كلام حلو جدا،،،طيب بما ان حضرتك معاك ال i10 شايف انها مناسبه لبنت هتحتاجها في مشاوير الكليه و مشاوير داخل القاهره؟ ولا هتتعبني و هحسها ضعيفه؟
عرض للطباعة
طبعا مناسبه .....ال i10 متخصصه لمشاوير داخل المدن يعنى مش مناسبه للسفر والمشاوير الطويله زى 120 كيلو ... وبعدين هاتتعبك ازاى هيا لادا .
حضرتك ال i10 مخصصه للي انت بتقولي عليه ده تحديدا
انا اصلا جايب العربيه للمدام عندي و منقينها مخصوص عشان هي صغيره و مناسبه لبنت و خصوصا و ان المدام عندي جديده علي السواقه
لكن لظروف الحمل و الولاده هي مش بتسوق و انا مستحلي العربيه جدا لصغرها و سهوله المناوره بيها و استهلاكها الرائع للبنزين و بستخدمها بشكل اساسي و راكن عربيتي
و انا اسلوبي في السواقه عنيف شويتين و رياضي
و بصراحه العربيه مش مقصره معايا ابدا و فاقت كل توقعاتي
فلو عاجباكي توكلي علي الله
و عيوبها انا سبق و ذكرتها ليكي و انت اقدر تحددي هل تناسبك و لا لا
والله عربية جميلة و هى معايا حاليا و للعلم
كان معايا قبلها مرسيدس 200 و رينو لوجان و تيريوس 98 و اكسنت 1.3 و بولونيز
و دلوقتى معايا ال i10 هى عربية جميلة جدا و شبابية و واسعة من جوة استهلاك بنزينها قليل جدا سحبها ممتاز و تكيفها ممتاز و ناااااااااااااااعمة جدا و ثابتة على الطريق .
و على فكرة العربية مش ضعيفة ولا حاجة زيها زى اى عربية يمكن تكون الفيرنا اضعف منها العربية معايا بجرى و بغرز بيها و ممرمطها و كلت بيها مطب على سرعة 90 و فى صفيحة كبيرة عديت فوقيها على سرعة 160 و قعدت تخبط فى العربية من تحت و محصلش حاجة الحمد لله و كان فى غطا بلاعة مقفول 1/2 قفلة حك العربية من اول الاكصدام الامامى للاكصدام الخلفى و برضو محلص حاجة و الحمد لله ..
عيبها الوحيد قلة قطع الغيار خارج التوكيل و ارتفاع اسعارها ..
متشكره جدااااااا لأرائكم طمنطوني اجيبها و حببتوني فيها اكتر :)