الموضوع: دي في دي اندرويد للميجان

انا كنت عايز اعرف هل تركيبه سهل و هل في لعب في السلوك كتير و لا الموضوع بسيط .
انا اكتشفت ان الموقع كان كاتب اني لازم اعمل مراجعه مع الجمارك و الضرائب قبل ما اشتري لانهم غير مسئولين عنهم و انا كنت مشغول اني انزل في السعر وخلاص فمأخدتش بالي الحمدالله علي كل شي

حيطلعوا زي ماهو مكتوب واحسن ان شاء الله واهدى كدا بس وان شاء الله مخلص الدي اتش ال حيتصرف صح ومتقلقش تركيبه اسهل ما يمكن مافيهوش حاجات كتير والكتالوج غالبا بالصور ولو فيه حاجه الراجل حيشرحهالك لو لا قدر الله وقفت في تركيب ولا حاجه.ان شاء الله اهدى واهنا بالا حيطلعوا اجمل من ما تتصور وتركيبهم اسهل من ما تتخيل والجمارك بس مشكلتها انها لو غلست لا قدر الله لا قدر الله بتزود حبه في الجمرك غير كدا ما فيش خلى توكلك على الله

ربنا يخليك ان شاء الله خير و كله علي الله

Dhl كلموني النهارده و الجمارك و الضرائب طلعوا 1980 جنيه للجهاز الواحد بصراحه مش عارف الواحد يعمل ايه في البلد ديه و لو حبيت ارجع الحاجه تكلفه الشحن هتقل شويه عن الجمارك يعني مش فارقه .

ده بسبب ان الاوردر اتكتب فيه اللي موجود بالضبط...يعني دي في دي--ويو اس بي- و بلوتوث- ونافيجيشن...الخ...كل ده.للاسف من باب الخبره الشحن بالدي اتش ال سريع ومضمون لكن مخلصينه زي الزفت وبيتسببوا في كل ده..الشحن الامثل للحاجات دي رغم بطئه ..ems or fedex وبس...معلش ينفع تعمل تظلم متهيالي وتروخ تكلف مخلص بنفسك اسال بتوع دي اتش ال

انما انك ترجع الحاجات دي لفه كبيره وحتكلفك اكتر من الجمارك بكتير

حاسبين سعره 2500 و جمارك 30% يعني 720 و بعدي كده السعر بقي 3220 عليه ضرائب 850 و بعد كده مصاريف تخليص 240 و 110 مش عارف بتوع ايه و 7 دمغات و 27 مصاريف انتظار عندهم . بجد حسبي الله ونعم الوكيل اللي بيعملوه ده هبل و طبعا اكيد مش هرجعه لان مصاريف شحمه تاني تقريبا هي مصاريف الجمارك و اللي اشتريت منه لا يمكن يقبل يرجعه دلوقتي و لو قبل هياخد جزء من ثمنه فالخساره هتبقي اكبر .
هما فعلا حاسبين دي في دي و جي بي اس علشان كده السعر بقي عالي بس اساسي هو مبالغ فيه و طبعا اصحابي شايفين اني ملبسهم وش .انا مستني لما يوصل و يتركب و اتاكد ان كل حاجه سليمه و انه كل حاجه وصلت معاه الكاميرا و gps , wifi . و ادي الواحد بيتعلم و حسبي الله و نعم الوكيل في الحكومه و الجمارك