الموضوع: عن العمل فى جمهوريه التشيك

المشاركة الأصلية كتبت بواسطة mohabelnegm

كنت هناك فى شهر 7اللى فات, زرت براج بس , عملتهم الكرونة 1يورو=25كرونة, البلد بصفة عامة مش غالية مقارنة بعواصم أوروبا الشرقية و الغربية...يعنى مثلا تذكرة مترو ألأنفاق ب 22 كرونة يعنى حوالى 8جنيه(لو فى باريس أو برلين التذكرة بتكون ب 2-3 يورو. أكل و شرب مش غالية, مقاربة لمصر لو بنتكلم فى مطاعم وجبات سريعة. البلد أمان و ماقبلتش فيها أى قلق أو عنصرية أو ما شابه ذلك. براج مدينة سياحية و مش كبيرة و المترو واصل لكل حته فى العاصمة, بتاخد خريطة المترو من أى محطة متر ببلاش و سهل جدا أنك تتحرك بالمترو داخل براج و لو هتسافر من براج لأى عاصمة فى أوروبا بتروح محطة ألأتوبيس الدولى و اللى جنب محطة المترو"florence و التذاكر مش غالية...يعنى من براج لبرلين التذكرة كانت ب 30يورو بس. و الناس فى براج بتتكلم انجليزى و الشعب التشيكى انطباعى عنه أنه شعب لطيف و غير عنصرى.

عظيم جداا
طيب متوسط الدخل اللى يعشك حياه كريمه انتا و اسرتك قد ايه
يعنى مثلا مايعادل هنا فى مصر 5 او 6 الاف شهريا ؟؟

لو حضرتك رايح زى شغل الخليج تلم فلوس و تيجى يبقا لأ لو رايح علشان بلد انظف أكيد آه

لازم تطلع لوحدك ألأول و تشوف الحياه بنفسك قبل ما تفكر تاخد ألأسرة معاك..الحياه فى شرق أوروبا مش سهلة من نواحى كتيرة زى الجو القارس البرودةو اللغة اللى لازم تتعلمها لو هاتعيش هناك و حاجات تانية كتير مش هتلاقيها زى غرب أوروبا....سؤالك عن الماديات أنا هاقيس على بولندا لأنى فى التشيك كنت زائر بس عشت فترة فى بولنداو مستوى المعيشة متقارب مع التشيك. لو بطولك و علشان تعيش حياه معقولة هناك "مستريح" مرتبك لابد انه لا يقل عن ما يعادل7ألاف جنيه مصرى (السكن هناك غالى و خصوصا فى الشتاء بتدفع فلوس كتير للتدفئة و مصادر الطاقة .

المشاركة الأصلية كتبت بواسطة khaled_sabry

يعنى ايه ده؟؟؟ يعنى هناك السلاح الرسمى بتاعهم سيوف الليزر بقى :ka_che1[1]:ورئيس الجمهوريه هو البتاع الاخضرر القصير
لا بجد يعنى ايه السطر ده -

ههههههههههه لا يا باشا ........... ديه تريقة من صديقى الفرنساوى عليهم .......... معناها ان اخر حاجة بيفكروا فيها الدين و نسبة الملحدين هناك كبيرة اوى