توضيح لعروض تى اى داتا ونصيحه

طبعا الايام الى فاتت تى اى داتا عملت عروض حكايه و سرعات عاليه باسعار معقولة لكن فيه ناس كتير اتخدعت بالمظاهر و انا حبيت اقلكوا ايه الى حاصل...
اولا السرعات بتبقى محدوده و لو عاوز مش محدوده بتبقى اغلى اضعاف ... تانى حاجه و ديه الاهم ان الاستهلاك بيتحسب من التصفح مش من الداون لود فقط يعنى لو فتحت موقع زى الفيسبوك تلاقى استهلاكك الشهرى قل يمعنى ان فخلال 10 ايام بالكتير هتلاقى الاستهلاك خلص و لازم تروح تتدفع عشان تشحن و تكمل بقيه الشهر (نصب يعنى)
و الى اشترك اكيد لاحظ كلامى بجانب ان غالبا يعنى 90% منهم لقى عنده مشكله يأما النت بقى بيفصل او مابقاش شغال خالص و ده لان اسلاك التلفونات متهالكه و كذلك الكباين الى بتوصل لبوسكات العماير و الناس تفتكر ان المشكله فالشركه و يتصلوا ولا حياه لمن تنادى فالاخر يرجع للسرعه الى كان عليها يلاقى النت رجع زى الفل ....

نصيحه بلاش حد بشترك اكتر من 1 ميجا الا لو عنده السنترال و الاسلاك تستحمل عشان مايحصلش مشكله عنده :tumb:

بقولها من زمان
يغور النت المحدود مهما كانت المميزات
فيه ناس كتير مش بتقتنع إلا لما تجرب

اقتباس:

---

المشاركة الأصلية كتبت بواسطة elawany13

بقولها من زمان
يغور النت المحدود مهما كانت المميزات
فيه ناس كتير مش بتقتنع إلا لما تجرب

---

+111111111111111

انا اشتركت فى طلقه 15 جيجا وندمت

اقتباس:

---

المشاركة الأصلية كتبت بواسطة fghahkj

انا اشتركت فى طلقه 15 جيجا وندمت

---

ياترى عشان الاستهلاك و لا حصل مشكله؟

وماله ال 512 غير المحدود ؟
انا شغال بيه واحسن مليون مرة من السرعات المحدودة

اقتباس:

---

المشاركة الأصلية كتبت بواسطة midooo_119

ياترى عشان الاستهلاك و لا حصل مشكله؟

---

علشان الاستهلاك لان الى جرب الغير محدود ميقدرش يكمل مع طلقه شهر واحد

طول عمره التصفح بيتحسب داونلود

وحتى باقات الموبايل
التصفح داونلود مفهاش كلام....

تحياتي

مفيش حاجه اسمها تصفح وحاجه اسمها داونلود لأن التصفح في حد ذاته عباره عن داونلود لأنك بتعمل داونلود لكل عناصر الصفحه عندك والبراوزر بيحولها للشكل اللي بيظهر قدامك.

اقتباس:

---

المشاركة الأصلية كتبت بواسطة dr.hazem

طول عمره التصفح بيتحسب داونلود

وحتى باقات الموبايل
التصفح داونلود مفهاش كلام....

تحياتي

---

اقتباس:

---

المشاركة الأصلية كتبت بواسطة ahmed_adham

مفيش حاجه اسمها تصفح وحاجه اسمها داونلود لأن التصفح في حد ذاته عباره عن داونلود لأنك بتعمل داونلود لكل عناصر الصفحه عندك والبراوزر بيحولها للشكل اللي بيظهر قدامك.

---

فيه ناس كتير للاسف مش عارفه ده

بصو يا جماعه عشان نكون منصفين النت في مصر ليه ظروف خاصه. الشركات في العالم كله بتعمل سعر للشركات بسعر يصل حتى 10 أضعاف المنازل عشان موضوع ال sharing واستغلال الخط بنسبه تقارب 100% طول ال 24 ساعه انما احنا بنشترك اشتراك منزلي ونشير مع العماره كلها لتقسيم التكلفه وبالتالي الخط يصبح مستهلك 24 ساعه بالقدره كامله وده مش في مصلحه شركه النت على الاقل مش بالسعر ده.

لو الشركات ضمنت ان مفيش sharing للخط بين أكتر من مشترك هتقدر تدينا سرعات أكبر أو سعر أقل ومحدش يقول لو الاسعار أقل مكنش حد عمل sharing لأن احنا عارفين كويس لو الخط بقى ب 10 جنيه هتلاقي ناس بتقسمه على 5 عشان تدفع اتنين جنيه في الشهر.

الانترنت المحدود السعه مقابل السرعه العاليه كويس الى حد كبير وبينفع ناس كتير يهما سرعه التصفح والفرجه على اليوتيوب لفترات قليله يعني لو واحد بيستخدم النت ساعه ولا ساعتين في اليوم وعايز سرعه عاليه عشان ميضيعش وقته في الانتظار هيلاقي الباقات دي مناسبه ليه جدا. طبعا ده مش مناسب لكل الناس وعشان كده الشركات عامله باقات غير محدوده (نظريا) عشان ترضي جميع الاطراف.

اقتباس:

---

المشاركة الأصلية كتبت بواسطة ahmed_adham

بصو يا جماعه عشان نكون منصفين النت في مصر ليه ظروف خاصه. الشركات في العالم كله بتعمل سعر للشركات بسعر يصل حتى 10 أضعاف المنازل عشان موضوع ال sharing واستغلال الخط بنسبه تقارب 100% طول ال 24 ساعه انما احنا بنشترك اشتراك منزلي ونشير مع العماره كلها لتقسيم التكلفه وبالتالي الخط يصبح مستهلك 24 ساعه بالقدره كامله وده مش في مصلحه شركه النت على الاقل مش بالسعر ده.

لو الشركات ضمنت ان مفيش sharing للخط بين أكتر من مشترك هتقدر تدينا سرعات أكبر أو سعر أقل ومحدش يقول لو الاسعار أقل مكنش حد عمل sharing لأن احنا عارفين كويس لو الخط بقى ب 10 جنيه هتلاقي ناس بتقسمه على 5 عشان تدفع اتنين جنيه في الشهر.

الانترنت المحدود السعه مقابل السرعه العاليه كويس الى حد كبير وبينفع ناس كتير يهما سرعه التصفح والفرجه على اليوتيوب لفترات قليله يعني لو واحد بيستخدم النت ساعه ولا ساعتين في اليوم وعايز سرعه عاليه عشان ميضيعش وقته في الانتظار هيلاقي الباقات دي مناسبه ليه جدا. طبعا ده مش مناسب لكل الناس وعشان كده الشركات عامله باقات غير محدوده (نظريا) عشان ترضي جميع الاطراف.

---

لمعلوماتك نسبه كبيره جدا من الجمهوريه لا يوجد بها خطوط نحاس لتوصيل الانترنت بسبب انها قرى او خطوط حديثه فايبر لاتدعم النت.
وعلى اساسه الشبكات حتميه .
وفرلى خط 512 مش هقولك 4 ميجا ب 15 دولار او 15 يورو او 15 ين يعنى فى مصر 15 جنيه مصرى. وانت تلاقى الشبكات والشير بخ

اقتباس:

---

المشاركة الأصلية كتبت بواسطة mk3

لمعلوماتك نسبه كبيره جدا من الجمهوريه لا يوجد بها خطوط نحاس لتوصيل الانترنت بسبب انها قرى او خطوط حديثه فايبر لاتدعم النت.
وعلى اساسه الشبكات حتميه .
وفرلى خط 512 مش هقولك 4 ميجا ب 15 دولار او 15 يورو او 15 ين يعنى فى مصر 15 جنيه مصرى. وانت تلاقى الشبكات والشير بخ

---

أنا رديت على حضرتك مسبقا في مشاركتي السابقه لما قلت

اقتباس:

---

ومحدش يقول لو الاسعار أقل مكنش حد عمل sharing لأن احنا عارفين كويس لو الخط بقى ب 10 جنيه هتلاقي ناس بتقسمه على 5 عشان تدفع اتنين جنيه في الشهر.

---

وده الواقع للأسف بس حضرتك بتبرر الغلط بمنطق ان الحاجه غاليه يبقى سرقتها حلال. هتقولي سرقه ايه هقولك تشيير خط النت بين أكتر من شخص خارج الشقه الواحده سرقه يعني حرام شرعا وجريمه مخالفه للعقد اللي بينك وبين شركه النت قانونا وحضرتك بالظبط زي اللي بيسرقو نسخ ويندوز (وأي برمج عموما) ويقولك لو رخيصه مكنتش سرقتها وكمان نفس الكلام يمشي على القنوات المشفره وبالقياس لو معايا 5 جنيه المفروض أجيب بيها طبق كشري ولا سندوتشات فول وطعميه أدخل أسرق مطعم فيه فراخ ولحمه وأقول لو مكانتش غاليه كنت دفعت تمنها. وكمان أسرق عربيه بي ام دبلو عشان فلوسي يادوب تجيب كيا وأقول لو خلوها بسعر الكيا كنت دفعت تمنها.

ومش عارف برضه بأي منطق 15 جنيه = 15 دولار ده على أساس شركه النت لما بتشتري كابلات وسيرفرات ورواتر وسويتشات من بره بتقول للمورد مليون دولار يبقى خد مليون جنيه؟

البلاد بقى اللي حضرتك عايز تاخد النت بسعرها دي بتنفخ الناس ضرايب وبتحاسب الناس بالسحتوت ومفيش حاجه اسمها دعم ومفيش حاجه اسمها أشتري خط نت وأوزعه على الشارع كله ده غير ان هما اللي اخترعو التكنولوجيا وبالتالي ممكن يبيعها محليا بسعر حلو لكن تصديرها بيبقى غالي عشان مش كل من هب ودب يستفيد بيها.

أنا ضد الخطوط المحدودة ....
مدام انا بدفع اشتراك ... يبقى اخد خدمة كاملة ...

اللي بيعملوه الشركات ده اسمه نصب و استغلال ناتج عن احتكار4 او 5 شركات لخدمة الانترنت في مصر و انعدام المنافسة الخقيقية في تقديم خدمات عالية الجودة باسعار منخفضة ..

لو السرعة ال 512 سعرها 30 جنيه في الشهر ... الشير هينتهي تماما ..

اقتباس:

---

المشاركة الأصلية كتبت بواسطة ahmed_adham

أنا رديت على حضرتك مسبقا في مشاركتي السابقه لما قلت

وده الواقع للأسف بس حضرتك بتبرر الغلط بمنطق ان الحاجه غاليه يبقى سرقتها حلال. هتقولي سرقه ايه هقولك تشيير خط النت بين أكتر من شخص خارج الشقه الواحده سرقه يعني حرام شرعا وجريمه مخالفه للعقد اللي بينك وبين شركه النت قانونا وحضرتك بالظبط زي اللي بيسرقو نسخ ويندوز (وأي برمج عموما) ويقولك لو رخيصه مكنتش سرقتها وكمان نفس الكلام يمشي على القنوات المشفره وبالقياس لو معايا 5 جنيه المفروض أجيب بيها طبق كشري ولا سندوتشات فول وطعميه أدخل أسرق مطعم فيه فراخ ولحمه وأقول لو مكانتش غاليه كنت دفعت تمنها. وكمان أسرق عربيه بي ام دبلو عشان فلوسي يادوب تجيب كيا وأقول لو خلوها بسعر الكيا كنت دفعت تمنها.

ومش عارف برضه بأي منطق 15 جنيه = 15 دولار ده على أساس شركه النت لما بتشتري كابلات وسيرفرات ورواتر وسويتشات من بره بتقول للمورد مليون دولار يبقى خد مليون جنيه؟

البلاد بقى اللي حضرتك عايز تاخد النت بسعرها دي بتنفخ الناس ضرايب وبتحاسب الناس بالسحتوت ومفيش حاجه اسمها دعم ومفيش حاجه اسمها أشتري خط نت وأوزعه على الشارع كله ده غير ان هما اللي اخترعو التكنولوجيا وبالتالي ممكن يبيعها محليا بسعر حلو لكن تصديرها بيبقى غالي عشان مش كل من هب ودب يستفيد بيها.

---

مفيش تبرير للسرقه بتاع البى ام والفراخ
هل وندوزك اصلى هل الاوفيس اصلى هل جميع البرامج مدفوعه.
اسأل اى خبير مالى هيقولك 15 دولار فى امريكا يعنى 15 جنيه فى مصر .
وده ياكدلك اما حضرتك تركب تاكسى فى امريكا ويقولك 20 دولار هل بتقوله يعنى 140 جنيه .
وفى مصر بيقولك 20 جنيه هل بتقوله يعنى هل بتقوله يعنى 2.8 دولار .
هديك مثال اخر دائم التكرر فى منتدانا بخصوص سيارات الخليج العربيه اللى تمنها 80 الف فى مصر تساوى 40 الف فى الخليج ونقطه محدش قال جنيه ولا ريال فقط الف والف
_السعوديه ليست منتجه للتكنولوجيا الاى تى وشوف الاسعار ازاى.

اخيرا حضرتك تجاهلت بالكامل ردى الخاص بالبنيه التحتيه وحتميه الشبكه !

اقتباس:

---

المشاركة الأصلية كتبت بواسطة mk3

مفيش تبرير للسرقه بتاع البى ام والفراخ
هل وندوزك اصلى هل الاوفيس اصلى هل جميع البرامج مدفوعه.
اسأل اى خبير مالى هيقولك 15 دولار فى امريكا يعنى 15 جنيه فى مصر .
وده ياكدلك اما حضرتك تركب تاكسى فى امريكا ويقولك 20 دولار هل بتقوله يعنى 140 جنيه .
وفى مصر بيقولك 20 جنيه هل بتقوله يعنى هل بتقوله يعنى 2.8 دولار .
هديك مثال اخر دائم التكرر فى منتدانا بخصوص سيارات الخليج العربيه اللى تمنها 80 الف فى مصر تساوى 40 الف فى الخليج ونقطه محدش قال جنيه ولا ريال فقط الف والف
_السعوديه ليست منتجه للتكنولوجيا الاى تى وشوف الاسعار ازاى.

اخيرا حضرتك تجاهلت بالكامل ردى الخاص بالبنيه التحتيه وحتميه الشبكه !

---

أيوه عندي ويندوز أصلي والاوفيس نازل عندي مع اللاب لما اشتريته النسخه اللي فيها ويندوز وأوفيس بس وكل البرامج على اللابات أو الموبايلات أو التابلت عندي اما مدفوعه او مجانيه وربنا يعلم وده مش صعب يعني انت بتشتريها زي ما بتشتري أي حاجه لبيتك المهم بس تقتنع ان البرامج دي مخلقتش نفسها وان فيه شركات صرفت في تطويرها زي ما أي شركه بتصرف في تطوير أي منتج وتستنى تعمل منه ربح. سهوله سرقتها بس اللي خلت الناس تتعامل على ان ده العادي وده معناه ان فيه ناس كتير مش بتسرق عشان ملقتش الفرصه مش عشان انها مقتنعه ان السرقه حرام شرعا أو قانونا.

السعوديه والخليج عموما استثناء في كل حاجه من ناحيه التسعير سواء في العربيات أو البنزين ومجال الاتصالات عموما. طب تعرف ان الاتصالات من التليفون الارضي محليا في الكويت مجانيه 100% سواء بتتصل بموبايل او أرضي؟ ده مش معناه انهما مش بتكلفهم حاجه ولكن ده معناه ان الحكومه متحمله التكلفه كامله. هوه بيبيع العربيه بتمن استيرادها + هامش ربح ولا فيه ضريبه ولا فيه جمارك.

وردي السابق عليك كان وافي جدا في نقطه حتميه الشبكات. لو الخط بمليون جنيه ده مش مبرر انك تشيره. يا تدفع يا متدفعش واللي ممعاهوش ميلزموش ده الصح. وعلى فكره النت كان أضعاف اسعار دلوقتي ولما رخص محدش بطل تشيير فمحدش يتحجج بالسعر لأنه لو بقى بشلن الناس هتشيره ولو بقى ببلاش الناس هتشيره من باب المجامله كمان.

اقتباس:

---

المشاركة الأصلية كتبت بواسطة Ahmed_Adham

أيوه عندي ويندوز أصلي والاوفيس نازل عندي مع اللاب لما اشتريته النسخه اللي فيها ويندوز وأوفيس بس وكل البرامج على اللابات أو الموبايلات أو التابلت عندي اما مدفوعه او مجانيه وربنا يعلم وده مش صعب يعني انت بتشتريها زي ما بتشتري أي حاجه لبيتك المهم بس تقتنع ان البرامج دي مخلقتش نفسها وان فيه شركات صرفت في تطويرها زي ما أي شركه بتصرف في تطوير أي منتج وتستنى تعمل منه ربح. سهوله سرقتها بس اللي خلت الناس تتعامل على ان ده العادي وده معناه ان فيه ناس كتير مش بتسرق عشان ملقتش الفرصه مش عشان انها مقتنعه ان السرقه حرام شرعا أو قانونا.

السعوديه والخليج عموما استثناء في كل حاجه من ناحيه التسعير سواء في العربيات أو البنزين ومجال الاتصالات عموما. طب تعرف ان الاتصالات من التليفون الارضي محليا في الكويت مجانيه 100% سواء بتتصل بموبايل او أرضي؟ ده مش معناه انهما مش بتكلفهم حاجه ولكن ده معناه ان الحكومه متحمله التكلفه كامله. هوه بيبيع العربيه بتمن استيرادها + هامش ربح ولا فيه ضريبه ولا فيه جمارك.

وردي السابق عليك كان وافي جدا في نقطه حتميه الشبكات. لو الخط بمليون جنيه ده مش مبرر انك تشيره. يا تدفع يا متدفعش واللي ممعاهوش ميلزموش ده الصح. وعلى فكره النت كان أضعاف اسعار دلوقتي ولما رخص محدش بطل تشيير فمحدش يتحجج بالسعر لأنه لو بقى بشلن الناس هتشيره ولو بقى ببلاش الناس هتشيره من باب المجامله كمان.

---

ياااااااافندم فى اماكن بالبلدى مفيهاش تليفون اصلا
بالبلدى فى اماكن التليفون فايبر او هوائى
ودى لا يمكن يخش فيها dsl
فلاااااااااااااااازم تتتعمل شبكه

اقتباس:

---

المشاركة الأصلية كتبت بواسطة mk3

ياااااااافندم فى اماكن بالبلدى مفيهاش تليفون اصلا
بالبلدى فى اماكن التليفون فايبر او هوائى
ودى لا يمكن يخش فيها dsl
فلاااااااااااااااازم تتتعمل شبكه

---

بالمره بقى عشان الموضوع ده يطول
اطلق يد شركات الاتصالات الاخرى فى تمديد البنيه التحتيه بدلا من احتكار المصرية وانت تلاقى النت ببلاش بدون دعم الخليج واقرب مثال دقيقه المحمول فى مصر ليه رخيصه كده ! وبدون دعم

اقتباس:

---

المشاركة الأصلية كتبت بواسطة mk3

ياااااااافندم فى اماكن بالبلدى مفيهاش تليفون اصلا
بالبلدى فى اماكن التليفون فايبر او هوائى
ودى لا يمكن يخش فيها dsl
فلاااااااااااااااازم تتتعمل شبكه

---

طب ما انا من الناس دي يا أفندم وعندي نت من فودافون وممكن من أول 25 جنيه يبقى عندك نت في البيت على خط موبايل بدل خط التليفون وفيه راوتر اسمه Mifi بتحط فيه خط الموبايل يعملك وايرلس في البيت توصل فيه الموبايل واللاب والبلاي ستيشن وكل اللي انت عايزه.

احنا ممكن نتناقش للصبح في ان منظومه الاتصالات عندنا مش على مستوى وان النت عندنا مبقاش مواكب للتطور في المواقع اللي بقت تحتاج سرعه أكبر للتصفح وأتفق معاك في ده كله بس خلافي هنا على ان ارتفاع الاسعار مبرر للتشيير وده مش صح.

العربيه فى السعوديه بدون جمارك حلو اوى متفقين
يعنى 40 الف ريال فى 2 جنيه يساوى 80 الف جنيه ولسه محطتش جمارك وضرايب مصر
اذن لو اضفت الجمارك والضريبه هتعدى 100 الف جنيه مصرى ! وهذا غير صحيح
ولكن الصحيح هو السياره فى السعوديه ب 40 الف ونقطه بدون عمله

اقتباس:

---

المشاركة الأصلية كتبت بواسطة ahmed_adham

طب ما انا من الناس دي يا أفندم وعندي نت من فودافون وممكن من أول 25 جنيه يبقى عندك نت في البيت على خط موبايل بدل خط التليفون وفيه راوتر اسمه mifi بتحط فيه خط الموبايل يعملك وايرلس في البيت توصل فيه الموبايل واللاب والبلاي ستيشن وكل اللي انت عايزه.

احنا ممكن نتناقش للصبح في ان منظومه الاتصالات عندنا مش على مستوى وان النت عندنا مبقاش مواكب للتطور في المواقع اللي بقت تحتاج سرعه أكبر للتصفح وأتفق معاك في ده كله بس خلافي هنا على ان ارتفاع الاسعار مبرر للتشيير وده مش صح.

---

25 جنيه 1200 ميجا والميجا بحساب واللى معهوش ميلزموش حس باخوانك اللى على قدهم

اقتباس:

---

المشاركة الأصلية كتبت بواسطة ahmed_adham

أيوه عندي ويندوز أصلي والاوفيس نازل عندي مع اللاب لما اشتريته النسخه اللي فيها ويندوز وأوفيس بس وكل البرامج على اللابات أو الموبايلات أو التابلت عندي اما مدفوعه او مجانيه وربنا يعلم وده مش صعب يعني انت بتشتريها زي ما بتشتري أي حاجه لبيتك المهم بس تقتنع ان البرامج دي مخلقتش نفسها وان فيه شركات صرفت في تطويرها زي ما أي شركه بتصرف في تطوير أي منتج وتستنى تعمل منه ربح. سهوله سرقتها بس اللي خلت الناس تتعامل على ان ده العادي وده معناه ان فيه ناس كتير مش بتسرق عشان ملقتش الفرصه مش عشان انها مقتنعه ان السرقه حرام شرعا أو قانونا.

السعوديه والخليج عموما استثناء في كل حاجه من ناحيه التسعير سواء في العربيات أو البنزين ومجال الاتصالات عموما. طب تعرف ان الاتصالات من التليفون الارضي محليا في الكويت مجانيه 100% سواء بتتصل بموبايل او أرضي؟ ده مش معناه انهما مش بتكلفهم حاجه ولكن ده معناه ان الحكومه متحمله التكلفه كامله. هوه بيبيع العربيه بتمن استيرادها + هامش ربح ولا فيه ضريبه ولا فيه جمارك.

وردي السابق عليك كان وافي جدا في نقطه حتميه الشبكات. لو الخط بمليون جنيه ده مش مبرر انك تشيره. يا تدفع يا متدفعش واللي ممعاهوش ميلزموش ده الصح. وعلى فكره النت كان أضعاف اسعار دلوقتي ولما رخص محدش بطل تشيير فمحدش يتحجج بالسعر لأنه لو بقى بشلن الناس هتشيره ولو بقى ببلاش الناس هتشيره من باب المجامله كمان.

---

كلامك نظريا زى الفل ولا غبار عليه
بس مننكرش ان كل لما النت بيرخص كل ما موضوع الشير بيقل تدريجيا
والناس بتقدم على خطوط dsl ليها اذا كان السنترال والخطوط بتسمح وبيحصل انتشار رهيب
والشبكات الكبيرة قوى بتتفتت الى شبكات اصغر مع الوقت فأصغر
ياعنى الموضوع فى ايد الشركات بنسبة كبيره
الشير والشبكات مش حاجه حلوة وبنسعى اليها
ده موضوع مقرف بالنسبة للمستخدم
وكله مشاكل والخدمة بتبقى زفت كل يوم سويتش مهنج
ولا سلك مقطوع
ولا واحد رخم بيستخدم النت كت ولا واحد معندوش فكره جاله فيرس وانتشر على الشبكة ... ووقف الخدمة
وكل يوم مواويل
والناس تواقه الى الاستقلال بخط منفصل بقدر الإمكان ولخدمة افضل

انا جربت 2 ميجا من تى اى داتا ولات حسيت بفرق عن ال1 ميجا
وبيقولك اصله حسب الخطوط
فلغيته ورجعت لل1 ميجا

اقتباس:

---

المشاركة الأصلية كتبت بواسطة ahmed_adham

بصو يا جماعه عشان نكون منصفين النت في مصر ليه ظروف خاصه. الشركات في العالم كله بتعمل سعر للشركات بسعر يصل حتى 10 أضعاف المنازل عشان موضوع ال sharing واستغلال الخط بنسبه تقارب 100% طول ال 24 ساعه انما احنا بنشترك اشتراك منزلي ونشير مع العماره كلها لتقسيم التكلفه وبالتالي الخط يصبح مستهلك 24 ساعه بالقدره كامله وده مش في مصلحه شركه النت على الاقل مش بالسعر ده.

لو الشركات ضمنت ان مفيش sharing للخط بين أكتر من مشترك هتقدر تدينا سرعات أكبر أو سعر أقل ومحدش يقول لو الاسعار أقل مكنش حد عمل sharing لأن احنا عارفين كويس لو الخط بقى ب 10 جنيه هتلاقي ناس بتقسمه على 5 عشان تدفع اتنين جنيه في الشهر.

الانترنت المحدود السعه مقابل السرعه العاليه كويس الى حد كبير وبينفع ناس كتير يهما سرعه التصفح والفرجه على اليوتيوب لفترات قليله يعني لو واحد بيستخدم النت ساعه ولا ساعتين في اليوم وعايز سرعه عاليه عشان ميضيعش وقته في الانتظار هيلاقي الباقات دي مناسبه ليه جدا. طبعا ده مش مناسب لكل الناس وعشان كده الشركات عامله باقات غير محدوده (نظريا) عشان ترضي جميع الاطراف.

---

بصراحة كلامك اجبرني اني اعمل تسجيل دخول علشان ارد بالرغم اني نادرا لما بدخل المنتدي بشكل عام بما ان حضرتك اتكلمت اعطيني فرصة بقي اقول وجهة النظر الاخري

اولا انا ضد السرقة او التحايل بخصوص الشيرنج ولكن الجانب الاخر حق العميل ضائع
انا مع تي ايه داتا من سنة 2006 ومشترك لوحدي خط 4 ميجا كنت بدفع 380 جنيه شهريا خط غير محدود
حدث معي مالايطيقه احد
المفروض اني مشترك بشكل رسمي وبما يرضي الله وبدفع حق الشركة ولكن كانت شركة نصابة واقولك ليه
1- سرعة التحميل يجب ان تكون 512 فكانت عندي 380 علي اقصي درجة من الاداء الجيد
فكانوا يقسمون الخطوط وياخدوا سرعة من هذا العميل لعميل اخر يبيعوا له جزء من سرعتك وهكذا
اذا من الباديء فهي الشركة لانها المتحكمة في الاسعار والسرعات والجودة
2- ان كان هناك مشاكل تقنية فهي مشكلتهم ويجب عليهم اصلاحها لانها المستفيد الاكبر توسع يعني مستخدمين جدد يعني فلوس اكتر وتكلفة اقل
3- سوء خدمة العملاء خاصة الدعم الفني فهم غير مدربين تقنيا ولديهم ردين معروفين شيل الفيشة وركبها تاني والسلك جاي من الكابينة وماشي جنب خطوط كهرباء ولا تكييف بدون حل للمشكلة وفي الغالب بيكونوا هم اللي بيفصلوا من عندهم بمزاجهم وحصلت ملايين المرات معي ومع غيري
4- لك ان تتخيل اني حينما اعمل داونلود لااخذها كلها ورجاءا لاتقولي اصل الخط عندك لايسمح بل يسمح ولكن عملوا تراك للخط وجدوا اني بحمل كتير افلام بلوراي فكانوا يقصطعوا عني الخط الي نهاية الشهر وبعد اول الشهر يرجعوا السرعة تاني مع حجج بعيدة عنهم وهي تخصهم ويتحججوا بالسنترال بالرغم اني احيانا اتصل باي حد بس يكون محترم يرجعها وانا معاه اذا المشكلة ليست من السنترال بل لديهم المسخدمين اللي بيحملوا كتير بيخصلوا منهم
5- مرة اتصل بيا واحد وقالي انا اسف مضطرين نلغي اشتراكك لانك عميل بتستهلك كتير وانتا كدة بتخسر الشركة لك ان تتخيل انا بدفع كل هذا المبلغ علشان اخد خدمة مميزة ولوحدي يلغوا الخدمة والاشتراك علي الخط ولم يرضوا حتي بتقليل السرعة وعملوا بلوك علي الرقم والسبب اني بحمل كتير انا مالي العقد شريعة المتعاقدين انا اشتركت بمبلغ وقدره المفروض يكون عندي خدمة 24 ساعة او كنتم من البادية تحددوا مبلغ للمستخدمين مثلي وانا مالي انكم لم تفكروا ولو مرة ان الانترنت تطور واصبح المستخدم ورغباته اختلفت عن زمان في البدايات
الفيلم البلوراي الواحد وصل ال 90 جيجا وزمان كان اكبر فيلم 700 ميجا لماذا لم يبتكروا ويضعوا حلول

صدقني المشكلة مشكلتهم

اقتباس:

---

المشاركة الأصلية كتبت بواسطة yuong313

بصراحة كلامك اجبرني اني اعمل تسجيل دخول علشان ارد بالرغم اني نادرا لما بدخل المنتدي بشكل عام بما ان حضرتك اتكلمت اعطيني فرصة بقي اقول وجهة النظر الاخري

اولا انا ضد السرقة او التحايل بخصوص الشيرنج ولكن الجانب الاخر حق العميل ضائع
انا مع تي ايه داتا من سنة 2006 ومشترك لوحدي خط 4 ميجا كنت بدفع 380 جنيه شهريا خط غير محدود
حدث معي مالايطيقه احد
المفروض اني مشترك بشكل رسمي وبما يرضي الله وبدفع حق الشركة ولكن كانت شركة نصابة واقولك ليه
1- سرعة التحميل يجب ان تكون 512 فكانت عندي 380 علي اقصي درجة من الاداء الجيد
فكانوا يقسمون الخطوط وياخدوا سرعة من هذا العميل لعميل اخر يبيعوا له جزء من سرعتك وهكذا
اذا من الباديء فهي الشركة لانها المتحكمة في الاسعار والسرعات والجودة
2- ان كان هناك مشاكل تقنية فهي مشكلتهم ويجب عليهم اصلاحها لانها المستفيد الاكبر توسع يعني مستخدمين جدد يعني فلوس اكتر وتكلفة اقل
3- سوء خدمة العملاء خاصة الدعم الفني فهم غير مدربين تقنيا ولديهم ردين معروفين شيل الفيشة وركبها تاني والسلك جاي من الكابينة وماشي جنب خطوط كهرباء ولا تكييف بدون حل للمشكلة وفي الغالب بيكونوا هم اللي بيفصلوا من عندهم بمزاجهم وحصلت ملايين المرات معي ومع غيري
4- لك ان تتخيل اني حينما اعمل داونلود لااخذها كلها ورجاءا لاتقولي اصل الخط عندك لايسمح بل يسمح ولكن عملوا تراك للخط وجدوا اني بحمل كتير افلام بلوراي فكانوا يقصطعوا عني الخط الي نهاية الشهر وبعد اول الشهر يرجعوا السرعة تاني مع حجج بعيدة عنهم وهي تخصهم ويتحججوا بالسنترال بالرغم اني احيانا اتصل باي حد بس يكون محترم يرجعها وانا معاه اذا المشكلة ليست من السنترال بل لديهم المسخدمين اللي بيحملوا كتير بيخصلوا منهم
5- مرة اتصل بيا واحد وقالي انا اسف مضطرين نلغي اشتراكك لانك عميل بتستهلك كتير وانتا كدة بتخسر الشركة لك ان تتخيل انا بدفع كل هذا المبلغ علشان اخد خدمة مميزة ولوحدي يلغوا الخدمة والاشتراك علي الخط ولم يرضوا حتي بتقليل السرعة وعملوا بلوك علي الرقم والسبب اني بحمل كتير انا مالي العقد شريعة المتعاقدين انا اشتركت بمبلغ وقدره المفروض يكون عندي خدمة 24 ساعة او كنتم من البادية تحددوا مبلغ للمستخدمين مثلي وانا مالي انكم لم تفكروا ولو مرة ان الانترنت تطور واصبح المستخدم ورغباته اختلفت عن زمان في البدايات
الفيلم البلوراي الواحد وصل ال 90 جيجا وزمان كان اكبر فيلم 700 ميجا لماذا لم يبتكروا ويضعوا حلول

صدقني المشكلة مشكلتهم

---

أنا معرفش تفاصيل سياسه الاستخدام العادل بس لو متأكد من موقفك ممكن تشتكي في جهاز تنظيم الاتصالات وفعلا أنا مع Tedata في بيت والدي وهما فعلا بيدوك 100 كيلو على كل 1 ميجا مش 128 وده مقصود منهم مش طبيعه خطوط ولا حاجه وعمرهم ما هيعترفو بكده بس في المقابل السرعه ثابته طول النهار والليل (من تجربتي) وفيه شركات تانيه بالمقابل ممكن يديك سرعتك كامله بالليل بس وطول النهار نص السرعه تقريبا.

طبعا حركات حراميه مفيش خلاف خصوصا ان سياسه الاستخدام العادل مش بتكون مكتوبه بالتفصيل في العقد وعلى نفس النهج عقود تأمين السيارات كلها في مصر نصب في نصب واللي شاف عقد بره مصر يعرف الفرق.

مطلوب هنا بقى نتعايش مع الواقع ونشوف أحسن الوحشين طبقا لظروفنا واستخدامنا أو اننا نفضل نشتكي لبعض ومنوصلش لنتيجه. ولو حضرتك عندك مشكله زي ان النت فاصل تماما أو السرعه نازله بشكل ملحوظ وفاهم فنيا وجربت كل الحلول عندك قبل ما تتصل بيهم يبقى أول ما حد يرد عليك قله أنا عايز أكلم حد من ال level 2 عشان أنا جربت كل الحلول اللي عندي وهتلاقي تعامل مختلف نسبيا من ال level 2 لأنهم بيكونو فاهمين أكتر بكتير ومش شغال ب FAQ عمال يرد منها وخلاص.

وبالتوفيق...

من البداية بقول مهما كانت العروض
فهي غير مفيدة اطلاقا فالنهاية
مجرد رأي شخصي