهندسة مش قوى يمكن عشان انا مهندس ميكانيكا وفى التصنيع و كده.الأجانب فى العموم مبيحبوش يغامروا اى قطعة غيار او اصلاح يقولك هات الخبير او الشركة الوكيلة,وده لو بصيط له من وجهة حيبقى غلط و من وجهة اخرى صح يعنى بنظرية (save my back) هى مش كده بالضبط بس عشان الأداب العامة.هاهاهاها.لاكن فى الحقوق و الواجبات و القواعد و الأسس بتبقى مطبقة ال حد كبيييييير قوى و ده برضوا بيقبقى حسب مديرك المباشر مصرى ولا خواجة وبقالوا كتير فى مصر ولا لسه بالسلوفانة هاهاهاهاها.

كل ديه بتبقى عوامل فى الحساب و تقدير الموقف.يعنى حضرتك لو ملكش الألتزامات العائلية السابقة بتبقى فى وضع فيه المرونة و المناورة احسن بكتير.لاكن يا باشا لو لابس "الطوق" فى رقبتك بتبقى مقيد و بتحتاج حسابات كتير لو مش مادية بتبقى معنوية.

واليابنيين معروفيين عنهم انهم بالنسبة للوقت مقدسييييييييييييين جدا للوقت و الألتزام بالمواعيد.يعنى مش بالساهل يكون عندك مشوار مهم و تستأذن ديه بتبقى "نقطة"فى ملفك معاهم فى التقييم السنوى ال بيتعمل وللعلم معظم الشركات الأجنبية لازم تقييم سنوى للموظف بالنقاط وكله بالنقط "ادب , مواعيد, اداء,التزام .........الخ".

كل ده فى الحسبان. و زى ما الأخوة قالوا ان عملك فى الشركة الأجنبية بيعلى سعرك. لأ خبرتك العملية هى ال بتوصلك للشركة الأجنبية وهى ال بتبقى نقطة ايجابية فى عملك معاهم.


وفى الأخر وفى الأول لازم تستخير ربنا .....وبالتوفيق ان شاء الله

الموضوع ببساطة ان حياتك عبارة عن مراحل لازم تعدي فيها كلها و تكون كل مرحلة اعلى من اللي تسبقها .. اعلى فنيا و ليس ماديا .. انا زيك مهندس معماري بدأت في شركة مقاولات و بعدها شركة اكبر بعدها مكتب استشاري كبير الحمد لله .. فرق المرتب مش اوي بس ساعتها هتجيلك شركة كبيرة عشان انت اصلا شغال في شركة كبيرة .. متبصش للمواعيد و الكلام ده انت لسه صغير و بتبني مستقبلك .. من الاخر ابني مستقبلك بنضافة :d

لو عايز تبنى مستقبل كويس تروح الشركة الجديدة
لو عايز تريح خليك فى شركتك الحالية

بص انا بعمل ايه في كل مره اتعرض لنفس الموقف ..
اولاً : بتصلي صلاة إستخارة
ثانياً : بتدي وزن نسبي لكل عامل من العوامل ...إزاي ؟ يعني مثلاً (طبعاً فيه ناس ممكن تديها اكتر او اقل حسب اهميتها بالنسبه ليهم)
طبعاً النسب دي كمثال و مش شرط تشتغل بيها
-البعد عن البيت 5%
-المرتب 50 %
-الخبرة --%
-التأمين الطبي
- الخ
وهكذا تضع كل المعايير الي تخطر ببالك بحيث ان مجموعهم =100 % وتجيب اكسل شيت (او ورقة حتي) و تقيم كل شركة و تديها سكور في كل معيار و بعدين تجمع و تشوف

اول حاجه تصلى صلاة إستخاره
وبالنسبه لموضوع الشركه اليابانيه بصراحه المفروض لو هتنقل من شركه لاخرى يبقى فيه مقابل مادى

لو مفيش مقابل مادى تفكر فيها فى كذا نقطه
1- لو انت شغال فى شركه المقاولات مهندس تنفيذ فقط وهتشتغل فى الشركه اليابانيه مثلا بالإضافه الى التنفيذ انك تراجع رسومات شوب دروينج (shop drawings) او تراجع ماتريال سابميتال (material submittal)
فساعتها يبقى انت كده هتاخد خبره زياده

2- لو انت مثلا شغال فى الشركه الحاليه كل مشاريعها تنفيذ مبانى سكنيه والشركه اليابانيه مثلا تنفيذ خزانات يبقى ده حاجه انت هتستفيدها

3- انما بقى لو هتروح الشركه اليابانيه وهتشتغل فى نفس شغلانتك اللى انت فيها يبقى انت كده اللى هتفيدهم اكتر مما هما هيفيدوك لانك علشان تشوف حاجه جديده هيبقى فين وفين وعلى فكره معنى شركه يابانيه هتلاقى اتنين مديرين بس من اليابان وغالبا مش بيبقوا مهندسين والباقى مصريين فمش هتلاقى اى استفاده لو نفس الشغلانه

بناءا على الكلام اللى فوق لو انت هتشتغل نفس الشغلانه يبقى متروحش الا لو انت متضايق من شغلانتك الحاليه

وفيه حاجه كمان هل الشركه اليابانيه ماسكه مشروع معين تنفيذه هياخد سنتين وترجع بلدها ولا هى ناويه على استثمار طويل الاجل

[QUOTE=amr011111;3875283856]اول حاجه تصلى صلاة إستخاره
وبالنسبه لموضوع الشركه اليابانيه بصراحه المفروض لو هتنقل من شركه لاخرى يبقى فيه مقابل مادى

لو مفيش مقابل مادى تفكر فيها فى كذا نقطه
1- لو انت شغال فى شركه المقاولات مهندس تنفيذ فقط وهتشتغل فى الشركه اليابانيه مثلا بالإضافه الى التنفيذ انك تراجع رسومات شوب دروينج (shop drawings) او تراجع ماتريال سابميتال (material submittal)
فساعتها يبقى انت كده هتاخد خبره زياده

2- لو انت مثلا شغال فى الشركه الحاليه كل مشاريعها تنفيذ مبانى سكنيه والشركه اليابانيه مثلا تنفيذ خزانات يبقى ده حاجه انت هتستفيدها

3- انما بقى لو هتروح الشركه اليابانيه وهتشتغل فى نفس شغلانتك اللى انت فيها يبقى انت كده اللى هتفيدهم اكتر مما هما هيفيدوك لانك علشان تشوف حاجه جديده هيبقى فين وفين وعلى فكره معنى شركه يابانيه هتلاقى اتنين مديرين بس من اليابان وغالبا مش بيبقوا مهندسين والباقى مصريين فمش هتلاقى اى استفاده لو نفس الشغلانه

بناءا على الكلام اللى فوق لو انت هتشتغل نفس الشغلانه يبقى متروحش الا لو انت متضايق من شغلانتك الحاليه


الشىء الاخير ان الشركه اليابانيه لو نفس شغلانتك ونفس المرتب ومش فيها اى ميزه هيبقى اسمها فى السى فى شىء كويس طالما اسمها معروف عن الشركه اللى انت فيها
وبالتوفيق

[QUOTE=amr011111;3875283877]

اقتباس:

---

المشاركة الأصلية كتبت بواسطة amr011111

اول حاجه تصلى صلاة إستخاره
وبالنسبه لموضوع الشركه اليابانيه بصراحه المفروض لو هتنقل من شركه لاخرى يبقى فيه مقابل مادى

لو مفيش مقابل مادى تفكر فيها فى كذا نقطه
1- لو انت شغال فى شركه المقاولات مهندس تنفيذ فقط وهتشتغل فى الشركه اليابانيه مثلا بالإضافه الى التنفيذ انك تراجع رسومات شوب دروينج (shop drawings) او تراجع ماتريال سابميتال (material submittal)
فساعتها يبقى انت كده هتاخد خبره زياده

2- لو انت مثلا شغال فى الشركه الحاليه كل مشاريعها تنفيذ مبانى سكنيه والشركه اليابانيه مثلا تنفيذ خزانات يبقى ده حاجه انت هتستفيدها

3- انما بقى لو هتروح الشركه اليابانيه وهتشتغل فى نفس شغلانتك اللى انت فيها يبقى انت كده اللى هتفيدهم اكتر مما هما هيفيدوك لانك علشان تشوف حاجه جديده هيبقى فين وفين وعلى فكره معنى شركه يابانيه هتلاقى اتنين مديرين بس من اليابان وغالبا مش بيبقوا مهندسين والباقى مصريين فمش هتلاقى اى استفاده لو نفس الشغلانه

بناءا على الكلام اللى فوق لو انت هتشتغل نفس الشغلانه يبقى فكر فى الموضوع الا لو انت متضايق من شغلانتك الحاليه

---

التعديل اللى عامله بالازرق ده مختلف عن المشاركه السابقه
الشىء الاخير ان الشركه اليابانيه لو نفس شغلانتك ونفس المرتب ومش فيها اى ميزه هيبقى اسمها فى السى فى شىء كويس طالما اسمها معروف عن الشركه اللى انت فيها
وبالتوفيق

اسخير واتةوكل وخليك فى اليابانى
وان فاتك اليابانى مش هيرجع تانى

بعد الإستخارة......أنا لو فى مكانك مش هتردد أني أروح الشركة اليابانية....للأسباب الأتية

1- أنت فى مرحلة حالياً كل سنة بتعدي عليك المفروض تضيفلك بقدر تطلعاتك.....بمعنى أنت عاوز تكون فين كمان 10 سنين ؟
عاوز تشتغل فى شركة عالمية و كبيرة و لا عاوز تشتغل في شركة زي اللى انت فيها أو أكبر شوية و شكراً على كده؟
إختيارك هنا هو اللى هيحدد مسارك دلوقتي.
2- لو أنت بتبص للبهدلة و أن الشغل بعيد عن بيتك.....معلش فى الكلمة بس أنت لو متبهدلتش دلوقتي هتتبهدل أمتى ؟
3- كم الخبرة المتوقع من الشركة اليابانية المفروض أنه هيكون أكتر بمراحل من الشركة اللى أنت فيها.....و ده هيخليك تكتسب خبرة كويسة.....حتى لو مرحتش شركة بعدها عالمية هتروح شركة تانية كبيرة أو شركة زي اللى أنت فيها بس على منصب أعلى شويتين....الخ.

أنا ليا 2 أخوات مهندسين مدني...............أول ما أتخرجوا من الكلية فى 93 واحد أشتغل فى النيل العامة و التاني فى حسن علام على ما أفتكر......و كان فيه واحد منهم شغله فى قنا.

الحمد لله الأتنين دلوقتي مديرين مكاتب إستشارية كبيرة.

الخلاصة............أتعب و أجتهد علشان تلاقي.......إن الله لا يضيع أجر من احسن عملاً.

و أخر حاجة.......لو أنت خاطب أو متجوز و عندك أولاد.....القرار ده هيكون أصعب عليك 1000 مرة من دلوقتي......فتوكل على الله و صلي إستخارة و شوف أيه اللى ربنا ميسره.

شكرا لكل اللى حاول يساعدنى
لكن انا رفضت العرض اليابانى نظرا لانى خاطب و مقبل على الزواج
و لظروف مادية بحتة للاسف

أتوكل على الله مع الشركة اليابانية
وياريت موقع الشركة اليابانى لواحد قريبى مهندس كهرباء 2011 لو مطلوب