متابع
متابع
متابع
متابع
مع كل احترامى وتقديرى للظرف اللى حضرتك فيه طبعا انا ليه كام سؤال لحضرتك :
اولا لما حضرتك عارف ان صفحات المنتدى مش هى المكان المناسب لنشر الكلام دة ليه حضرتك كتبت كل المانشيت ده ؟؟
ثانيا حضرتك قبل ما تنقل التجربة المفروض انك تكون خلصت التجربة لاخرها ودة اعتقد محصلش !! هل حضرتك رحت للاستاذ محمد طنانى او اتصلت به وموصلتش لنتيجة معاه وعلشان كده حضرتك كتبت الكلام دة؟؟اشك فى الكلام ده لانى اعرف الاستاذ محمد كويس جدا وياما ساعد ناس كتير جدا فى المنتدى وبرة المنتدى وبدون مقابل لوجه الله الكريم اعتقد حضرتك تسرعت فى كتابة هذه التجربة وحاول راجع نفسك قبل ما تشهر بسمعة انسان مشهود عنه بالسمعة الحسنة والاخلاق الكريمة ومساعدة الجميع وهوفى بداية طريقه دة حتى ولو اخطأ دة انسان طبيعى ممكن يخطأ دة التوكيل يا راجل بيخطأ اخطاء اكتر من كده اصل دول مش المصنع اللى صنع العربية وعنصر الخطأ وارد واذا كان أ/ محمد اخطأ فهو هيقوم بتصليح الخطأ على اعلى مستوى والكل متأكد من الكلام دة فمش معنى انه اخطأ نمسك له السكينة وندبحه ورجاء متابعة الاتصال بالاستاذ محمد لمعالجة الامر بالعقل والحكمة وبلاش التسرع فى الحكم على الناس لان الموضوع بسيط وممكن يتحل سهل جدا ان شاءالله دة لو وصلت لتغيير الموتور هيغيره لك وكأن شيئا لم يكن
انا عن نفسى استفدت من المنتدى دة كتيير جدا وخصوصا من الاستاذ محمد طنانى لدرجة انى بقيت خبير فى الاوبل
انا قلت كلمة الحق اللى احاسب عليها امام الله والله على ما اقول شهيد
عايز أقولك ان حصل معايا موقف ودفعنا مبلغ وقدره والعيب رجع تاني وبمنتهى البساطة كلمت الراجل المحترم اللي أرشدني للورشة وقالي كلمه وقوله وروحله تاني وماتقلقش ، وبالفعل كلمت صاحب الورشة وقولتله على ان العيب ظهر تاني فقالي تعالى وماتقلقش من حاجة
الخلاصة: قدر الله وما شاء فعل ، وماظنش ان كان هايحصل حاجة لما ترجع لطناني وعربيتك على ونش وتقوله اتفضل شوف ايه اللي حصل للعربية ، وتشوفه رده وهايعمل ايه ؟
وان خيب ظنك تعالى ياباشا واحكي تجربتك عشان كلنا نستفاد
لكني شايف انك اتسرعت اوي في انك تيجي تحكي تجربتك قبل ما تشوف موقفه ورده
ماهو طبيعي ان الصنايعي يغلط ماهو بشر في الاخر ، وياما دقت على الراس طبول ، مش انت لوحدك اللي حصلتلك مشكلة بسبب غلطة صنايعي ، ومشاركات المنتدى هنا أكبر دليل
لـ محمد طناني
طبيعي جدا طالما بتحتك مع الناس وجها لـ وجه إنك هاتقابلك مشاكل ، احيانا بتكون الناس هي اللي غلطانة وفي بعض الأحيان الأخرى بتكون انت الغلطان
فالصح انك تتعلم وتستفاد من الأخطاء ديه عشان تتلافها في المرة الجاية
والورشة المحترمة هي اللي تراضي الزبون للآخر ، وإحنا واثقين من انك هاتعمل ده
فما تزعلش وتحبط نفسك ، بالعكس خلي صدرك رحب وواسع واتعود على انك تسمع اراء كتير بعضها حلوة والبعض الاخر منها مُر
صوابعك مش زي بعضها ومافيش إنسان في الدنيا اجتمعت عليه الناس
والله يا جماعة انا معرفش طناني شخصيا
بس لو دورتو في مشاركاتي هتلاقو ا ان اكتر من 90% من استفساراتي هو اللي بيرد عليا فيها وما بيبخلش بمعلومة على حد زيه زي كتير اوي من اعضاء المنتدى
ومش في المنتدى بس دا انا ساعات ببقى محتاج معلومة سريعة فبتصل بيه في التليفون وبيرد عليا ويديني المعلومة اللي عايزها وطبعا لوجه الله وبدون مقابل لانه راجل خدوم خدا
يا استاذ محمد ناصر مشكلتك كلها كانت بسبب الاستعجال الاستعجال الاستعجال
وعايز اقولك ان اكتر حاجة بيكرهها الصنايعي انك تقف على دماغه وتستعجله
صحيح لازم تبقى واقف على عربيتك وهي بتتصلح عند اي صنايعي بس انت ممكن تعمل كده من غير ما تحسس الصنايعي انك واقف على عربيتك عشان مخونه او شاكك في شغله او تستعجله في شغله
وطبعا النتيجة في الاخر هتكون في صالحك انت
وبغض النظر عن المنشور اللي كتبته عن تجربتك مع طناني لو حبينا نحكم على طناني بالمقارنة مع تجارب اعضاء تانية كتير اتعاملوا معاه في المركز او في المنتدي او بره المركز والمنتدى هنلاقيه واخد 10/10
سواء في الصنعة او المعاملة او التربية والاخلاق او كمية المعلومات اللي مابيبخلش فيها على حد بدون مقابل
ويا طناني انا بعتب عليك لانك ما ظهرتش من امبارح في المنتدي في ناس كتير محتجالك ومحتاجة لخبرتك
ومحتاجة ترد على استفسارتهم وانا اولهم
احنا ما اتعودناش تغيب علينا يوم في المنتدى
وبا محمد يا ناصر
خد عربيتك وروح لطناني تاني وسيبها في المركز وامشي وسيب تليفونك لطناني
واستنى منه تليفون لما تخلص
واستلمها بعد ما تخلص ومستنيين منك مشاركة تانية تحكي لينا فيها عن تجربتك التانية مع طناني
وانا متأكد انها هتكون تجربة ومشاركة بعنوان مختلف
وساعتها انا متأكد انك انت شخصيا وبنفسك اللي هتطلب من ادارة المنتدى انها تحذف المشاركة بتاعة تجربتك الاولى
لانك هتحس انك اتظلمت صحيح بس في نفس الوقت ظلمت الراجل وكل ده بسبب الاستعجال لان فعلا زي ما بيتقال (في التأني السلامة وفي العجلة الندامة)
-لو فرضنا ان الخطا وارد وده حقيقي مش فرض , مش معني كده نعلق مشنقه علشان غلطه . زميل لينا معاه استرا وجوه التوكيل المهندسين عاملين كونسلتو ومش عارفين يدوروها واكيد شفت الموضوع ده وفي الاخر طلع العيب من التقسيمه !! يعني مش عارفين يقسموا الكاتينه!!!!
-واحد ماشي معانا بما يرضي الله اخلاق كريمه وبيساعد الناس وحتي اللي راحله المركز قال انه بيشيل من عربيته قطع غيار ويركبها علشان الزبون علي حق ,
-من منطق الزبون علي حق لو لك حق عند محمد تاكد تماما انك هتاخد حقك واكتر انما مش بالتشهير !!
-مين هيقدر يوقف عضويتك علشان الموضوع ده؟؟؟!! المنتدي ده مش ملاكي احنا كلنا هنا ضيوف
وبنتعامل بما يرضي الله..
-كل اللي فات رد علي كلام حضرتك اللي سمعناه من طرف واحد , لازم نسمع كلام محمد ورده وان شاء الله
اي مشكله لها حل حتي لو صبابات جديده مش معناه ان الموتور باظ ,يارب يكون عندك سعه صدر لكلامي
وتقبل تحياتي
ودة الرابط بتاع الزميل اللى معاه الاسترا وشوف عملوا معاه ايه فى التوكيل على فكرة دى نفس مشكلة عربيتك بالضبط
http://www.nilemotors.net/Nile/385402-a.html
-أكتر حاجة تفقع المطيباتية واحد موتوره فبريقة جاب صبابات عايزه يعمل ايه :fun_36_3_4[1]: