السلام عليكم
معروض عليا حاليا عمل فى جمهوريه التشيك as Development Lead .NET
لسه الموضوع ما اتحسمشى بالقبول او الرفض بس عاوز اعرف معلومات عن البلد دى و المستوى المعيشى و الحد الادنى اللى يعيشنى مستريح انا و مراتى و اولادى
عرض للطباعة
السلام عليكم
معروض عليا حاليا عمل فى جمهوريه التشيك as Development Lead .NET
لسه الموضوع ما اتحسمشى بالقبول او الرفض بس عاوز اعرف معلومات عن البلد دى و المستوى المعيشى و الحد الادنى اللى يعيشنى مستريح انا و مراتى و اولادى
أنا معرفش حاجة عن التشيك بس أكيد أي حاجة برة مصر زي الفل
https://www.google.com/search?q=hgst...B4%D9%8A%D9%83
راجع الرابط ده حيفيدك
التشيك بلد جميلة جدا و من أأمن دول العالم
شعب محترم و ظريف جدا و الأسعار فيه رخيصة مقارنة بفرنسا مثلا (عشان انا بنقلك الكلام ده من صديق فرنسى عايش فى التشيك)
بس فيه عيب خطير بالنسبة للمسلمين ........ على حد كلام صاحبى ان شعبه بيؤمنوا ب star wars و جيداى و الforce اكتر ما بيؤمنوا بربنا ........ ده معناه ان نسبة الملحدين هناك مش المسيحيين كمان عالية اوى اوى
ده بيخلى الأمر صعب شوية للمسلمين فيما يخص الطقوس و الشعائر الأسلامية خصوصا فى الأكل زى اللحوم المدبوحة على الشريعة و كده
و ربنا يوفقك
اي دولة مافيهاش مسلمين كتير هاتتعذب فيها فى موضوع الاكل وموضوع الصحبة مهما كانت الدولة حلوة هاتحس انك جوة سجن
كنت هناك فى شهر 7اللى فات, زرت براج بس , عملتهم الكرونة 1يورو=25كرونة, البلد بصفة عامة مش غالية مقارنة بعواصم أوروبا الشرقية و الغربية...يعنى مثلا تذكرة مترو ألأنفاق ب 22 كرونة يعنى حوالى 8جنيه(لو فى باريس أو برلين التذكرة بتكون ب 2-3 يورو. أكل و شرب مش غالية, مقاربة لمصر لو بنتكلم فى مطاعم وجبات سريعة. البلد أمان و ماقبلتش فيها أى قلق أو عنصرية أو ما شابه ذلك. براج مدينة سياحية و مش كبيرة و المترو واصل لكل حته فى العاصمة, بتاخد خريطة المترو من أى محطة متر ببلاش و سهل جدا أنك تتحرك بالمترو داخل براج و لو هتسافر من براج لأى عاصمة فى أوروبا بتروح محطة ألأتوبيس الدولى و اللى جنب محطة المترو"Florence و التذاكر مش غالية...يعنى من براج لبرلين التذكرة كانت ب 30يورو بس. و الناس فى براج بتتكلم انجليزى و الشعب التشيكى انطباعى عنه أنه شعب لطيف و غير عنصرى.
متابع