الموضوع: طريق الاسماعلية بعد التطوير ... وشكرا للقوات المسلحة

اللى اعرفه ان القوات المسلحة بتمول فقط الطريق ده واسندته لشركات مقاولات خاصة.

لما مشيت على الطريق عجبنى كتير بس فعلا عيب الاسفلت القديم والاسفلت الجديد تحسه مش ها يستحمل النقل التقيل ومفيش انارة.

اخيرا ياترى التوسعة دى ها تكمل لحد اسماعيلية؟ وينزعوا ملكية او يشيلوا مبانى عشان يكملوا التوسعة؟؟؟

المشاركة الأصلية كتبت بواسطة eng:mohamed

بصراحه منتهى الإستفزاز التطوير المستمر للطرق الصحراويه سواء سويس أو إسماعيليه أو حتى الأسكندريه اللي مستخدميها لا يتجاوزوا 10% من مستخدمي الطريق الزراعي طبقا لإحصائيه كنت سمعتها من العقيد أيمن الضبع..
الطريق الزراعي بيستعمله عدد كبير جدا..و يوميا..
و كان بيتم تحويل السيارات النقل يوم الخميس و الجمعه في الصيف إلى الزراعي..(اللي هو مش مستحمل)عشان المصييفين اللي رايحين الأسكندريه أو الساحل.
ماشي .أنا مش ضد تطوير الطرق..
بس الطريق الزراعي أصبح مأساه حقيقيه..واللي شغال في القاهره و بيروح و بيمشي على الزراعي فاهم قوي أنا بتكلم في إيه..
مش من المنطقي إن واحد معاه عربيه مفيهاش فرامل..و قاعد يزوقها بجنوط,زينون..
وفيه حاجات أولويه.
نخلي الطريق اللي بيخدم حوالي اربعه مليون عربيه يوميا..صالح للإستعمال..
أحسن مرفع كفاءة طريق من جيد إلى ممتاز..

في ده عندك حق
بس الفكره ان القدره علي التوسع في الطرق الصحراويه اكبر و اسهل خصوصا اللي تحوي اراضي للجيش من التوسع في طريق زي الزراعي اللي يكاد يختنق من الانشاءات علي يمينه و شماله

و حسب زميلنا احمد في طريق تاني بيتعمل الهدف منه تخفيف الضغط عليه زي ما هو قايل هنا

المشاركة الأصلية كتبت بواسطة ahmed_adham

طريق مصر اسكندريه الزراعي بيتعمله طريق بديل من سنين بيربط الطريق الدائري في القاهره بالطريق الدولي الساحلي في اسكندريه والمسافه بين طنطا واسكندريه اشتغلت قريب ودلوقتي فيه شغل في المسافه بين بنها والدائري وفعلا فيه نزع ملكيه أراضي خلص وفيه ردم كمان خلص وبعد كده يبقى المرحله بين طنطا وبنها ويكون الطريق خلص.

والطريق ده مش تبع الجيش على حد علمي وربنا يستر ويطلع سليم.

فادعي ربنا الطريق الجديد ده يتم علي خير
او ان الجيش يستلمه عشان يسرع وتيره الشغل عليه
و ده ميمنعش ان لما الطريق ده يخلص يتم تاهيل الطريق الزراعي تاني و اعاده رصفه