لو سمتحوا يا شباب ..
انا محتار بين لبرتي 2004 .. 3700 cc .. عليها 110 ألف كيلو .. عامله 120,000 جنيه
تريوس جلكس 2009 .. 1500 cc عليها 33 ألف فقط . فل اوبشن .. عامله 120,000 جنيه
أو كيا سبورتج 2006 .. عليها 155 ألف .. عامله 120,000 جنيه بردو ...
محتار .. إيه أفضل ..
أنا ميال لل لبرتي .. بس عرف انها هتظبتني بنزين .. :)
ياريت الناس الخبرة فال suv .. يساعدوني في الاختيار
طبعاً على إفتراض إن كل عربية من دول في أفضل حالتها
و جزاكم الله ألف خير
liberty
لو مش فارق معاك استهلاك البنزين العالى يبقى ليبرتى .
ألف شكر على الرد يا رجاله ..
بس موضوع البنزين ده عاملي كوابيس بالليل .. :)
ديماً أفكر في حاجات مرعبة
يا ترى إيه المعدل المناسب ..
طيب مثال .. لو هامشي 2000 كم فالشهر .. متوسط ..
لو إستهلاك 100 كيلو فالصفيحة ؟؟
يعني .. 400 لتر فالشهر ..
و لو البنزين وصل 5 جنيه .. لو شالو الدعم ..
يعني ميزانيه البنزين ممكن تكلفني 2000 جنيه فالشهر ؟؟
حد يقوللي اني حسبها غلط .. و ليه
صديقي المواطن
كإعادة ببع وكركوبة وعالم تاني فهي ليبرتي وهي دي العربية الوطنية المعتمدة لكل تجار المخدرات في مصر ومفيش كمين في مصر إلا ولازم يصبح أو يمسي عليك تجار قطع غيارها الجديد جيدين إلى حد ما وفيه منهم محترمين تجار اﻹستيراد بتوعها 99% شلة من الحرامية والمستغلين والفشلة لفتح الشين واللام وتشديد اللام وبالنسبة لمن يصلحونها فهم عادة أناس متعبين وأنا عشان ألاقي مصلح أمريكاني نظيف عشان أوصل له بجرب 5حرامية و2 نصابين و2 مش فاهمين قطع الغيار مش رخيصة الضريبة 2500 تقريبا إستهلاك الوقود اللتر 6 كيلو ولما تلاقي ميكانيكي نظبف ليها حتلاقي كل عطل بتقعد أسبوع شغل والسعر العادل وآخرك فيها هو 105 ألف وليها طقم نواكل وإكسسوارات كتير لبها وأسرعهم في إعادة البيع ملحوظة الجيب ضيقة من الخلف أوي
السبورتاج 2006 بره المقارنة دي ولا تصلح وغالية ومش حتتباع لو شكل 2012 حنعيد النظر
التيريوس عربية إقتصادية ومبتحبش تعطل نهائي و 7 راكب ولكن لما تزيد عن 100 ألف فكتير وبتتباع برضو وقطع غيارها إستيراد موجودة ولكن الجيب أبيع
ملحوظة الجيب عربية مطلوبة عند الشعب المصري وصعب تلاقي وحده نظيفة ولو لاقيت نظيفة في المزاد وارد بره حتلاقيها أغلى من سعر السوق
والنصيحة بعد كل الفشل المذكور أعلاه في ليبرتي ورغم كرهي الشديد لماركة جيب ولكنب أنصحك بيها وخدها وكفاية تسمع صوت بنزين المكنة اﻷمريكاني حتديك إحساس بالقوة واﻹستعداد ال لا شعوري للبلطجة ولما تركبها حتقول كوبس إني جبتها والتيريوس عربية فيها صفات أنثوية شوية أو تقدر تقول راجل صاحب بيت وعيال إنما الجيب لسه حاطه حدود بتقول عربية الست للست وعربية الراجل للراجل
إحنه فرشنالك اﻷرضية ودي فلوسك وده منظرك امام الناس وإنت أدرى فلوسك تصرفها فين وليه
ملحوظة على جنب فيه بنات كتير بتسوق جيب عادي بي دول داخلين تسلل ﻹثبات موقف تقريبا زي مبتقول مقطع من أغنية مش عارف لفنانة لا أذكرها ولكن المقطع بيقول يا صغير أنا أكبر منك ومعظم البنات اللي راكبينها شرسات وشخصيتهم قوية ومبيبصوش في وش حد ودايما لابسين نظارات قطرها 2 متر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
في رايي التيريوس افضل اختيار
ألف شكر يا رجال
بلاش ليبيرتي حتعزبك فلوس ما بين صيانة و ضرايب و بنزين زائد ان ناس كانو قالو لو هتمشي بس بيها علي الاسفلت هتكره عشتك ، حاول تشوف حاجة تانية غير اللي انت قلتو و هل انت محدد سعر معين ولا هما بلصدفة 120000 كلهم :d