الموضوع: سؤال سريع

المشاركة الأصلية كتبت بواسطة ahmedsiyam

استاذ مؤمن

انا من وجهة نظرى ان لو شوفنا الفئة السعرية اللى موجودة فيها الجين 2 سواء المانيوال او الاوتو يعنى من 84000 وحتى 90000 هنلاقى عربيات كتير جدا
ومعلش احقر و اسؤ تقفيل فيهم هو الجين
مقارنة بالاتى
هيونداى - نيو اكسنت - كورى
نيسان - صنى - مصرى
شيفروليه - اوبترا - كورى
تويوتا - يارس - يابانى
هوندا - سيتى - تايلاندى

وكل العربيات دى انا ركبتها ماعدا الهوندا السيتى شوفتها فى معرض فقط و ماجربتهاش دول فى نفس السعر و تقفيلهم افضل بمراحل من الجين 2 على الرغم من تعدد بلد المنشأ

ومعلش التوكيل النهاردة بيظبط وراء المصنع على مايقدروا بس فى حاجات التوكيل مايقدرش يعمل فيها علشان محتاجة العربية ترجع على خط الانتاج تانى و تتظبط من اول و جديد

موضوع الموافقة على العيوب ده موضوع نسبى و ممكن يختلف من شخص للاخر يعنى انت متقبل العيوب الخفيفة بتاعة التقفيل انما فى غيرك لازم يتفرج على العربية و يشوف مستوى الصالون عامل من جوه ازاى و بيحكم على مستوى الصناعة من خلال التقفيل

اجمالا العربية الجين 2 جميلة كامكانيات و عوامل امان افضل من غيرها بكتير و انا اللى مضايقنى فيها بصراحة الصالون وان كنت خلاص اخدت عليه بس لما باركب عربية غيرها باحس بالفرق
وضعف العزم بتاع الموتور القديم و بالذات ان عربيتى اوتو

و الله يا استاذ احمد زي ما حضرتك قولت دي اراء .........لكن انا اعارض حضرتك في كلمة احقر دي ( طبعاً دا رأيك ) و لكن اعارض فيها بشده و دا طبعاً لاسباب يعني انا مش شايف ان التابلوه سئ اووووي كدا و الله بالعكس دا التصميم بتاعه عصري جداً و بعدين هي في عربية بالسعر دا و فيها الامكانيات دي بالمقارنة بنفس الفئه ........ يعني انا حاسس من جوايا انك مش مقتنع بالعربية ( او في عيوب عند حضرتك كتير شوية ) و دي اكتر حاجة ممكن تخليك يعني ممكن تيجي شوية علي حساب العربية ........ و ربنا يوفقك و يكرمك بالي افضل منها ان شاء الله