المقارنة بين Mercedes E 200 و BMW 520i

بعد طول الغيبة و الغربة قررت العودة الي مصر.
و برغم تخوفي من حالة انهيار الأمن و المرور و سلوكيات الشارع فقد قررت شراء سيارة متميزة الي حد ما (قبل سفري كنت أركب Peugeot 505 و طوال سفري كان عندي Chevrolet & Ford Mercury)
و لقد وقع اختياري علي سيارتين عائليتين للمفاضلة بينهما و هما بنفس السعر تقريباً:

• Mercedes E 200
• BMW 520i

أرجو من الأعضاء الخبراء عمل مقارنة بينهما من حيث الكفاءة و ملائمة الأحوال المصرية و خدمات ما بعد البيع مثل الصيانة و قطع الغيار و خدمة التوكيل و سعر اعادة البيع . و يمكن اقتراح اضافة اختيار ثالث اذا كان في نفس النطاق السعري.
و شكراً مقدماً

تم نقلة لقسم المقارنات .

أيا كان البلد اللي انت فيها مترجعش والميركوري حلوه في الغربه ومترجعش.

ترجع بالسلامة
اول حاجة بس هي إن حضرتك موضحتش المبلغ المرصود اللي هتشتري بيه العربية، يعني بي إم ومرسيدس التسعينات ولا أوائل الألفينات ولا حاجات كسر زيرو ولا زيرو؟؟
بس بصفة عامة وعلى حد تجاربي المتواضعة ورأيي الشخصي فإني ارشح لحضرتك بي إم الفئة الخامسة سواء 520 او 523
فارق السعر هيكون ملحوظ، إزااااي؟
لأنك لو اشتريت بي إم أواخر التسعينات الفئة الخامسة ودي عربية عائلية محترمة قوية وسعرها هيكون أرخص من أختها من نفس العمر مرسيدس، طبعا المرسيدس إعادة بيعه اسرع من بي إم والطلب عليه اكثر بالنسبة للفئات دي، وعشان كده تشتري 520 موديل سنة 2000 بسعر e200 سنة 90 !!!!
طبعا انتقاء احالة الجيدة والكشف الدقيق مهم، ولو هتركب مش هتبيع بسرعة خليك في بي إم حتى لو معاك تشتري موديلات او ماركات احدث، وبالتوفيق

zero

طالما زيرو فى رأيي مرسيدس خصوصا موديل 2014 تصميم حكايه قريب جدا من ال s500 2014 اللى تمنها فى السعوديه 700 الف ريال
Mercedes-Benz E-Class picture # 01 of 147, Front Angle, MY 2014, 800x600

لو زيرو يبقي E-class من وحهة نظري شكلها احلي و دي ازواق و اعتقد الاتنين هيبقو نفس الكماليات بس في اعاده البيع مرسيدس بتمسك سعرها احسن من بي ام بغض النظر عن ان ال2 سعرهم بيقع

still waiting your kind help

- كنواحى فنيه كلا السياراتان تحفه فنيه و بينافسوا بعض فى كل حاجه ...
- كتوكيل / صيانه / قطع غيار >>> المرسيدس افضل و ارخص و اكتر انتشارا ..
- كسعر اعاده بيع >>> المرسيدس افضل ... يعنى بافتراض ان الزيرو تقريبا بنفس السعر ... بعض 3/4 سنوات حتلاقى فى المرسيدس 35/45 الف جم زياده :)

حضرتك روح شوف الاتنين على الطبيعه و اعمل تجربه قياده و انت حتقرر ايهما انسب لك ...

تحياتى ...

خليك مع المرسيدس عشان الفئه الخامسه هاينزل منها شكل جديد

if you seek luxury and comfort go for the merc
if you seek driving pleasures and sporty driving go for BMW

and as the other members said the merc have a better resale value and cheaper spare parts but is more expensive than the BMW

اقتباس:

---

المشاركة الأصلية كتبت بواسطة J A G U A R

خليك مع المرسيدس عشان الفئه الخامسه هاينزل منها شكل جديد

---

تغيير الشكل فى البى-ام الفئه الخامسه f10 الحالى حيكون اواخر 2017 !!! لانه من 2011 ... و حاليا فى 2014 يوجد فيس ليفت ...

اما تغيير الشكل الحالى للمرسيدس e / w212 حيكون اواخر 2016 ... لانها من 2010 ... و حاليا تباع الفيس ليفت ...

تحياتى ...

بضعف انا قدام ال bmw
بس في حالة حضرتك المرسيدس افضل

اقتباس:

---

المشاركة الأصلية كتبت بواسطة batman372

تغيير الشكل فى البى-ام الفئه الخامسه f10 الحالى حيكون اواخر 2017 !!! لانه من 2011 ... و حاليا فى 2014 يوجد فيس ليفت ...

اما تغيير الشكل الحالى للمرسيدس e / w212 حيكون اواخر 2016 ... لانها من 2010 ... و حاليا تباع الفيس ليفت ...

تحياتى ...

---

تسلم يا باشا على المعلومه

اقتباس:

---

المشاركة الأصلية كتبت بواسطة horas3000

if you seek luxury and comfort go for the merc
if you seek driving pleasures and sporty driving go for BMW

and as the other members said the merc have a better resale value and cheaper spare parts but is more expensive than the BMW

---

كلام 10\10 !!!!!!!!!!

البي ام علشان لسه مغيرا شكلها جديد الفيس لفت وصل مصر من شهر تقريباً كان في حفلة للفئة الخامسة الجديدة

انت لو سواق وبتحب الجري والمناورات والغرزات وغيره وعايز Driving Pleasure و عربية Traction مش بتسيب الارض و فتيس الـBMW ZF الرااااااائع يبقى الـBMW من سكاااااااااات زي من الاستاذ شريف horas قالك بالظبط

انما مش بتفرق معاك الثبات اوي والجري والحركات والراحة والكلام ده وعايز عربية فخمة من الدرجة الاولى يبقى مرسيدس !!!!!!!!!!

اقتباس:

---

المشاركة الأصلية كتبت بواسطة Batman372

تغيير الشكل فى البى-ام الفئه الخامسه f10 الحالى حيكون اواخر 2017 !!! لانه من 2011 ... و حاليا فى 2014 يوجد فيس ليفت ...

اما تغيير الشكل الحالى للمرسيدس e / w212 حيكون اواخر 2016 ... لانها من 2010 ... و حاليا تباع الفيس ليفت ...

تحياتى ...

---

كلامك سليم والفئة الخامسة الفيس ليفت وصل مصر من شهر تقريباً في اخر حفلة عملوها


واللي بيشتري العربيات دي يا فندم مش هتفرق معاه خساره 20 او 30 الف جنية زيادة او نقص في اعادة البيع احنا نبجيب العربيات دي نتمتع بيها مش اكتر بغض النظر عن اي شئ

مقارنه بين العربيتين بس النسخ الديزل
و مخرجش بره اللي احنا قلناه

[youtube]http://www.youtube.com/watch?v=KaJr8MMxFPE[/youtube]

السعر >> متساويين
قطع الغيار >>متساويين تقريبا
اعادة البيع>>مرسيدس
الشياكه >> متساويين

خلي بالك انه نزل الشكل الجديد لل BMW 5S

الثبات الاكبر >> BMW
الراحه الافضل >> Mer
الامكانيات >> متساويين تقريبا

ارشحلك BMW

اقتباس:

---

المشاركة الأصلية كتبت بواسطة ALshahba

السعر >> متساويين
قطع الغيار >>متساويين تقريبا
اعادة البيع>>مرسيدس
الشياكه >> متساويين

خلي بالك انه نزل الشكل الجديد لل BMW 5S

الثبات الاكبر >> BMW
الراحه الافضل >> Mer
الامكانيات >> متساويين تقريبا

ارشحلك BMW

---

- قطع الغيار و تكلفه الصيانات المرسيدس افضل/ارخص و ذلك عن تجربه 4 بى-ام و 2 مرسيدس ..
- بالنسبه للفئه الخامسه الحاليه دى فيس ليفت نصف المده ... و الان مرسيدس نزلت فى مصر ايضا 2014 فيس ليفت ... يعنى الاتنين ماشيين مع بعض فى تغيير الموديل ...
- الثبات/الراحه/الفخامه/الهاى تكنولوجى/الابتكار/المواتير/الامكانيات ..... الخ زى بعض و لكن كل عربيه بطريقتها الخاصه... الموضوع قتل بحثا فى كل المواقع ... و زى ما الاجانب بيقولا انك لا تستطيع مقارنه التفاح بالبرتقال :) apple vs orange
تحياتى ...

اقتباس:

---

المشاركة الأصلية كتبت بواسطة 2code

واللي بيشتري العربيات دي يا فندم مش هتفرق معاه خساره 20 او 30 الف جنية زيادة او نقص في اعادة البيع احنا نبجيب العربيات دي نتمتع بيها مش اكتر بغض النظر عن اي شئ

---

واقعيا الاغلبيه بيفرق معاهم جدا الكلام ده و الدليل على ذلك كتره مبيعات مرسيدس مقارنه بالبى-ام ... كله بيبص على اعاده البيع خصوصا ان الخسائر مش اى حد ممكن يتحملها ...
و انا كنت واحد من نظريه حضرتك ... لكن بعد 4 عربيات بى-ام ورمت خسائر .. فطبعا انتقلت لمرسيدس ... و لكن ده طبعا لا يمنع الرجوع للبى-ام و لكن ليس زيرو و انما كسر :)
تحياتى ...

الاتنين زي بعض .. ما يفرقش بينهم غير الاسم و الشكل

انا لو مكانك اللي يحدد هو شكل العربية مش اكتر و صالونها غير كده باقي اوجه المقارنة تقريبا متساوية من حيث السعر و خدمة بعد البيع و سعر اعادة البيع تزيد هنا شوية او تقل هنا شوية بس في الاخر متساويين

رأيي ان ال BMW تتفوق على Merc في الفئة الخامسة و السابعة عن ال E و S Class

في نفس نطاق السعر عندك الأودي A5 تحفة بس طبعا مش زي BMW - Merc في الانتشار و اعادة البيع

بالتوفيق

اقتباس:

---

المشاركة الأصلية كتبت بواسطة Hunting_Eagle

الاتنين زي بعض .. ما يفرقش بينهم غير الاسم و الشكل

انا لو مكانك اللي يحدد هو شكل العربية مش اكتر و صالونها غير كده باقي اوجه المقارنة تقريبا متساوية من حيث السعر و خدمة بعد البيع و سعر اعادة البيع تزيد هنا شوية او تقل هنا شوية بس في الاخر متساويين

رأيي ان ال BMW تتفوق على Merc في الفئة الخامسة و السابعة عن ال E و S Class

في نفس نطاق السعر عندك الأودي A5 تحفة بس طبعا مش زي BMW - Merc في الانتشار و اعادة البيع

بالتوفيق

---

لا يا زعيم
الاتنين مش زي بعض نهائي
دول مختلفين شكلا و موضوعا
ال 5 بتركز علي متعه القياده و الثبات بينما ال e بتركز علي الراحه و الفخامه و انك تبقي معزول عن الطريق

و لو هنقارن فانا من راي علي الوضح الحالي
ال 3 تتفوق علي ال c
ال 5 تتفوق علي ال E بره مصر في مصر احتساح لل E بسبب طرقنا الجميله
ال 7 ملهاش اي امل قصاد ال S الجديده بصراحه و في انتظار رد BMW
ال SUV اكتساح تام لل BMW

اقتباس:

---

المشاركة الأصلية كتبت بواسطة horas3000

لا يا زعيم
الاتنين مش زي بعض نهائي
دول مختلفين شكلا و موضوعا
ال 5 بتركز علي متعه القياده و الثبات بينما ال e بتركز علي الراحه و الفخامه و انك تبقي معزول عن الطريق

و لو هنقارن فانا من راي علي الوضح الحالي
ال 3 تتفوق علي ال c
ال 5 تتفوق علي ال E بره مصر في مصر احتساح لل E بسبب طرقنا الجميله
ال 7 ملهاش اي امل قصاد ال S الجديده بصراحه و في انتظار رد BMW
ال SUV اكتساح تام لل BMW

---

متفق طبعا مع كلامك

انا قصدي ان الفئة الخامسة و ال E Class الاتنين هتاخد منهم اداء و شياكة و راحة في الركوب .. و ان كان ال بي ام هتتفوق في نقط زي الاداء و المرسيدس هتتفوق في نقط زي الراحة و الفخامة بس في الاخر هتبقى المحصلة من العربيتين واحدة .. و ان كان في مصر انا رايي ان الراحة اهم من الاداء ..

الفئة السابعة انا بقارنها بموديلات S Class لحد اخر شكل اللي هو تقريبا موديل 2013 انا ما اعرفش موديل 2014 نزل ولا لسه في مصر .. طبعا شيء خيالي بس اكيد BMW مش هتسكت .. في صور مسربة للفئة السابعة 2015 او 2016 دلوقتي على النت

و في الاخر الاختيار اكيد صعب سواء BMW او MERC