قصص حقيقية عن الحسد .. اللهم احفظنا من كل شر

**RAPID** · 01-11-2013 07:04 PM

هنخصص الموضوع ده لقصص الحسد الواقعية يعنى كل اللى عنده قصة او موقف حقيقى لحسد يتفضل يحكيه وهبدأ بنفسى مع قصة شخصية

واحد صاحبى عنده هذا الداء وكلنا عارفين كدة ومش عارف هو عارف ولا لأ، المهم كنت اشتريت شاشة كمبيوتر جديدة عادى يعنى تانى يوم كان عندى .. اول ما شافها بيقولى ايه دا .. دى جديدة دى .. جبتها بكام .. شغلها كدة والله العظيم بشغل الكمبيوتر وحلفت ما هى شغالة يمين شمال واغير فى الكابلات ومشترك الكهرباء ولا الهوا وصاحبنا برضه مستنى .. وانا فى سرى بقول خلاص يا عم كل سنة وانت طيب مستنى ايه

المهم كنت شاريها مفيش يومين روحت بيها المحل وكشف عليها الفنى قالى دى فصلت باور واول مرة اصادف العطل ده عموما فى الشاشات وادانى واحدة بدالها لان كان معايا فاتورة مع انها المفروض تدخل ضمان وتتصلح وكأن ربنا بيعوضنى

وده موقف من ضمن مواقف متعددة لهذا الشخص كان اخرها واحد صاحبنا ربنا فتح عليه شوية فى شغله واستلمه هذا الشخص بس برواقة شغل محترفين يعنى ههههههه وكل ما يقابله يقوله ايه العز ده .. ايه الجمال ده يا عم (بدون ادنى حرج) انت اشتغلت فى المخدرات ولا ايه وصاحبنا المسكين يقوله صلى عالنبى يا فقر لحد ما حاله وقف تماما بسبب توقف السياحة وملحقش يتهنى يا عينى يومين

الحسد ده ابشع شئ فى الدنيا وتأثيره سبحان الله سريع ونافذ المفعول ان لم يتحصن المسلم ضده بالاذكار والايمان بالله انه النافع والضار

المواقف كتير
ياريت نتبادل بعض هذه المواقف

**Moustafa.yonis** · 01-11-2013 07:33 PM

طبعا هي المواقف كتير لكن يظل الغريب هي الحاجات الفورية، حاجه كده زي مسرحية محمد صحبي ادم وحورية

ابن خالتي جايب نظاره جديدة معدي قدام مجموعة شباب في الكلية ميعرفهمش لقي واحد بيقوله النظارة دي جامدة ف&&%خ
ابن خالتي بيقولي يدوب عديت منهم سمعت حاجه طقت وحاجه بتخبط في حاجبي لقيت الفريم اتكسر

**hugan** · 01-11-2013 07:40 PM

كان معايا عربيه 25 بس كانت رايقه ونضيفه
واحد معايا في الشغل اتفرج عليها
دورت ومشيت لقيتها جابت طلمبه مياه
غيرت ال25 وجبت شاهين وكانت نضيفه جدا تقريبا زيرو
اتفرج عليها
مفيش 500 كتر لقيتها فصلت كهرباء
لقيت فيشه من اللي داخله الكونتاكت ساحت وبدون سبب

لما يكون معاك شيء وخايف من الحسد
الافضل تقول
بسم الله ماشاء الله ولا حول ولا قوه الا بالله
في سرك
حتي لو الشخص او اي شخص خايف منه واقف جنبك

**prof2013** · 01-11-2013 08:02 PM

واحد صاحبي بيحكيلي امبارح عن واحد جاره اتجنن عافاه الله بقى بيقول كلام غريب في الشارع ويزعق وفي المدرسه يمسك الميكروفون ويقول انا المهدي المنتظر والرسول يبقى جدي (هو شغال مدرس) من كلام صاحبي بيقول هو كان عاقل جدا وعايش عيشه مرتاحه هو ومراته وعياله وكل يوم فسح وخروجات بس الحته اللي هما ساكنين فيها مش بتبطل قر على خلق الله صاحبي نفسه عايز يعزل منها بس مش قادر .... (فعلا العين فلقت الحجر) ربنا يعافينا ويعافي الجميع

**RAPID** · 01-11-2013 08:34 PM

المشاركة الأصلية كتبت بواسطة fahdebnyonis

طبعا هي المواقف كتير لكن يظل الغريب هي الحاجات الفورية، حاجه كده زي مسرحية محمد صحبي ادم وحورية

ابن خالتي جايب نظاره جديدة معدي قدام مجموعة شباب في الكلية ميعرفهمش لقي واحد بيقوله النظارة دي جامدة ف&&%خ
ابن خالتي بيقولي يدوب عديت منهم سمعت حاجه طقت وحاجه بتخبط في حاجبي لقيت الفريم اتكسر

يا ساتر يا رب
المفروض ابن عمك كان رجع وقالهم النضارة الجامدة فـ&%$* اتـ%أ&@# يا ولود التيييييت

**RAPID** · 01-11-2013 08:35 PM

المشاركة الأصلية كتبت بواسطة hugan

كان معايا عربيه 25 بس كانت رايقه ونضيفه
واحد معايا في الشغل اتفرج عليها
دورت ومشيت لقيتها جابت طلمبه مياه
غيرت ال25 وجبت شاهين وكانت نضيفه جدا تقريبا زيرو
اتفرج عليها
مفيش 500 كتر لقيتها فصلت كهرباء
لقيت فيشه من اللي داخله الكونتاكت ساحت وبدون سبب

لما يكون معاك شيء وخايف من الحسد
الافضل تقول
بسم الله ماشاء الله ولا حول ولا قوه الا بالله
في سرك
حتي لو الشخص او اي شخص خايف منه واقف جنبك

العين فلقت الحجر
والله الواحد تلقائى لما بيشوف حاجة بتعجبه بيقول الله اكبر ما شاء الله
ويصلى على النبى

**RAPID** · 01-11-2013 08:38 PM

المشاركة الأصلية كتبت بواسطة omar-saad

لو على الحاجات دى فكلها سهلة جدا
انما لاقدر الله تيجى بقى فى مرض
جوازة تبوظ مبلغ كبير يروح
الحمد لله على كل شئ

فعلا الحسد لما بيجى فى حاجة كبيرة بيوجع قوى

واحدة ست اعرفها تعتبر المادة الخام للحسد يمكن فى مصر كلها، بتحكى دايما عن واحدة جارتها ومتغاظة منها يمكن احلى منها يمكن .. يمكن .. الله اعلم انما على كلامها هى متجوزة جديد وشايفة نفسها شوية فجأة ماتت بدون اى امراض وجوزها واهلها كانوا هيتجننوا عليها ربنا يصبرهم وياجرهم فى مصيبتهم

وبرضه مرة كانت بتحكى لوالدتى بتقولها فلانة كانت شبكتها من يومين بس ايه البت قمر ورقصها حكاية ومعرفش ايه المهم حطتها فى دماغها والله مفيش اسبوع ابو البنت بيقول انها تعبت راحت للدكتور واكتشفوا ان عندها فشل كلوى

الغريب بقى والمثير للدهشة فى آن واحد ان هذه المعجزة البشرية لما بتجى تزورنا بناخد يجى يومين مش طايقين بعض وخناق وزعيق بدون سبب ربنا يكفينا شرها

**RAPID** · 01-11-2013 08:38 PM

المشاركة الأصلية كتبت بواسطة prof2013

واحد صاحبي بيحكيلي امبارح عن واحد جاره اتجنن عافاه الله بقى بيقول كلام غريب في الشارع ويزعق وفي المدرسه يمسك الميكروفون ويقول انا المهدي المنتظر والرسول يبقى جدي (هو شغال مدرس) من كلام صاحبي بيقول هو كان عاقل جدا وعايش عيشه مرتاحه هو ومراته وعياله وكل يوم فسح وخروجات بس الحته اللي هما ساكنين فيها مش بتبطل قر على خلق الله صاحبي نفسه عايز يعزل منها بس مش قادر .... (فعلا العين فلقت الحجر) ربنا يعافينا ويعافي الجميع

لا حول و لا قوة الا بالله
جيران السوء اكبر نقمة ممكن يقابلها الانسان فى حياته
ربنا يعافينا جميعا

**Gelgel2004** · 01-11-2013 08:42 PM

ضيف جالنا من فتره
اول لما دخل الصالون بص على صوره فوق الكنبه و قاللى دى حلوه اوى و بعد ما قعد على الكنبة وقعت عليه ...
مره تانية كان معايا عربيه داتسون مانيوال 2 كربراتير باكم و نواكل و سبور و حاجه تفرح كنت جايبها من هلسنكى و لونها برتقالى فاقع و بصراحة ...؟كانت حدوته
و احدصاحبى ركب معايا و اول ما اتسلطح على الكرسى الريكارو قالى انا فى صالون و الا عربيه
بعد مانزل لقيت خرطوم الرادياتير العلوى سايح ؟؟يارب
نجنا