خيانة الآزواج عبر الانترنت.

**saddam** · 01-11-2013 04:44 AM

صديقي المواطن
صديقك يتعب نفسه على الفاضي ويستهلك نفسه بسفاسف اﻷمور يعني هو سايبها تروح الشغل وبعيد عن عينه 10 ساعات كل يوم ومش زعلان وزعلان عشان هي قالتلت لزميلها فاضل تكه وبعدين هو ليه يسيء الظن بالناس لازم تحسن الظن بيها وأنا مش عارف يا مواطن هو بيكبر الموضوع كده ليه على فكرة دي أول طريق الخراب الشك في شريك الحياة يجب أن يظل مكتوما عن الطرف اﻵخر فمجرد متعرف خلاص الشرخ حصل ومهما وثق فيها بعديها سنين وسنين فلو حصل موقف مشابه بسيط حينسى كل الكويس ويمسك في الحاجات الصغيرة دي
صديقي المواطن أنثى هذا الزمن غير أنثى زمان أيام أبي وأبيك وجدي وجدك فدلوأتي لو منعتها من حاجة حتعند فيها وتعملها من وراك فكل ممنوع مرغوب فأنت ثق بيها وخليك دايما أكبر منها في الخلق والبرستيج ويوم متغلط في حقك إوعه تغلط في حقها وتنزل لمستواها خليك إنت دايما فوق ومتخليش حد يمسك عليك غلطة بحيث لو جم ناس يحكموا بينكم حيلاقوها هي دايما غلطانة وإنت دايما جنتل وعداك العيب وخدها مني نصيحة لازم تعرف إن اللي يبيعك مرة تبيعه إنت 10 مرات حتى لو كان بيحبها أكتر من نفسه وهي لما حتشوفه كده حتعرف هي خسرت إيه وكمان بلاش يخنقها ويسيبلها مساحة من الحرية الشخصية وفي الحاجات الهايفة سيبها تكدب وتكون إنت عارف وعديها بمزاجك وإوعه تعمل نفسك المفتش كرومبو وتعمل نفسك ناصح وبرم وذكي وتوريها إنك فاقس كذبها وتحرجها وتصغرها قدام نفسها فده نتيجته مع البنات مش حتبطل كذب وتحويرات وأفلامانات بريئة ولكن حيخليها المرة القادمة تفكر إزاي تسبكها أكتر وتصعب عليك المسائل فخليك فاهم ومدكن
واﻷفضل صاحبك ينسى الموضوع جملة وتفصيلا لو لسه نعكش الموضوع وكبره معاها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**mr_vampire** · 01-11-2013 11:49 AM

المشاركة الأصلية كتبت بواسطة reda elgohary

يعنى واحد تاب لربنا عن السرقة يبق لازم يتسرق !!!!!؟.

التوبة ده محدش يقدر يفصل فيها غير رب العالمين لانها من البواطن. محدش يعرف هل هي توبة نصوحة ام لا .

وبعدين انا مقولتش لازم. بس قولت مقولة مشهورة فيها عبر ولو كل واحد حطها في دماغه هيتوقف فورا عن فعل كل الاشياء المحرمة.

فصديقك ممكن كانو يفعلو هذه الاشياء علي النت واكيد هو اللي كان بيحاول الايقاع بضحاياه وهو من كان يبدء بجرهم لهذا الكلام . فحتي لو كانت زوجته ملاك وحسنة الخلق فتوقع ان تقع في شبيه لزوجها فالاخلاق ويحاول هو كمان الايقاع بها كما يفعل زوجها ببنات الناس.

اللهم اغفر لنا وارحمنا. اللهم امين.

**walidzakzok** · 01-11-2013 12:18 PM

اللي يشوف المهازل اللي بتحصل فى الشغل مايفكرشي يشغل مراته حتى لو هيموت من الجوع

**banzai** · 01-11-2013 02:36 PM

المشاركة الأصلية كتبت بواسطة reda elgohary

يعنى واحد تاب لربنا عن السرقة يبق لازم يتسرق !!!!!؟.

عندما سرق سبب البلاء لغيره , اذا تاب توبه نصوح فممكن ان يبتلى اذا صبر له النعيم و اذا ثار و كفر له الجحيم
عمر بن الخطاب و هو الخليفه الراشد مات مقتولا , كان يوئد الرضع قبل اسلامه

**samehafez** · 01-11-2013 07:39 PM

هو لو موضوع الرسائل زي ما انا فهمت ؟!؟! ... فده طبعا مش موضوع حوار مابين واحدة ست و زميلها بس للاسف الموضوع بقي بيتقال عادي من الستات كمبرر لعصبيتهم و تحس ان في بعض الشركات انهم ممكن يعلقوا ليسته علي البورد باسماء الزميلات ...

بس طبعا انتشار الخطأ مش مبرر ليه ... انا شايف ان الموضوع مفيهوش حاجة من اللي صاحبك خايف منها بس هو ممكن يكلمها عن الموضوع ده من ناحية انه عيب او غلط راجل غريب يعرفه

**reda elgohary** · 03-11-2013 10:16 PM

أولا متشكر جدا للجميع
ثانيا الموضوع أنا نصحته بالتغاضى وأن الآمر بسيط فى مضمونه ، ولكن ما حدث أنها كانت تبحث فى هاتفه فوجدت فى مذكرة الهاتف هذا الحوار وقامت بالتحدث معه وهو لم يرد ولم يتحدث لآنها قالت (أن من الاهانة أن أبرر موقفى).
وهذا ما أثار حفيظته ، كيف تسأل زميلها إن كان نزل مظاهرات أم لا ولماذا يسألها زميلها عن صحتها؟!!.
ثالثا أن الرسائل السابقة تم حذفها بمعنى أن الرسائل بدأت بهذا الحوار فقط ، بما يؤكد تعمد الحذف.
صدقونى المشكلة ليست فى الحوار المشكلة بالنسبة له أنها تمنع عليه أي شئ وتستجوبه فى كل شئ وكان يفهم من كلامها أنها لا تتحدث مع أي رجل إلا فى نطاق العمل وفقط ،،

#ff0000

**reda elgohary** · 03-11-2013 10:18 PM

المشاركة الأصلية كتبت بواسطة samehafez

هو لو موضوع الرسائل زي ما انا فهمت ؟!؟! ... فده طبعا مش موضوع حوار مابين واحدة ست و زميلها بس للاسف الموضوع بقي بيتقال عادي من الستات كمبرر لعصبيتهم و تحس ان في بعض الشركات انهم ممكن يعلقوا ليسته علي البورد باسماء الزميلات ...

بس طبعا انتشار الخطأ مش مبرر ليه ... انا شايف ان الموضوع مفيهوش حاجة من اللي صاحبك خايف منها بس هو ممكن يكلمها عن الموضوع ده من ناحية انه عيب او غلط راجل غريب يعرفه

الله عليك ، بص يا باشا سؤال ؟
[gdwl]هل يجوز أن تسأل زوجة زميلها عن حاله ويسألها عن صحتها ؟؟[/gdwl]

**reda elgohary** · 05-11-2013 11:38 AM

الموضوع شائك ولكنه واضح .

**Ahmed_selmy** · 05-11-2013 04:55 PM

راى الشخصى ان كل واحد بيعمل حاجه بيتوهمها على الطرف الاخر....يعنى لما الزوج يخون زوجته يبقى شايف انها لو خرجت او كلمت حد يبقى اكيد بتخونه وبيبدا بيحول كل تصرفتها وافعالها على هذا المنطلق
فبردوا اللى له علاقه ببنات كتير حتى لو معملش معاهم حاجه غلط بردوا بيبقى متهيالوا ان مراتوا لو كلمت حد يبقى ليها علاقات
المشكله عند صحبك , قولوا يترك ما هو فيه من علاقات ويخلص لبيته ولزوجته وان شاء الله ربنا حيبعد الوساوس دى من دماغه

**r0xer** · 05-11-2013 06:22 PM

المشاركة الأصلية كتبت بواسطة saddam

صديقي المواطن
صديقك يتعب نفسه على الفاضي ويستهلك نفسه بسفاسف اﻷمور يعني هو سايبها تروح الشغل وبعيد عن عينه 10 ساعات كل يوم ومش زعلان وزعلان عشان هي قالتلت لزميلها فاضل تكه وبعدين هو ليه يسيء الظن بالناس لازم تحسن الظن بيها وأنا مش عارف يا مواطن هو بيكبر الموضوع كده ليه على فكرة دي أول طريق الخراب الشك في شريك الحياة يجب أن يظل مكتوما عن الطرف اﻵخر فمجرد متعرف خلاص الشرخ حصل ومهما وثق فيها بعديها سنين وسنين فلو حصل موقف مشابه بسيط حينسى كل الكويس ويمسك في الحاجات الصغيرة دي
صديقي المواطن أنثى هذا الزمن غير أنثى زمان أيام أبي وأبيك وجدي وجدك فدلوأتي لو منعتها من حاجة حتعند فيها وتعملها من وراك فكل ممنوع مرغوب فأنت ثق بيها وخليك دايما أكبر منها في الخلق والبرستيج ويوم متغلط في حقك إوعه تغلط في حقها وتنزل لمستواها خليك إنت دايما فوق ومتخليش حد يمسك عليك غلطة بحيث لو جم ناس يحكموا بينكم حيلاقوها هي دايما غلطانة وإنت دايما جنتل وعداك العيب وخدها مني نصيحة لازم تعرف إن اللي يبيعك مرة تبيعه إنت 10 مرات حتى لو كان بيحبها أكتر من نفسه وهي لما حتشوفه كده حتعرف هي خسرت إيه وكمان بلاش يخنقها ويسيبلها مساحة من الحرية الشخصية وفي الحاجات الهايفة سيبها تكدب وتكون إنت عارف وعديها بمزاجك وإوعه تعمل نفسك المفتش كرومبو وتعمل نفسك ناصح وبرم وذكي وتوريها إنك فاقس كذبها وتحرجها وتصغرها قدام نفسها فده نتيجته مع البنات مش حتبطل كذب وتحويرات وأفلامانات بريئة ولكن حيخليها المرة القادمة تفكر إزاي تسبكها أكتر وتصعب عليك المسائل فخليك فاهم ومدكن
واﻷفضل صاحبك ينسى الموضوع جملة وتفصيلا لو لسه نعكش الموضوع وكبره معاها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

تحية للرفيق صدام...كلام من ذهب.

الموضوع: خيانة الآزواج عبر الانترنت.

LinkBack

أدوات الموضوع

عرض

-

-

-

-

مش معاك -

-

المواضيع المتشابهه

خيانة _^^_

ما هو وجه استفادتك الشخصيه من الانترنت(استخدامات الانترنت بالنسبالك)

خيانة عضو

الكلمات الدلالية لهذا الموضوع

المفضلات

المفضلات

ضوابط المشاركة