السلام عليكم ورحمه الله و بركاته
هل حد بيستعمل بنزين 80 فى الفليشيا عندة و كان مظبت توقيت شرارة الاشتعال ؟
و اداء العربيه كان اخبارة اى ؟
و تفويله العربيه 80 بتكلف كام و لو 90 كام و لو 92 كام
و عموما اى افضل بنزين مع الفليشيا
.
عرض للطباعة
السلام عليكم ورحمه الله و بركاته
هل حد بيستعمل بنزين 80 فى الفليشيا عندة و كان مظبت توقيت شرارة الاشتعال ؟
و اداء العربيه كان اخبارة اى ؟
و تفويله العربيه 80 بتكلف كام و لو 90 كام و لو 92 كام
و عموما اى افضل بنزين مع الفليشيا
.
بالنسبة للفليشيا كاربراتير ال 80 مافيش فى استعماله مشكلة غير تغير فلتر بنزين كل شهرين او مع غيار الزيت علشان بيبقى اسود طين وطبعا ال 92 ده بيفوق العربية وبيخليها طيارة ولازم تفول تفويلة 92 كل فترة علشان الموتور ينضف
بالنسبة للانجكشن بلاش ال 80 خالص حيتعبك وده بالنسبة لكل العربيات مش بس الفليشيا
وعموما بالنسبة للفليشيا الموصى بيه من المصنع بنزين لايقل الأوكتين عن 91
وسعة التانك للفليشيا 47 لتر للكاربراتير و 42 لتر للانجكشن تحياتى !!
على فكره لو فكرت كويس هاتلاقى ان بنزين 92 اوفر بكتير من 80 ؟؟؟؟؟ ازاى ؟؟؟ هاقولك .. انت لو هاتحط بنزين 80 يعنى تقريبا هاتفول ب40جنيه وكل فتره تغير فلتر بنزين والبوجيهات تهبب والكربراتير يتنيل ..وصلح ياعم الحاج ..طبعا اهم حاجه البنزينه اللى انت بتمون منها تبقى مضمونه لانه حتى 92 بيتغش .. حط 92 وبعد شويه لما تكون خدت على العربيه وعرفت اللى فيها ابقى حط 80 على الاقل تعرف تحل مشاكلها البسيطه دون الرجوع للدكتور (الميكانيكى) والاختيار ليك طبعا
يعنى لو حنتكلم كلام الخواجة اللى فى الكتالوج لابد من بنزين خالى من الرصاص 90 او 92 انما بالمصرى ال80 ماشية زى الفل وعلى حسب متعودها زى بالظبط لما نشترى قطه من فرنسا كانت بتاكل وتاكل وتيجى عندنا تاكل فول وجبنة قديمةههههههههههههه....
فال80 ماشى مع الفليشيا الكاربرتير اما الانجكشن بيعمل مشاكل ممكن التغلب عليها برضوا....
انا بافول اسبوعيا ومعودها على كدا يعنى تقريبا 300 كيلو بياخد 29 لتر....*
اسال مجرب
اشتريت العربية فضلت 6 شهور افول 92
وبعد كدة غيرت لــ 80
الـــ 80 اوفر
من حيث الفرق فهو فى السحب تلاقي العربية مع 92 فايقة
وبردو مع الـ 80 لو العربية مظبوطة مش هتحس بفرق كبير
وكلامي عن تجربة
وعلى فكرة نضافة البنزين ملهاش علاقة بـ 80 او 92 ممكن الاتنين فيهم رواسب الفرق بس الــ 80 ثقيل شوية
انا كنت ماشى على 92 واخر مره كان 80 ومفيش فرق فى السحب
انا من يوم مجبتها بحط بنزين80 بس بغير فلتر البنزين كل شهرين (روسي بتاع الادا ب5جنية) ونصيحة متسبش التنك يشحط فول علي نص اوربع التنك بالكتير اوي علشان الكربرتير ميتوسخش ويقرفك انا علي النظام دة بنضف الربيرتير كل سنة مرة والحمد للة العربية تمام
مفيش فرق فى السحب علشان حضرتك ظابط العربية على ال80 ومأخر كهربة الأسبراتير لكن لو العربية مظبوطة على ال 92 وحطيت 80 بتلاقى السحب اتغير والعربية تكركر وفعلا لو فولت 92 والموتور فابريكة متركب له جوان وش سلندر واحد مش 2 والعربية متظبط كهرباء وكاربراتير على ال92 بتبقى صاروخ وبتفرك الأرض فى التسارع اكيد فية فرق وده فى كل العربيات الكاربراتير حتى اللادا !!!