الموضوع: طريق الاسماعلية بعد التطوير ... وشكرا للقوات المسلحة

المشاركة الأصلية كتبت بواسطة lanos2004

من الواضع انه هيبقه كوبرى علوى فوق جوزيف تيتو كله

انا كنت شفت صوره للمشروع و مكانش في كوبري بطول الطريق
و مش لاقيها للاسف
الكباري تقريبا عشان تغني عن اليوتيرن و تفك الزحمه اللي عند السندباد و اللي عند مدخل صلاح سالم من جنب الكليه
و هما شغالين الله ينور اهو و خدوا جزء من المطار و بيصغروا الرصيف اللي في النص و ربنا يكرم

المشاركة الأصلية كتبت بواسطة friendship7897

اوصل للطريق دا إزاي من مدينة نصر؟
علشان انا مسافرة بورسعيد الأسبوع اللي جاي
كنت بسافر الأول من طريق السويس - أدخل شمال على الشروق ثم العاشر ثم أكمل على الأسماعيلية ثم بورسعيد .
شكراً جزيلاً لشرح مدخل الطريق بالتفصيل

حضرتك هتاخدي الاوتوستراد لحد مساكن شيراتون و منها الي طريق جوزيف تيتو (طريق السندباد) و تكملي علي طول لاخره هتلاقي كوبري الحرفيين متطلعيش عليه و انزلي من تحته يمين هتلاقي طريق طوالي اسمه محور جوزيف تيتو هتمشي عليه طوالي هتطلعي علي الدائري (و خلي بالك في كام ملف حلو واخره منحني حاد لليمين و ده تحديدا تدخليه مهديه لان فيه بهايم بعيد عنك بتكون داخله عكسي و فيه سور بيحجب الرؤيه تماما للي داخل)
من الدائري هتمشي حوالي 3-4 كيلو هتلاقي علي اليمين نفق مدخل محور الشاذلي هتنزلي منه علي المحور (برضه في منحني جامد في اوله فخدي بالك) و هتاخديه لاخره هتلاقي مفرق يمين طريق الاسماعليه و شمال مدخل مدينه العبور و ده ملكيش دعوه بيه انت هتدخلي يمين (و برضه خلي بالك ناس كتير بيجلها تربنه في الحته دي و مش بتكون عارفه هي رايحه فين و بيعملوا مصايب) هتلاقي نفسك علي طريق الاسماعليه