سوال بقى كده عشان اعمل حسابى

**olver** · 01-11-2013 12:13 AM

انا يا رجاله عربيتى ادامها 600 كم و اعمل صيانة 30 الف و انتوا قاعدين بتتكلمو على ان خلاص مقيش توكيل فايه الحل بقى دلوقتى يعنى ابدا اشوف على حته اعمل فيه الصيانة بره ولا ايه ؟؟؟؟؟؟؟؟؟

**egytamer** · 01-11-2013 01:28 AM

ملا اي مشكلة اجل الصيانة شوية مفيش مشكلة غالبا صيانة ال30000 تغير زيت وتشك اب علي العربية مفيهاش تغير سيور او حاجة مهمة.
والله اعلم

**olver** · 02-11-2013 02:35 AM

المشاركة الأصلية كتبت بواسطة egytamer

ملا اي مشكلة اجل الصيانة شوية مفيش مشكلة غالبا صيانة ال30000 تغير زيت وتشك اب علي العربية مفيهاش تغير سيور او حاجة مهمة.
والله اعلم

يعنى انت رايك اروح اجيب فلتر و اروح اغير فلتر فى اى بنزينة وخلاص ولا استنى نشوف موقف للتوكيل ؟

**marlborooo** · 02-11-2013 05:55 AM

بلاش تغير حاجة برة التوكيل عشان العربية متخرجش من الضماااااااااااان

**olver** · 02-11-2013 10:38 AM

المشاركة الأصلية كتبت بواسطة marlborooo

بلاش تغير حاجة برة التوكيل عشان العربية متخرجش من الضماااااااااااان

يا باشا انا بالنسبة لعربيتى فهى خرجت من الضمان خلاص و ده صيانة 30,000 يعنى يا دوبك تغيير زيت

**iBiZa** · 06-11-2013 01:38 AM

لو على قد الزيت غيره بره و التوكيل المفروض يفتح الاسبوع اللى جاى.

**olver** · 07-11-2013 07:20 PM

انا احب اقولكم على تجربة بسيطة حصلت يوم تغيير الزيت اول حاجه قولت اجيبها الفلتر روحت عند يافا قلى الموجود بولندى قوات يمكن الاقى الاصلى او Motorcraft المهم ملقتش ولا عنج عبده فورد ولا عنج سامى فخرى ونسيت اسال عند عشم نوار فقولت يا واد روح هات اى بديل المهم رجعت عند عبده فورد قولتلو هاتلى البديل الى عنجك قلى عندى MAHLE ماركة درجة اولى وصناعة نمساوى قلت كويس كام يا عم 45 قولت تمام اخدت الفلتر وطلعت على شل اغير زيت شل ULTRA 10,000 فقام الراجل بتاع البنزينة حل الفلتر و مسك التانى قام قالى ايه خلاك تجيب المحلى قوتلو محلى ايه ياعم ده نمساوى قام ضحك وركب المهم دخلت جوه المحطة ادفع لاقتو بيتباع ندو تخيلو بكام ؟؟؟؟؟؟؟؟؟؟؟؟
بـ 25 جنيه نعممممممممممممممم و نفس العلبة ولما رجعت البيت بدور على النت لاقيت شركة MAHLE بتصنع فى مصر فساعتها فهمت سبب كلمة محلى انا قولت احكلكم عشان كولو ياخد بالو انه فيه حرامى اسمو عبده فورد فى دمشق

**olver** · 07-11-2013 07:25 PM

بالمناسبة الى يعرف مكان اجيب منو قطع غيار اصلى و بمعنى اصلى ياريت يقولى

**ENG\AHMED** · 07-11-2013 11:18 PM

المشاركة الأصلية كتبت بواسطة olver

بالمناسبة الى يعرف مكان اجيب منو قطع غيار اصلى و بمعنى اصلى ياريت يقولى

يافا ... موزع معتمد
وفى تكنو بوش فى الحرفيين

**egytamer** · 08-11-2013 01:25 AM

يا باشا عبدو فورد معروف انو ملك المضروب واسعارة الغريبة دليل علي كدا انا لما ببقي عايز اجيب حاجة وعارف انها مش مهمة اوي وبلاقي الاصلي سعرها استهبال بجيب منو حاجة مضروبة بسعر رخيص